Filipenses 1:16 - Mixteco del suroeste de Tlaxiaco Oaxaca

¹⁶ Soo sava rá ñaniꞌ yukuán stékútu̱ꞌún uꞌvi iniꞌ ráa tu̱ꞌun Cristo, chi nsáꞌ ninuꞌun jiáni xi̱ni̱ꞌ ráa, chi jiáni iniꞌ ráa, ya̱ saꞌá ráa maa, sáva kukueꞌeꞌ ka̱ꞌ tu̱nóꞌó kunoꞌo ni̱ꞌ ni yɨ́ꞌɨ́ ni̱ꞌ veka̱a.

Filipenses 1:16 Referans Kwoze

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

Filipenses 1:12

Ránoꞌó ñaniꞌ jín ku̱ꞌva, ya̱ kúneí iniꞌ rán Jesús. Kuíni ni̱ꞌ ya̱ kukáꞌnú iniꞌ rán, ya̱ nnoꞌo ni̱ꞌ, nsi̱kuéꞌnu‑u tu̱ꞌun va̱ꞌa Jesús.

Filipenses 1:10

Sáva kototúníꞌ rán rá ichi íyó sɨ́ɨ́n jee ka̱ji rán ya̱ va̱ꞌa ka̱ꞌ kunikɨnꞌ rán, sáva saɨn koo iniꞌ rán nu̱u̱nꞌ Ndiosíꞌ, jee ni ɨɨn nkúvi chikua̱chi‑i ránoꞌó ki̱vɨ̱ꞌ niji Cristo.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

1 Corintios 9:17

Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

Filipenses 1:5

Chi chíneí táꞌán rán jín ni̱ꞌ síkúténuun‑ó tu̱ꞌun váꞌa Jesús, ne̱ ki̱vɨ̱ꞌ xíꞌnañúꞌún ya̱ nínuꞌ iniꞌ rán maa jín ne̱ ki̱vɨ̱ꞌ vitan.

Filipenses 2:22

Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ.

Filipenses 4:3

Suni sukuán, maánú, ya̱ táꞌán te̱e nsa̱tíñú nkáꞌnú na̱a̱ꞌ nijia jín ni̱ꞌ, suni jíkánꞌ ni̱ꞌ nu̱u̱nꞌ nú, ya̱ chineí nú ya̱ nakama̱ni̱ꞌ ráña. Chi nnu̱nasɨ́ ráña nsa̱tíñú nkáꞌnú ráña jín ni̱ꞌ, jee suni sukuán jín Clemente jín rá inka ñɨvɨ táꞌán sátíñú nkáꞌnú jín ni̱ꞌ, sáva kueꞌnu tu̱ꞌun va̱ꞌa Jesús. Jee rá súví ráa níso nu̱u̱nꞌ tutuꞌ níso rá súví rá ñɨvɨ kutekuꞌ jín Ndiosíꞌ nɨ́ɨ́nkání.

Filipenses 4:15

Jee ránoꞌó ñɨvɨ ñuunꞌ Filipos, suni jíníꞌ rán, ya̱ sáá nste̱kútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús nu̱u̱nꞌ rán ya̱ xíꞌnañúꞌún, jee sáá nkene ni̱ꞌ kua̱ꞌa̱nꞌ ni̱ꞌ rá ñuunꞌ tɨ́ɨn Macedonia, nu̱u̱nꞌ nééꞌ rán, jee jíníꞌ rán ya̱ métúꞌún maárán ví ya̱ ntaji ya̱ niniñúꞌún ni̱ꞌ ña̱xi̱nꞌ ni̱ꞌ, jee ni ɨɨn inka grupo ñɨvɨ ya̱ kúneí iniꞌ ráa Jesús ntu nchi̱neí táꞌán ráa jín ni̱ꞌ suꞌva.