Filipenses 1:15 - Mixteco del suroeste de Tlaxiaco Oaxaca

¹⁵ Íyó nijia ya̱ sava ráa sáꞌá maá, jie̱ꞌe̱ꞌ ya̱ kúkuíñɨ́ iniꞌ ráa néꞌyá ráa nuꞌuꞌ, jee kuíni ráa kutíxín ráa jín ni̱ꞌ. Soo sava ráa ka̱ꞌ stékútu̱ꞌún ráa tu̱ꞌun Cristo, chi kúváꞌa iniꞌ ráa.

Filipenses 1:15 Referans Kwoze

Filipenses 2:3

Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán, ni ya̱ sáꞌá téyɨ́ɨ́ rán. Chisaꞌ kani láꞌví iniꞌ rán, jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.

2 Corintios 11:13

Chi rá te̱e vá jee kátúꞌún ráa ya̱ níso ráa tiñu apóstol, soo ntu̱ví. Tiñu xínáꞌví sáꞌá ráa. Sáꞌá ráa nika̱ꞌ maáráa ya̱ kúvi ráa apóstol ya̱ chúichi Cristo.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 1:19

Chi Se̱ꞌya Ndiosíꞌ kúvi Jesús ya̱ kúvi Cristo, [ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ]. Jie̱ꞌe̱ꞌ Jesús ví ya̱ nste̱kútu̱ꞌún ránuꞌuꞌ nu̱u̱nꞌ ránoꞌó. Nuꞌuꞌ jín Silvano jín Timoteo ví ya̱ nste̱kútu̱ꞌún ránꞌ nu̱u̱nꞌ ránoꞌó jie̱ꞌe̱ꞌ re̱ꞌ. Jee nsáꞌ u̱vi̱ꞌ nu̱u̱nꞌ jiáni iniꞌ Cristo jee ntu̱ví nkáchíꞌ re̱ꞌ “kuvi” soo tuku “nkúvi” nkachiꞌ re̱ꞌ. Chisaꞌ Cristo sukuáni káchíꞌ re̱ꞌ ya̱ “kuvi”.

Mateo 23:5

’Jee ntáká rá tiñu sáꞌá ráa vá, sáꞌá ráa maa sáva kuniꞌ rá ñɨvɨ maa, jee nakuetúꞌún ñɨvɨ ráa. Jee káꞌnú sáꞌá ráa rá kajúnꞌ lúlí ñúꞌún pedasúꞌ tutuꞌ níso Tu̱ꞌun Ndiosíꞌ ya̱ ténuꞌniꞌ néꞌín ráa yutéénꞌ ráa jín yɨkɨ náꞌá ráa. Jee sáꞌá kání ráa ka̱ꞌ yuxi yuꞌú saꞌma ñúꞌún ráa.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

Gálatas 2:4

Nku̱tútú sɨ́ɨ́n ránꞌ suꞌva, chi nki̱vɨ te̱e káꞌvi ni ya̱ káchíꞌ ráa nika̱ꞌ ya̱ kúvi ráa ñaniꞌ‑ó. Nki̱vɨ yuꞌuꞌ ráa nteñu‑ó, sáva kune̱ꞌyá yuꞌuꞌ ráa jie̱ꞌe̱ꞌ ya̱ íñɨ́ núne‑ó nu̱u̱nꞌ ñujiínꞌ sáꞌá rá ñɨvɨ Israel, chi yɨ́ꞌɨ́‑ó nu̱u̱nꞌ Cristo Jesús. Sáꞌá ráa suꞌva sáva nanukú ráa ya̱ sikúnkuvi‑ó ñujiínꞌ vá jee nuvi tuku‑ó musúꞌ ya̱ kɨꞌɨ‑ó chi̱ji xi̱ntíín ñujiínꞌ vá.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

1 Corintios 13:3

Jee súnika̱ꞌ retánꞌ tasáva ni̱ꞌ nɨꞌɨ kuitɨꞌ ni̱ꞌ rá nantíñú kúmí ni̱ꞌ sajiaꞌ ni̱ꞌ maa nu̱u̱nꞌ rá ñɨvɨ nóꞌo láꞌví, jee súnika̱ꞌ retánꞌ ku̱ꞌva ni̱ꞌ maáníꞌ ne̱ teñuꞌunꞌ rá ñɨvɨ yɨkɨkúñu ni̱ꞌ, jee retú ntu̱ví ñúnúunꞌ ni̱ꞌ rá ñɨvɨ, saájee ni ntu̱náꞌ va̱ꞌa nániꞌinꞌ ni̱ꞌ.

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 10:36

’Nchu̱ichí re̱ꞌ tu̱ꞌun va̱ꞌa nu̱u̱nꞌ rá se̱ꞌya tataꞌ Israel, jee stékútu̱ꞌún re̱ꞌ ya̱ kuneeꞌ ma̱ni̱ꞌ ñɨvɨ jín re̱ꞌ sáꞌá Jesús ya̱ kúvi‑i Cristo, ya̱ kúvi‑i I̱toꞌoꞌ nɨꞌɨ ñɨvɨ ñɨ̱vɨ́.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 8:35

Saájee nka̱jiéꞌé Felipe jín tu̱ꞌun yaꞌá níso nu̱u̱nꞌ Tutuꞌ Ííꞌ ya̱ nkaꞌvi re̱ꞌ, jee nste̱kútu̱ꞌún‑u tu̱ꞌun váꞌa jie̱ꞌe̱ꞌ Jesús nu̱u̱nꞌ re̱ꞌ.

Hechos 5:42

Jee ta ki̱vɨ̱ꞌ iniꞌ veñu̱ꞌun káꞌnú jín ta veꞌi ta veꞌi, ni ntu̱né nsíkɨ́kui̱ñɨ̱ꞌ ráa xínéꞌénꞌ ráa jee stékútu̱ꞌún ráa tu̱ꞌun váꞌa jie̱ꞌe̱ꞌ Cristo Jesús.

Hechos 8:5

Jee ña̱ꞌa̱nꞌ Felipe ñuunꞌ Samaria, jee nste̱kútu̱ꞌún re̱ꞌ nu̱u̱nꞌ rá ñɨvɨ yukuán jie̱ꞌe̱ꞌ Cristo.

Romanos 2:8

Soo kítɨ́ꞌ iniꞌ re̱ꞌ nachunáán re̱ꞌ xinóꞌo re̱ꞌ nu̱u̱nꞌ rá ñɨvɨ kua̱sɨ́n iniꞌ ráa jín ya̱ ntu káníjiá ráa nu̱u̱nꞌ ya̱ naáꞌ, chisaꞌ káníjiá ráa ya̱ niváꞌa.