Filipenses 1:10 - Mixteco del suroeste de Tlaxiaco Oaxaca

¹⁰ Sáva kototúníꞌ rán rá ichi íyó sɨ́ɨ́n jee ka̱ji rán ya̱ va̱ꞌa ka̱ꞌ kunikɨnꞌ rán, sáva saɨn koo iniꞌ rán nu̱u̱nꞌ Ndiosíꞌ, jee ni ɨɨn nkúvi chikua̱chi‑i ránoꞌó ki̱vɨ̱ꞌ niji Cristo.

Filipenses 1:10 Referans Kwoze

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

1 Tesalonicenses 3:13

Jee jíkánꞌ táꞌvíꞌ ráníꞌ suꞌva, sáva saꞌá re̱ꞌ ya̱ kuiñɨ kutú ránú ne̱ jín ánímaꞌ rán, ya̱ kusɨ́ɨ́n rán ya̱ nkɨ́ꞌɨ rán nu̱u̱nꞌ ya̱ níváꞌa. Sáva ni ɨɨn ñɨvɨ nchikua̱chi ráa si̱kɨ̱ꞌ ránoꞌó ichinúúnꞌ Tátáꞌ‑ó Ndiosíꞌ, sáá niji tuku I̱toꞌoꞌ‑ó Jesús jín nɨꞌɨ rá ñɨvɨ ya̱ nsa̱ꞌá sɨ́ɨ́n re̱ꞌ ráa yɨ́ꞌɨ́ ráa nu̱u̱nꞌ re̱ꞌ.

1 Tesalonicenses 5:23

Ndiosíꞌ ví ya̱ sáꞌá‑a ya̱ kuneeꞌ ñunkúún ñɨvɨ. Jee ñúꞌún iniꞌ ni̱ꞌ ya̱ na̱ ka̱ꞌ sasɨ́ɨ́n re̱ꞌ ka̱ꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ níváꞌa, ya̱ kɨtíñú noo rán nu̱u̱nꞌ re̱ꞌ. Jee ñúꞌún iniꞌ ni̱ꞌ ya̱ na̱ ka̱ꞌ kumí re̱ꞌ ka̱ꞌ kávii kuitɨꞌ sáá íyó rán, va̱ni ánímaꞌ rán, va̱ni antúníꞌ rán, va̱ni yɨkɨkúñu rán, sáva ntu̱náꞌ kua̱chi koo si̱kɨ̱ꞌ ránoꞌó, sáá kiji tuku I̱toꞌoꞌ‑ó Jesús ya̱ kúvi Cristo.

Romanos 2:18

jee retú jíníꞌ nú ná kúvi ya̱ kuíni Ndiosíꞌ ya̱ saꞌá nú, jee retú káji nú ya̱ váꞌa ka̱ꞌ, chi nku̱tu̱ꞌva nú ya̱ káchíꞌ ley nta̱túníꞌ Ndiosíꞌ,

Efesios 5:10

Jee kototúníꞌ rán rá tiñu sáva kukáꞌnú iniꞌ rán na̱ tiñu kúváꞌa iniꞌ I̱toꞌoꞌ‑ó néꞌyá re̱ꞌ maa.

1 Juan 4:1

Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.

Filipenses 1:6

Suni jiáꞌa ni̱ꞌ ya̱ kútaꞌviꞌ jie̱ꞌe̱ꞌ rán, chi ne̱ yuchí kúkáꞌnú nijia iniꞌ ni̱ꞌ ya̱ Ndiosíꞌ ya̱ nka̱jiéꞌé nsa̱ꞌá re̱ꞌ tiñu váꞌa iniꞌ rán, jee chuchítú re̱ꞌ íchí kunikɨnꞌ re̱ꞌ sikúnkuvi re̱ꞌ tiñu váꞌa vá ne̱ ki̱vɨ̱ꞌ niji Cristo Jesús.

1 Tesalonicenses 5:21

Chisaꞌ kototúníꞌ rán nɨꞌɨ jee tɨɨn rán ya̱ váꞌa.

1 Corintios 1:8

Jee saꞌá re̱ꞌ ya̱ kuiñɨ ni̱ꞌin rán kuneí iniꞌ rán Cristo ne̱kua̱ꞌ ji̱nu ya̱ tékúꞌ nú, sáva ni ɨɨn ntu̱náꞌ kuvi chikua̱chi ránoꞌó sáá kenta nikó I̱toꞌoꞌ‑ó Jesús ya̱ kúvi Cristo.

Apoclipsis 2:2

Jee jíníꞌ ni̱ꞌ ntáká tiñu váꞌa sáꞌá rán, jee íñɨ́ yɨ́ɨ́ rán yɨ́tíñú rán nu̱u̱nꞌ ni̱ꞌ, jín ya̱ káꞌnú íyó iniꞌ rán kúníꞌin rán íñɨ́ rán jín nuꞌuꞌ. Jee suni jíníꞌ ni̱ꞌ ya̱ ntu kúvi keꞌneꞌ iniꞌ rán ya̱ koo ñɨvɨ kánéꞌén nteñu rán. Jee jítotúníꞌ rán rá te̱e xínáꞌví ya̱ káchíꞌ ráa nika̱ꞌ ya̱ apóstol kúvi ráa ya̱ nchu̱ichí Ndiosíꞌ ráa, soo ntu̱ví, jee saáva jíníꞌ rán ya̱ kúvi ráa te̱e túꞌún ni.

Efesios 5:27

Nsa̱ꞌá re̱ꞌ sukuán sáva sáá naku̱ꞌva re̱ꞌ yó nu̱u̱nꞌ maáréꞌ ya̱ kúneí iniꞌ‑ó re̱ꞌ jee viiꞌ kuñáꞌnú‑ó, chi nkóo kua̱chi ánímaꞌ‑ó, ni ya̱ niváꞌa, ni néni ɨɨn rá yukuán, sáva koo sɨ́ɨ́n‑ó nkɨ́ꞌɨ‑ó nu̱u̱nꞌ ya̱ niváꞌa jee koo ninuꞌun‑ó nu̱u̱nꞌ re̱ꞌ.

Juan 1:47

Jee sáá niniꞌ Jesús Natanael ya̱ váji kuyatin‑i, jee nkaꞌanꞌ re̱ꞌ jie̱ꞌe̱ꞌ‑e: ―Yaꞌá ví nijia ɨɨn se̱ꞌya tataꞌ ñuunꞌ Israel ya̱ kúvi te̱e na̱a̱ꞌ, ya̱ ntu ñúꞌún tu̱ntúꞌún tuꞌva yuꞌú re̱ꞌ ―nkachiꞌ Jesús.

Mateo 16:23

Soo nna̱kune̱ꞌyá Jesús nu̱u̱nꞌ Pedro, jee nkachiꞌ re̱ꞌ nu̱u̱nꞌ‑u: ―¡Kuiyo, kuáꞌán iyo! ¡Satanás!, chi núkú nú xinínkava nú nuꞌuꞌ. Nsáꞌ nénu̱u̱nꞌ nú tiñu Ndiosíꞌ, chisaꞌ nénu̱u̱nꞌ nú sáni jiáni iniꞌ rá ñɨvɨ ―nkachiꞌ re̱ꞌ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Romanos 12:9

Ne̱ saɨn kunu̱u̱nꞌ rán táꞌán rán, koto káñunkúún sáꞌá rán nika̱ꞌ. Jee kuniꞌ u̱ꞌvi̱ꞌ rán kune̱ꞌyá rán ya̱ niváꞌa. Jee kunikɨnꞌ rán saꞌá rán tiñu váꞌa.

Romanos 8:7

Chi rá ñɨvɨ túví ráa antúníꞌ ráa sáni kuíni ráa, ya̱ ntu yɨ́tíñú ráa nu̱u̱nꞌ Ndiosíꞌ, jee jíníꞌ u̱ꞌvi̱ꞌ ráa Ndiosíꞌ. Jee ntu chíꞌi ráa maáráa xi̱ntíín tu̱ꞌun tátúníꞌ Ndiosíꞌ, jee ni ntu kúvi chiꞌi ráa maáráa xi̱ntíín tu̱ꞌun tátúníꞌ re̱ꞌ.

Mateo 26:33

Soo nna̱xiníkó Pedro jee nkachiꞌ‑i: ―Súnika̱ꞌ ntáká ráa kininkava nayu̱ꞌví ráa jee xinóo ráa noꞌó, soo nuꞌuꞌ, chi ni nsáꞌ kininkava nayu̱ꞌví ni̱ꞌ jee ni nsáꞌ xinóo ni̱ꞌ noꞌó ―nkachiꞌ Pedro.

Génesis 20:5

¿Á nsáꞌ nkachiꞌ re̱ꞌ nu̱u̱nꞌ ni̱ꞌ ya̱ “ku̱ꞌva ni̱ꞌ ví ña”, jee suni maáña nkachiꞌ ña: “ku̱ꞌva ni̱ꞌ ví re̱ꞌ” résa? Saáva íyó noo ánímaꞌ ni̱ꞌ nu̱u̱nꞌ tiñu yaꞌá nsa̱ꞌá ni̱ꞌ jee na̱a̱ꞌ nsa̱ꞌá ni̱ꞌ maa ―nkachiꞌ Abimelec.

Filipenses 1:16

Soo sava rá ñaniꞌ yukuán stékútu̱ꞌún uꞌvi iniꞌ ráa tu̱ꞌun Cristo, chi nsáꞌ ninuꞌun jiáni xi̱ni̱ꞌ ráa, chi jiáni iniꞌ ráa, ya̱ saꞌá ráa maa, sáva kukueꞌeꞌ ka̱ꞌ tu̱nóꞌó kunoꞌo ni̱ꞌ ni yɨ́ꞌɨ́ ni̱ꞌ veka̱a.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

Efesios 4:15

Chisaꞌ kunikɨnꞌ‑ó kaꞌanꞌ‑ó tu̱ꞌun na̱a̱ꞌ jín tu̱ꞌun kunu̱u̱nꞌ táꞌán‑ó, sukuán jee kueꞌnu‑ó jín ntáká tiñu kuíni Cristo, ya̱ yósóꞌ re̱ꞌ nu̱u̱nꞌ‑ó kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

2 Corintios 8:8

Soo nsáꞌ káchíꞌ ni̱ꞌ yaꞌá sáva tatúníꞌ ni̱ꞌ maa nu̱u̱nꞌ ránoꞌó. Chisaꞌ kuíni ni̱ꞌ ya̱ kuniꞌ rán na̱sa ñúkáñá iniꞌ rá inka ñanitáꞌán, sáva kototúníꞌ ni̱ꞌ ránoꞌó sáva stúvi rán ya̱ máá naáꞌ nijia ya̱ ñúnúunꞌ rán ñɨvɨ.

2 Corintios 6:3

Jee ni ntu̱náꞌ sáꞌá ráníꞌ sáva ntu xinínkava ránꞌ ñɨvɨ sáva ntu kasɨꞌ ránꞌ tɨɨn ráa Tu̱ꞌun Ndiosíꞌ, sáva nku̱ví chikua̱chi ráa si̱kɨ̱ꞌ tiñu sáꞌá ránꞌ nu̱u̱nꞌ Ndiosíꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

1 Corintios 8:13

Jee saáva, retú jie̱ꞌe̱ꞌ yájíꞌ ni̱ꞌ ku̱ñu jee sukuán sikíninkava ni̱ꞌ ñanitáꞌán‑ó nu̱u̱nꞌ kua̱chi jee ni nsáꞌ kajiꞌ kuitɨꞌ ni̱ꞌ ka̱ꞌ ku̱ñu ni tékúꞌ ni̱ꞌ, sáva ntu̱ví saꞌá ni̱ꞌ ya̱ kininkava ñanitáꞌán‑ó nu̱u̱nꞌ kua̱chi.

Romanos 16:17

Jee ránoꞌó ñanitáꞌán ni̱ꞌ, jíkánꞌ táꞌvíꞌ ni̱ꞌ ya̱ nito koo rán maárán nu̱u̱nꞌ rá ñɨvɨ ya̱ sáꞌá ráa ya̱ kusɨ́ɨ́n rá táꞌán‑ó jín xíkíninkava ráa táꞌán‑ó jín tu̱ꞌun ya̱ ntu kétáꞌán jín tu̱ꞌun ya̱ ya nku̱tu̱ꞌva rán. Jee kuiyo rán nu̱u̱nꞌ ráa.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

Romanos 7:16

Soo retú sáꞌá ni̱ꞌ ya̱ ntu kuíni ni̱ꞌ saꞌá ni̱ꞌ, jee kúnáaꞌ iniꞌ ni̱ꞌ ya̱ váꞌa kúvi ley.

Hechos 24:16

Saáva sukuáni núnasɨ́ ni̱ꞌ kunikɨnꞌ ni̱ꞌ ichi váꞌa, sáva kuniꞌ ni̱ꞌ ya̱ ntu níso ni̱ꞌ kua̱chi nu̱u̱nꞌ Ndiosíꞌ jín nu̱u̱nꞌ rá ñɨvɨ.

Juan 3:20

Chi nta̱ká rá ñɨvɨ ya̱ sáꞌá rá tiñu niváꞌa, jee táꞌvi iniꞌ ráa néꞌyá ráa ñuꞌunꞌ vá, jee ntu nátuꞌva ráa ñuꞌunꞌ vá, sáva ntu nátúvi nu̱nijínꞌ ya̱ niváꞌa ví tiñu sáꞌá ráa.

Filipenses 2:16

ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.