Filemón 1:8 - Mixteco del suroeste de Tlaxiaco Oaxaca

⁸ Saáva táji Cristo ya̱ kuvi kaꞌanꞌ neí iniꞌ ni̱ꞌ tatúníꞌ ni̱ꞌ noꞌó ya̱ íyó saꞌá nú.

Filemón 1:8 Referans Kwoze

1 Tesalonicenses 2:6

Ni ntu̱náꞌ núkú ránꞌ ya̱ nakuetúꞌún ñɨvɨ ránuꞌuꞌ, ni ya̱ nakuetúꞌún rán ránuꞌuꞌ, ni ya̱ nakuetúꞌún inka ñɨvɨ ránuꞌuꞌ. Sú níso ránꞌ tiñu apóstol, ya̱ nchu̱ichí Cristo, jee kúvi tetuvi ráníꞌ ránoꞌó ya̱ koto rán ránuꞌuꞌ,

2 Corintios 10:8

Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

2 Corintios 3:12

Jee jie̱ꞌe̱ꞌ íyó kutú tu̱neí iniꞌ‑ó ya̱ saꞌá Ndiosíꞌ sukuán, jee saáva íyó neí iniꞌ‑ó.

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.

Efesios 5:4

Jee ni koto káꞌánꞌ rán rá tu̱ꞌun néꞌí néꞌén, ni rá tu̱ꞌun naanꞌ nékáíyó, ni rá tu̱ꞌun kási̱kɨ́ kini. Chi rá tiñu yaꞌá ntu íyó váꞌa. Chisaꞌ ku̱ꞌva rán ya̱ kútaꞌviꞌ nu̱u̱nꞌ Ndiosíꞌ.

2 Corintios 11:21

Jee kúkanuun ni̱ꞌ ya̱ káchíꞌ ni̱ꞌ ya̱ táyáꞌ iniꞌ ránꞌ ntu tiɨ́kɨ́ iniꞌ ráníꞌ saꞌá ránꞌ sukuán. Soo na̱ni jie̱ꞌe̱ꞌ ya̱ kíji iniꞌ néni ɨɨn ñɨvɨ káꞌánꞌ téyɨ́ɨ́‑ɨ, sunisaá nuꞌuꞌ kíji iniꞌ ni̱ꞌ, sú kuéntáꞌ káꞌánꞌ naanꞌ ni̱ꞌ.