Efesios 6:23 - Mixteco del suroeste de Tlaxiaco Oaxaca

²³ Jee na̱ ka̱ꞌ saꞌá ka̱ꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo ya̱ kino̱o va̱ꞌa iniꞌ rá ñanitáꞌán‑ó, jín ya̱ kunu̱u̱nꞌ ráa Ndiosíꞌ jín ɨɨn inka ráa, jín ya̱ kuneí iniꞌ ráa Ndiosíꞌ.

Efesios 6:23 Referans Kwoze

Gálatas 6:16

Nta̱ká rá ñɨvɨ ya̱ jíka ráa sáni káchíꞌ tu̱ꞌun yaꞌá ya̱ káchíꞌ ni̱ꞌ, jee na̱ ka̱ꞌ kuneeꞌ va̱ꞌa ráa ka̱ꞌ, jín ya̱ kunáꞌví iniꞌ Ndiosíꞌ ráa, ne̱ rá ñɨvɨ íñɨ́ jín Ndiosíꞌ ya̱ kúneí iniꞌ ráa Jesús ya̱ kúvi ráa ichiyúkúnꞌ Israel.

1 Pedro 5:14

Kaꞌanꞌ rán tu̱ꞌun káꞌánꞌ va̱ꞌa teyuꞌú yɨ́ñúꞌún rán jín ɨɨn inka rá táꞌán rán jie̱ꞌe̱ꞌ ñúnúunꞌ rán ɨɨn inka rán. Máá Ndiosíꞌ saꞌá ya̱ ne̱ va̱ꞌa kuvi ánímaꞌ rán kuneeꞌ ñunkúún ntáká rán ya̱ yɨ́ꞌɨ́ rán nu̱u̱nꞌ Cristo. Sukuán koo. Amén.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

1 Timoteo 1:14

Jee ni̱yo ma̱ni̱ꞌ nasɨ́kuitɨꞌ iniꞌ I̱toꞌoꞌ‑ó nne̱ꞌyá re̱ꞌ nuꞌuꞌ, sú ntu íyó níꞌin ni̱ꞌ maa. Suꞌva nsa̱ꞌá re̱ꞌ, ya̱ kuneí iniꞌ ni̱ꞌ re̱ꞌ, jín ya̱ kunu̱u̱nꞌ ni̱ꞌ rá ñɨvɨ, chi yɨ́ꞌɨ́ ni̱ꞌ nu̱u̱nꞌ Cristo Jesús.

Apoclipsis 1:4

Nuꞌuꞌ Juan, tée ni̱ꞌ tutuꞌ yaꞌá kua̱jiaaꞌ nu̱u̱nꞌ ránoꞌó ni uxáꞌ grupo ñɨvɨ ya̱ jínúꞌ iniꞌ rán Jesús, ránoꞌó ya̱ nééꞌ nu̱u̱nꞌ ñuunꞌ Asia. Jee na̱ ka̱ꞌ koo ma̱ni̱ꞌ ka̱ꞌ iniꞌ Ndiosíꞌ, jín ni uxáꞌ espíritu ya̱ ntu túvi nijinꞌ, jín Jesucristo saꞌá ráa ya̱ váꞌa nu̱u̱nꞌ ránoꞌó, jín ya̱ saꞌá ráa ya̱ kuva̱ꞌa iniꞌ ánímaꞌ rán. Chi máá Ndiosíꞌ vá íyó vitan, jee suni maáréꞌ vá íyó nɨ́ɨ́nkání tiempúꞌ ya̱ta̱ꞌ, jee suni maáréꞌ vá koo nɨ́ɨ́nkání. Jee ni uxáꞌ espíritu ya̱ ntu túvi nijinꞌ, jee íñɨ́ ráa ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ.

1 Timoteo 1:3

Sáá kua̱ꞌa̱nꞌ ni̱ꞌ ñuunꞌ sánitɨ́ɨn Macedonia, jee ni̱ka̱nꞌ ni̱ꞌ ya̱ kino̱o nú ñuunꞌ Éfeso, sáva tatúníꞌ nú nu̱u̱nꞌ ñɨvɨ káꞌvi ni, ya̱ koto xínéꞌénꞌ ráa tu̱ntúꞌún, ya̱ sɨ́ɨ́n káꞌánꞌ nu̱u̱nꞌ tu̱ꞌun váꞌa jie̱ꞌe̱ꞌ Cristo.

2 Tesalonicenses 3:16

Saájee máá maá I̱toꞌoꞌ‑ó ví ya̱ sáꞌá ya̱ kuneeꞌ ñunkúún ñɨvɨ. Jee na̱ ka̱ꞌ saꞌá re̱ꞌ ka̱ꞌ ya̱ ñunkúún kuneeꞌ rán nɨꞌɨ tiempúꞌ jín nta̱ká íchí. Jee kuneeꞌ I̱toꞌoꞌ‑ó jín nta̱ká ránoꞌó.

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.

1 Corintios 1:3

Na̱ ka̱ꞌ koo ya̱ máníꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó, jín ya̱ saꞌá ráa ya̱ kuneeꞌ va̱ꞌa rán.

Romanos 1:7

Tée ni̱ꞌ tutuꞌ yaꞌá nu̱u̱nꞌ ránoꞌó ya̱ ñúnúunꞌ Ndiosíꞌ ránoꞌó ya̱ nééꞌ rán ñuunꞌ Roma, ya̱ nkana re̱ꞌ ránoꞌó sáva kusɨ́ɨ́n rán kɨꞌɨ rán nu̱u̱nꞌ re̱ꞌ. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo kune̱ꞌyá ráa ránoꞌó jín ya̱ kuneeꞌ va̱ꞌa rán saꞌá ráa.

Juan 14:27

’Xinóo ni̱ꞌ ránoꞌó jee kɨ̱ꞌɨ̱nꞌ ni̱ꞌ, soo ne̱ va̱ꞌa koo iniꞌ rán kino̱o rán saꞌá ni̱ꞌ. Sáꞌá ni̱ꞌ ya̱ ne̱ va̱ꞌa kino̱o ánímaꞌ ránoꞌó kuéntáꞌ kúváꞌa iniꞌ ánímaꞌ ni̱ꞌ. Chi ntu nuún nótaꞌan sáꞌá ni̱ꞌ kuéntáꞌ kua̱ꞌ sáꞌá rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa xi̱ntíín Ndiosíꞌ, chi ntu sáꞌá ráa ya̱ ne̱ va̱ꞌa koo iniꞌ rán kuéntáꞌ sáꞌá ni̱ꞌ. Saáva koto nániꞌvɨꞌ iniꞌ ánímaꞌ rán ni koto yúꞌví rán.

Génesis 43:23

Jee nna̱xiníkó re̱ꞌ nu̱u̱nꞌ ráa: ―Koto nániꞌvɨꞌ iniꞌ rán, koto yúꞌví rán, chi Ndiosíꞌ rán ya̱ kúvi Ndiosíꞌ tátáꞌ rán kúvi ya̱ nchuꞌun re̱ꞌ ta̱ꞌvi̱ꞌ iniꞌ rá kuxtáꞌ rán, chi ntɨɨn ni̱ꞌ xu̱ꞌún ya̱ nchu̱náán rán ―nkachiꞌ musúꞌ vá nu̱u̱nꞌ ráa. Jee ntavaꞌ musúꞌ vá Simeón jee kua̱ꞌa̱nꞌ‑a jín re̱ꞌ nu̱u̱nꞌ íñɨ́ ráa.

1 Timoteo 5:8

Soo néni ɨɨn ñɨvɨ ya̱ ntu jíto re̱ꞌ táꞌán veꞌi re̱ꞌ, jee víꞌí ka̱ꞌ retú ntu jíto re̱ꞌ sɨꞌɨ́ veꞌi re̱ꞌ, jee nku̱ichi iniꞌ re̱ꞌ tu̱ꞌun Cristo, ya̱ kúneí iniꞌ‑ó. Jee mánasɨ́ ka̱ꞌ sáꞌá re̱ꞌ nsú káꞌ ɨɨn ñɨvɨ ya̱ ntu ínúꞌ iniꞌ‑i tu̱ꞌun Cristo.

Romanos 15:33

Jee maá Ndiosíꞌ ya̱ sáꞌá ya̱ kuneeꞌ va̱ꞌa‑ó, na̱ ka̱ꞌ koo re̱ꞌ jín ntáká rán. Sukuán koo. Amén.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

3 Juan 1:14

chi íyó tu̱ꞌun neí iniꞌ ni̱ꞌ ya̱ ñamani kua̱jiane̱ꞌyá ni̱ꞌ noꞌó, jee kaꞌanꞌ máá maáó.