Efesios 6:11 - Mixteco del suroeste de Tlaxiaco Oaxaca

¹¹ Íyó satúꞌva rán maárán jín ntáká ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ kua̱ꞌ sátúꞌva ɨɨn soldado maáa ya̱ kɨ̱kantáꞌán‑a. Sáva kúvi kuiñɨ ni̱ꞌin rán nama rán maárán nu̱u̱nꞌ tiñu máñáꞌ ñúꞌún iniꞌ kui̱ꞌna̱ꞌ kúñáꞌnú saꞌá‑a.

Efesios 6:11 Referans Kwoze

2 Corintios 10:4

Chi ya̱ jiátíñú ránꞌ kántáꞌán ránꞌ nsú nantíñú ya̱ jiátíñú rá ñɨvɨ ñɨ̱vɨ́ yaꞌá kúvi‑i. Chisaꞌ táji Ndiosíꞌ ya̱ maá ñáꞌnú mánasɨ́ ví ya̱ jiátíñú ránꞌ sáva kántáꞌán ránꞌ, sáva xináánꞌ ránꞌ fuersáꞌ ya̱ níkó neí ñɨvɨ núníꞌin iniꞌ ánímaꞌ ráa sáva ntɨ́ɨn ráa tu̱ꞌun váꞌa Jesús.

Romanos 13:12

Chi kúvi kuéntáꞌ ya̱ ya kua̱jia̱ꞌa yakuááꞌ, jee ya̱ va̱ji kunijinꞌ ki̱vɨ̱ꞌ. Jee íyó sukuíta‑ó tiñu niváꞌa nsa̱ꞌá‑ó kuéntáꞌ nu̱u̱nꞌ neenꞌ. Íyó kukutú‑ó kueꞌnu‑ó nu̱u̱nꞌ tiñu na̱a̱ꞌ váꞌa ya̱ xtúúnꞌ ñuꞌunꞌ Ndiosíꞌ ánímaꞌ‑ó, kuéntáꞌ nákúꞌun‑ó saꞌma ka̱a sáva kantáꞌán‑ó kuéntáꞌ soldado.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.

Efesios 6:13

Saáva satúꞌva rán maárán jín nɨꞌɨ ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ íyó soldado ya̱ sátúꞌva re̱ꞌ jín rá nantíñú re̱ꞌ, sáva kúvi kuneí rán kuiñɨ ni̱ꞌin rán ki̱vɨ̱ꞌ kákini kenta, jee sáá nkuvi nsa̱ꞌá rán nɨꞌɨ, jee kuiñɨ ni̱ꞌin rán.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

2 Corintios 2:11

sáva nkúneí kui̱ꞌna̱ꞌ maá ñáꞌnú naní Satanás kosoꞌ‑o nu̱u̱nꞌ‑ó, chi jíníꞌ‑ó rá máñáꞌ re̱ꞌ.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

2 Corintios 6:7

jín jie̱ꞌe̱ꞌ káꞌánꞌ ránꞌ ya̱ naáꞌ, jín jie̱ꞌe̱ꞌ sátíñú fuersáꞌ ííꞌ Ndiosíꞌ jín ránuꞌuꞌ, jín jie̱ꞌe̱ꞌ jiáꞌnu na̱a̱ꞌ ránꞌ nu̱u̱nꞌ Ndiosíꞌ, jín jie̱ꞌe̱ꞌ ya̱ ntaji Ndiosíꞌ nu̱u̱nꞌ ránꞌ sáva saꞌá ránꞌ tiñu na̱a̱ꞌ sáva nama ránꞌ tu̱ꞌun na̱a̱ꞌ kuáꞌá sátín.

Apoclipsis 2:24

’Soo rá inka ka̱ꞌ ránoꞌó ya̱ nééꞌ ñuunꞌ Tiatira, ya̱ ntu níkɨ́nꞌ rán tu̱ꞌun ya̱ xínéꞌénꞌ ñaꞌan yukuán, jee ni ntu yɨ́ꞌɨ́ rán ñujiínꞌ tu̱ꞌun, ya̱ káchíꞌ ráa ya̱ kúvi tu̱ꞌun yuꞌuꞌ kúñáꞌnú Satanás, jee káchíꞌ ni̱ꞌ nu̱u̱nꞌ ránoꞌó ya̱ ntu̱náꞌ inka ka̱ꞌ tiñu véi taji ni̱ꞌ nu̱u̱nꞌ ránoꞌó.

Efesios 4:24

Jee vitan jee sama iniꞌ rán ya̱ nujiáá rán, sáni násaꞌá jiáá Ndiosíꞌ iniꞌ ánímaꞌ ránoꞌó, sáva koo rán ka̱ꞌ kua̱ꞌ íyó maáréꞌ, sáva na̱a̱ꞌ koo rán jín sáva koo sɨ́ɨ́n rán nu̱u̱nꞌ rá niváꞌa, sánikua̱ꞌ káchíꞌ tu̱ꞌun nááꞌ Ndiosíꞌ.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Judas 1:24

Saájee nákuetúꞌún ni̱ꞌ Ndiosíꞌ chi maáréꞌ ví ya̱ níso fuersáꞌ ííꞌ jee kuvi kumí re̱ꞌ yó sáva ntu kininkava‑órán nu̱u̱nꞌ kua̱chi, jee kuvi saꞌá re̱ꞌ ya̱ nkóo téꞌén si̱kɨ̱ꞌ‑ó sáá kuiñɨ‑ó ichinúúnꞌ re̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú re̱ꞌ, jee kusɨ̱ɨ̱ꞌ víꞌí iniꞌ‑ó jín re̱ꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

1 Corintios 10:13

Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

Marcos 13:22

chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ. Jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 19:20

Soo maáréꞌ jín rá soldado ííꞌ re̱ꞌ ntɨɨn ráa kitɨ xéénꞌ kákini vá jín suni inka ka̱ꞌ kitɨ xéénꞌ kákini ya̱ kúvi te̱e ya̱ nkachitu̱ꞌún tu̱ꞌun túꞌún ya̱ nkene yuꞌú kitɨ xe̱e̱nꞌ xíꞌnañúꞌún, jín suni nsa̱ꞌá‑a rá seña a̱nasɨ́ ichinúúnꞌ kitɨ xéénꞌ kákini xíꞌnañúꞌún. Jee jín rá seña a̱nasɨ́ nsa̱ꞌá‑a nxi̱náꞌví‑i rá ñɨvɨ ya̱ nni̱ꞌi̱nꞌ ráa seña kitɨ xéénꞌ kákini xíꞌnañúꞌún kuniso ráa jee kúvi ráa ya̱ nneñu̱ꞌun ráa santúꞌ ñunéꞌyúꞌ maátíꞌ. Jee ni núvíꞌ ráa kitɨ xéénꞌ kákini vá, ni tékúꞌ rátíꞌ jee nsi̱kéne maáréꞌ ya̱ yósóꞌ kitɨ kuíjín vá rátíꞌ nu̱u̱nꞌ ñúꞌúnꞌ xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ sufríꞌ.

Santiago 4:7

Saáva íyó chiꞌi rán maárán xi̱ntíín Ndiosíꞌ. Jee nuni̱ꞌin rán nu̱u̱nꞌ kui̱ꞌna̱ꞌ, jee kunu kui̱ꞌna̱ꞌ nu̱u̱nꞌ rán.