Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.
Efesios 5:3 - Mixteco del suroeste de Tlaxiaco Oaxaca3 Soo koto sáꞌá rán ni koto káꞌánꞌ rán jie̱ꞌe̱ꞌ tiñu sáꞌá téní ni ɨɨn rán, ni ya̱ sáꞌá ni ɨɨn rán ntáká nu̱u̱nꞌ tiñu ya̱ ntu̱ví íyó ninuꞌun, ni tiñu ya̱ saꞌá uꞌvi iniꞌ ni ɨɨn rán, sáva ni ɨɨn ñɨvɨ ntu̱náꞌ kúvi kachiꞌ ráa ya̱ sáꞌá rán maa. Chi ntu íyó saꞌá ránoꞌó sukuán ya̱ nsa̱ꞌá sɨ́ɨ́n Ndiosíꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ niváꞌa. Gade chapit la |
Efesios 5:3
58 Referans Kwoze
Chi ya̱ jíníꞌ rán ya̱ ɨɨn ñɨvɨ sáꞌá téní‑i, áxí sáꞌá‑a tiñu ya̱ ntu̱ví íyó ninuꞌun, áxí sáꞌá uꞌvi iniꞌ‑i (jee ñɨvɨ vá nuún kúvi‑i jín ɨɨn ñɨvɨ ya̱ néñu̱ꞌun‑u ɨɨn nantíñú ya̱ ntu kúvi Ndiosíꞌ), jee ya jíníꞌ rán ya̱ ni ɨɨn ráa ni nsáꞌ ni̱ꞌi̱nꞌ‑i ya̱ ki̱vɨ‑ɨ naꞌá Cristo jín Ndiosíꞌ nu̱u̱nꞌ tátúníꞌ ráa.
Suni káchíꞌ ráa: “Ya̱ yájíꞌ‑ó kúvi ya̱ kuꞌun chi̱ji‑ó, jee chi̱ji‑ó kúvi ya̱ kuꞌun ya̱ yájíꞌ‑ó.” Soo koo ɨɨn ki̱vɨ̱ꞌ ya̱ xináánꞌ Ndiosíꞌ ni núvíꞌ ráa. Soo yɨkɨkúñu‑ó, jee ntu̱ví nsáꞌá Ndiosíꞌ maa sáva kuatíñú‑ó maa saꞌá‑ó tiñu téní kúsíkɨ́ iniꞌ‑ó, chisaꞌ nsa̱ꞌá re̱ꞌ maa sáva kɨtíñú‑ó jín‑i nu̱u̱nꞌ maá I̱toꞌoꞌ‑ó, jee íyó ya̱ kuatíñú I̱toꞌoꞌ‑ó yɨkɨkúñu‑ó.
Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.
Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.
’Soo súka̱ꞌ sukuán íyó soo íyó yakuꞌ kua̱chi si̱kɨ̱ꞌ rán nu̱u̱nꞌ ni̱ꞌ. Chi nteñu ránoꞌó íyó sava rá ñɨvɨ ya̱ jínúꞌ iniꞌ ráa níkɨ́nꞌ ráa tu̱ꞌun ya̱ nxi̱néꞌénꞌ Balaam. Chi ne̱ tiempúꞌ yanaꞌán jee suvire̱ꞌ nxi̱néꞌénꞌ re̱ꞌ Balac na̱ja saꞌá máñáꞌ‑a sáva sikívɨ‑ɨ rá ñɨvɨ Israel nu̱u̱nꞌ kua̱chi, ya̱ kajiꞌ ráa rá nantíñú nso̱ko̱ꞌ nu̱u̱nꞌ rá santúꞌ ñunéꞌyúꞌ, jín ya̱ jiáꞌnu ráa jín tiñu téní.
Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.
Chi koo ya̱ kunu̱u̱nꞌ rá ñɨvɨ maáráa ni, jín ya̱ kunu̱u̱nꞌ ráa xu̱ꞌún, jín ya̱ kaꞌanꞌ téyɨ́ɨ́ ráa, jín ya̱ kani vi̱xi̱ꞌ iniꞌ ráa, jín ya̱ tenu̱u̱nꞌ ráa si̱kɨ̱ꞌ ñɨvɨ jín si̱kɨ̱ꞌ Ndiosíꞌ, jín ya̱ kujiááꞌ iniꞌ ráa nu̱u̱nꞌ tátáꞌ ráa jín nu̱u̱nꞌ nánáꞌ ráa, jín ya̱ ni nsáꞌ koo ya̱ kútaꞌviꞌ nu̱u̱nꞌ ráa, jín ya̱ ni nkóo ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ,
Soo tee‑ó tu̱ꞌun kɨ̱ꞌɨ̱nꞌ nu̱u̱nꞌ ráa. Kachiꞌ‑ó nu̱u̱nꞌ tutuꞌ ya̱ chusává ráa maáráa nka̱jíꞌ ráa ku̱ñu sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ chi sáꞌá‑a ya̱ ntu̱ví ninuꞌun ráa nu̱u̱nꞌ Ndiosíꞌ, jín ya̱ chusává saꞌá téní ráa, jín ya̱ chusává ráa maáráa nu̱u̱nꞌ ku̱ñu rá kitɨ ya̱ jíꞌni ráa su̱ku̱nꞌ, jín ya̱ chusává ráa maáráa kajiꞌ ráa ni̱ñɨ̱ꞌ.
Sáá néꞌyá ráa ɨɨn ñaꞌan jiáni néꞌí iniꞌ ráa jee ni ntu síkɨ́kui̱ñɨ̱ꞌ ráa ya̱ sáꞌá ráa kua̱chi. Jee síjínúꞌ ráa iniꞌ rá ñɨvɨ ntu íñɨ́ kutú rává jín Tu̱ꞌun Ndiosíꞌ nástá ráa rává kunikɨnꞌ rává ichi xínéꞌénꞌ ráa, chi maa ñɨvɨ tu̱ꞌva iniꞌ kúvi ráa, chi nijia iniꞌ ráa sáꞌá ráa tiñu uꞌvi iniꞌ. Kúvi ráa ñɨvɨ ya̱ níꞌínꞌ ráa ya̱ chisónínu Ndiosíꞌ ráa.
Jee víꞌí ka̱ꞌ xinóꞌo re̱ꞌ rá ñɨvɨ ya̱ núkú ráa sáꞌá ráa tiñu téní sɨ̱ɨ̱ꞌ iniꞌ ya̱ níyo néꞌén iniꞌ ráa ya̱ ntu íyó ninuꞌun iniꞌ ráa, jee kúíchi iniꞌ ráa ya̱ ni ɨɨn nkúvi tátúníꞌ‑i nu̱u̱nꞌ ráa. Jee ni̱ꞌin víꞌí iniꞌ ráa, jee chúneí iniꞌ ráa saꞌá ráa rá tiñu kuíni iniꞌ maáráa, jee ni ntu yúꞌví ráa tenu̱u̱nꞌ ráa si̱kɨ̱ꞌ rá kúñáꞌnú.
Saáva kumí váꞌa rán rá ñɨvɨ ya̱ kúvi ráa kuéntáꞌ lanchi Ndiosíꞌ ya̱ néen kuéntáꞌ rán ráa, jee nsú ɨɨn kuéntáꞌ tétuvi ví ya̱ saꞌá rán maa, chisaꞌ ne̱ koo iniꞌ rán saꞌá rán maa sáni kuíni Ndiosíꞌ, jee nsú jie̱ꞌe̱ꞌ ya̱ koo u̱ꞌvi̱ꞌ iniꞌ rán ni̱ꞌi̱nꞌ rán xu̱ꞌún saꞌá rán maa, chisaꞌ ne̱ kuꞌun káñá iniꞌ rán saꞌá rán maa.
Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.
Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.
Jee sáá kenta ña i̱ña̱ꞌ jee nákutíñú ni̱ꞌ jie̱ꞌe̱ꞌ ña nu̱u̱nꞌ rán sáva nakuatáꞌví rán ña jie̱ꞌe̱ꞌ yɨ́ꞌɨ́ ña nu̱u̱nꞌ Cristo, sánikua̱ꞌ íyó nakuatáꞌví‑ó ñɨvɨ ya̱ nsa̱ꞌá sɨ́ɨ́n Ndiosíꞌ nkene‑e nu̱u̱nꞌ ya̱ niváꞌa sáva kɨtíñú ráa nu̱u̱nꞌ re̱ꞌ. Jee chineí rán ña rénákúvi ya̱ jíniñúꞌún ña ránoꞌó. Chi nchi̱neí nijia ña kue̱ꞌe̱ꞌ víꞌí rá ñɨvɨ, ne̱ suni nuꞌuꞌ ranika̱ꞌ.
Jee ni koto jiáꞌa rán ka̱ꞌ maárán nu̱u̱nꞌ kua̱chi sáva ntu kuatíñú rán yɨkɨkúñu rán saꞌá rán tiñu ya̱ ntu íyó na̱a̱ꞌ. Chisaꞌ ku̱ꞌva rán maárán nu̱u̱nꞌ Ndiosíꞌ, kuéntáꞌ ɨɨn ñɨvɨ ya̱ níꞌiꞌ jee nna̱tekuꞌ‑u nkene‑e nteñu rá ni̱yɨ. Jee ku̱ꞌva rán yɨkɨkúñu rán nu̱u̱nꞌ Ndiosíꞌ sáva kuvi‑i ɨɨn nantíñú ya̱ kuatíñú re̱ꞌ saꞌá re̱ꞌ tiñu na̱a̱ꞌ.
Jee chítú ráa jín ntáká tiñu ya̱ ntu íyó na̱a̱ꞌ, [jín kúkuáchi ráa jín ñɨvɨ ya̱ ntu ntánáꞌá jín ráa], máá kánéꞌí ví ráa, máá kuíni víꞌí ráa ka̱ꞌ, manúniváꞌa sáꞌá ráa, chítú ráa jín máá tiñu uꞌvi iniꞌ ráa, sáꞌá ráa ni̱yɨ, sáꞌá ráa tuntíxín, máñáꞌ ráa, sukuáni ñúꞌún niva̱ꞌa iniꞌ ráa, máá tuntúꞌún káꞌánꞌ xi̱ni̱ꞌ táꞌán ráa,
Piblisite