Efesios 5:17 - Mixteco del suroeste de Tlaxiaco Oaxaca

¹⁷ Jee saáva koto kúvi rán ñɨvɨ jiáni naanꞌ xi̱ni̱ꞌ, chisaꞌ ki̱ku̱ꞌun iniꞌ rán ntáká tiñu ya̱ kuíni I̱toꞌoꞌ‑ó ya̱ saꞌá rán.

Efesios 5:17 Referans Kwoze

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

1 Tesalonicenses 5:18

Ntáká jie̱ꞌe̱ꞌ kúvi, ku̱ꞌva rán ya̱ kútaꞌviꞌ nu̱u̱nꞌ Ndiosíꞌ, chi sukuán kuíni re̱ꞌ saꞌá rán, ya̱ yɨ́ꞌɨ́ rán nu̱u̱nꞌ Cristo Jesús.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Efesios 5:15

Saáva kumí va̱ꞌa rán na̱ja jiáꞌnu rán. Koto jiáꞌnu rán kuéntáꞌ kua̱ꞌ jiáꞌnu rá ñɨvɨ ya̱ ntu ñúꞌún kájí xi̱ni̱ꞌ, chisaꞌ kueꞌnu rán kuéntáꞌ kua̱ꞌ ñɨvɨ ñúꞌún kájí xíniꞌ.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.