Efesios 4:31 - Mixteco del suroeste de Tlaxiaco Oaxaca

³¹ Jee siíyo rán ntáká tu̱ꞌun ñútáꞌvi ñúꞌún iniꞌ rán, jín rá tu̱ꞌun kítɨ́ꞌ iniꞌ rán, jín rá tu̱ꞌun xe̱e̱nꞌ iniꞌ rán, jín rá kánajíín nu̱u̱nꞌ táꞌán rán, jín rá ténúunꞌ táꞌán rán, jín ntáká ka̱ꞌ rá inka tu̱ꞌun niváꞌa íyó.

Efesios 4:31 Referans Kwoze

Colosenses 3:8

Soo vitan jee siíyo rán nu̱u̱nꞌ nta̱ká rá tiñu yaꞌá: ya̱ xe̱e̱nꞌ iniꞌ, ya̱ sáá xi̱ni̱ꞌ, ya̱ sáꞌá úꞌvi, ya̱ xtétu̱ꞌun, rá tu̱ꞌun néꞌí ya̱ kéne yuꞌú.

1 Pedro 2:1

Jee saáva, xinóo rán ntáká rá tiñu níváꞌa ñúꞌún iniꞌ rán saꞌá rán, jín ntáká tu̱ꞌun xínáꞌví káꞌánꞌ rán, jín ya̱ sansuꞌva íyó rán, jín tiñu sáꞌá u̱ꞌvi̱ꞌ iniꞌ, jín ntáká tu̱ꞌun níváꞌa káꞌánꞌ si̱kɨ̱ꞌ táꞌán rán.

Santiago 1:19

Ránoꞌó ñaniꞌ ni̱ꞌ jín rá ku̱ꞌva ni̱ꞌ ya̱ ñúnúunꞌ ni̱ꞌ, íyó tɨɨn kuéntáꞌ rán ya̱ íyó ñamaꞌ teso̱ꞌo nta̱ká rán, jee koto kúyáchiꞌ yuꞌú rán, jee koto kítɨ́ꞌ ñamaꞌ iniꞌ rán.

Colosenses 3:19

Jee ránoꞌó te̱e ya̱ nta̱na̱ꞌá, kunu̱u̱nꞌ rán ñaꞌan ya̱ kúvi ñasɨ́ꞌɨ́ rán, jee koto íyó xe̱e̱nꞌ rán jín ña.

Santiago 3:14

Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva.

Efesios 4:26

Jee retú kítɨ́ꞌ iniꞌ rán na̱ni jie̱ꞌe̱ꞌ jee koto sáꞌá rán kua̱chi, jee koto ñúꞌún tu̱nkítɨ́ꞌ iniꞌ rán núnuví, chi ñamani sijiáꞌa rán maa iniꞌ rán, ne̱ ntiáꞌan taꞌanꞌ nka̱niiꞌ.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

Santiago 4:11

Ránoꞌó ñaniꞌ jín ku̱ꞌva, koto kákuíyuꞌú rán si̱kɨ̱ꞌ ɨɨn inka rán. Chi ɨɨn ñɨvɨ ya̱ káꞌánꞌ niva̱ꞌa si̱kɨ̱ꞌ ñaniꞌ‑i, áxí sánáaꞌ‑a si̱kɨ̱ꞌ ñaniꞌ‑i, jee suni káꞌánꞌ niva̱ꞌa ñɨvɨ vá si̱kɨ̱ꞌ tu̱ꞌun ley nta̱túníꞌ Ndiosíꞌ, jee káchíꞌ‑i ya̱ ntu íyó na̱a̱ꞌ tu̱ꞌun ley vá, [chi káchíꞌ tu̱ꞌun ley vá ya̱ íyó kunu̱u̱nꞌ‑ó ñanitáꞌán‑ó]. Jee retú sáꞌá nú si̱kɨ̱ꞌ tu̱ꞌun ley, jee ntu síkúnkuvi nú ya̱ káchíꞌ tu̱ꞌun vá, chisaꞌ sáꞌá nú maánú te̱e jiéꞌnéꞌ kua̱chi.

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

1 Timoteo 3:11

Suni sukuán, rá ñaꞌan íyó kueꞌnu ñáꞌnú ráña, jee íyó kuvi ráa rá ñaꞌan, ya̱ ntu sátúꞌún ráña si̱kɨ̱ꞌ inka ñɨvɨ, jín ya̱ ntu jíꞌi víꞌí ráña nixiꞌ, jín ya̱ sukuáni síkúnkuvi ráña nɨꞌɨ ya̱ káchíꞌ ráña ya̱ kúvi kuneí iniꞌ ñɨvɨ ráña.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

1 Timoteo 5:13

Jee suni jíjia ráa tunkúxí, jee jíkanuun ráa veꞌi ta veꞌi. Jee nsáꞌ kua̱chi kúkúxí ráa, chi násátúꞌún ráa, jee chítéñú ráa maáráa tiñu inka ñɨvɨ, jee káchíꞌ ráa tu̱ꞌun nsú tu̱ꞌun kachiꞌ ráa ví‑i.

Gálatas 5:20

néñu̱ꞌun ráa rá nantíñú ya̱ ntu kúvi‑i Ndiosíꞌ, sáꞌá tásɨ́ ráa, táꞌvi iniꞌ ráa néꞌyá ráa táꞌán ráa, sáꞌá ráa ti̱xi̱nꞌ, kuíñɨ́ ráa, xe̱e̱nꞌ iniꞌ ráa, uꞌvi iniꞌ ráa ya̱ kuíni ráa kene ráa ka̱ꞌ nu̱u̱nꞌ inka ñɨvɨ, sáꞌá sɨ́ɨ́n ráa ɨɨn inka ráa táꞌán ráa, jee sáꞌá ráa ka̱ꞌ grupo ya̱ káꞌánꞌ sɨ́ɨ́n jee kénta si̱kɨ̱ꞌ táꞌán ráa,

1 Corintios 5:8

Saájee saꞌá‑ó viko vá soo nsú jín levadura túꞌú jín nsú jín levadura ya̱ kúvi ya̱ sáꞌá úꞌvi iniꞌ jín ya̱ niváꞌa, chisaꞌ jín i̱xta̱tíláꞌ ya̱ ntu yɨ́ꞌɨ́ levadura ya̱ kúvi ya̱ saɨn jiáꞌnu‑ó jín na̱a̱ꞌ jiáꞌnu‑ó.

Romanos 3:14

Jee yuꞌú ráa ñúꞌún chitú máá tu̱ꞌun chísónínu jín tu̱ꞌun táꞌvi iniꞌ.

Génesis 37:4

Soo sáá niniꞌ rá ñaniꞌ keín José ya̱ ñúnúunꞌ ka̱ꞌ tátáꞌ ráa maa nsú káꞌ ntáká maáráa, jee nkenta ntaꞌvi iniꞌ ráa nne̱ꞌyá ráa maa jee ni ntu nkúvi kaꞌanꞌ va̱ꞌa ráa jín‑i.

Génesis 27:41

Jee ntaꞌvi iniꞌ Esaú nne̱ꞌyá re̱ꞌ Jacob jie̱ꞌe̱ꞌ nka̱neeꞌ Jacob ya̱ váꞌa ya̱ nkachiꞌ ya̱chi̱ꞌ tátáꞌ re̱ꞌ nu̱u̱nꞌ Jacob, jee ñani iniꞌ re̱ꞌ: “Va̱kuyatin ki̱vɨ̱ꞌ ya̱ kuviꞌ tátáꞌ ni̱ꞌ jee koo tu̱kuéká iniꞌ ráníꞌ rá ki̱vɨ̱ꞌ vá, jee sáá jia̱ꞌa tiempúꞌ yukuán jee kaꞌniꞌ ni̱ꞌ ñaniꞌ ni̱ꞌ Jacob”, ñani iniꞌ Esaú.

Génesis 4:8

Jee nkachiꞌ Caín nu̱u̱nꞌ ñaniꞌ re̱ꞌ Abel ya̱ kɨ̱ꞌɨ̱nꞌ ráa nu̱u̱nꞌ kuꞌúꞌ. Jee sáá ya̱ íñɨ́ ráa nu̱u̱nꞌ kuꞌúꞌ, yukuán ntɨɨn Caín ñaniꞌ re̱ꞌ Abel ñaꞌniꞌ re̱ꞌ maa.

Apoclipsis 12:10

Saájee nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a ne̱ antivɨ́ súkún, jee káchíꞌ‑i: Ya̱ nkenta ya̱ saꞌá Ndiosíꞌ‑ó ya̱ sikáku re̱ꞌ ñɨvɨ re̱ꞌ nu̱u̱nꞌ kui̱ꞌna̱ꞌ kúñáꞌnú, jín ya̱ stúvi nijinꞌ re̱ꞌ ya̱ níso víꞌí re̱ꞌ fesáꞌ ííꞌ re̱ꞌ, jín ya̱ tátúníꞌ re̱ꞌ nu̱u̱nꞌ nɨꞌɨ, jín ya̱ nísotíñú Cristo ya̱ ñani re̱ꞌ tátúníꞌ‑i. Chi nsi̱kéne re̱ꞌ máá maá kui̱ꞌna̱ꞌ ya̱ xíkóñáꞌán‑a rá ñaniꞌ‑ó jín ku̱ꞌva‑ó ya̱ yɨ́ꞌɨ́ ráa nu̱u̱nꞌ Cristo. Chi nuví niñuꞌ xíkóñáꞌán‑a ráa nu̱u̱nꞌ Ndiosíꞌ‑ó.

1 Juan 3:15

Jee nta̱ká rá ñɨvɨ ya̱ táꞌvi iniꞌ ráa néꞌyá ráa ñanitáꞌán ráa, jee nu̱u̱nꞌ Ndiosíꞌ kúvi ráa ñɨvɨ ya̱ sáꞌá ni̱yɨ. Jee jíníꞌ‑ó ya̱ ni ɨɨn ñɨvɨ ya̱ sáꞌá ni̱yɨ, ntu ñúꞌún iniꞌ‑i ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ.

Tito 2:3

Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

2 Timoteo 2:23

Jee chusává nú tu̱ꞌun naanꞌ ya̱ káꞌánꞌ sɨ̱ɨ̱ꞌ ni, jie̱ꞌe̱ꞌ ya̱ kántátúꞌun ñɨvɨ, chi jíníꞌ nú ya̱ suvivá sáꞌá ya̱ íyó ti̱xi̱nꞌ.

1 Timoteo 3:3

Íyó kuvi re̱ꞌ ɨɨn te̱e ya̱ ntu jíꞌi víꞌí nixiꞌ jee ntu jíni‑i, jín ya̱ ntu núkú‑u tuntíxín, jín ya̱ ntu ñúnúunꞌ re̱ꞌ xu̱ꞌún ya̱ nsáꞌ níꞌínꞌ ninuꞌun, chisaꞌ koo másúꞌ iniꞌ re̱ꞌ, jín ya̱ ntu kántátúꞌun re̱ꞌ, jín ya̱ ntu nóꞌónꞌ ka̱ꞌ iniꞌ re̱ꞌ xu̱ꞌún.

Hechos 21:30

Jee nɨꞌɨ ñuunꞌ vá nku̱níní iniꞌ ráa. Jee nɨꞌɨ ráa jínu nkanta ráa ntɨɨn ráa Pablo. Nsi̱úꞌun ráa maa chíkéꞌi veñu̱ꞌun, jee ntañúꞌún kuitɨꞌ nna̱kasɨꞌ ráa rá yuvéꞌí.

Génesis 37:21

Jee sáá nteso̱ꞌo Rubén rá tu̱ꞌun yaꞌá, jee nnama re̱ꞌ maa xi̱ntíín rá ñaniꞌ re̱ꞌ, jee nkachiꞌ re̱ꞌ: ―Nka̱ꞌníꞌ‑órán maa

2 Timoteo 3:3

jín ya̱ ni nsáꞌ koo ñunkúún iniꞌ ráa jín táꞌán ráa, jín ya̱ ni nsáꞌ nakava̱ꞌa ráa, jín ya̱ kakuíyuꞌú ráa, jín ya̱ nsáꞌ nakeꞌen ráa maáráa, jín ya̱ xe̱e̱nꞌ niva̱ꞌa koo ráa, jín ya̱ taꞌvi iniꞌ ráa kune̱ꞌyá ráa ya̱ váꞌa,

Efesios 4:22

jee saáva, kene rán nu̱u̱nꞌ ñujiínꞌ tiñu ñáꞌnú rán tiempúꞌ ya̱ta̱ꞌ, siíyo rán na̱sa ni̱yo rán, chi stívɨ́‑ɨ ránoꞌó, ya̱ kúvi‑i rá tiñu xínáꞌví níyo iniꞌ ránú.

Efesios 4:25

Jee saáva ránoꞌó siíyo rán tuntúꞌún yɨ́ꞌɨ́ yuꞌú rán, chisaꞌ kaꞌanꞌ rán jín tu̱ꞌun na̱a̱ꞌ nu̱u̱nꞌ rá ñanitáꞌán rán, chi ɨɨn ni ñɨvɨ kúvi‑ó.