Efesios 4:13 - Mixteco del suroeste de Tlaxiaco Oaxaca

¹³ Jee sikuéꞌnu‑ó ɨɨn inka táꞌán‑ó ne̱kua̱ꞌ ntáká‑ó kenta nunuún iniꞌ‑ó nu̱u̱nꞌ tu̱ꞌun kúneí iniꞌ‑ó Se̱ꞌya Ndiosíꞌ, jín nu̱u̱nꞌ tu̱ꞌun kuniꞌ va̱ꞌa‑ó ka̱ꞌ iniꞌ re̱ꞌ, ne̱kua̱ꞌ kenta kujia va̱ꞌa iniꞌ‑ó ne̱ kuna̱a̱ꞌ‑ó natɨɨn‑ó iniꞌ Cristo na̱sa íyó re̱ꞌ.

Efesios 4:13 Referans Kwoze

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Juan 17:21

Jee jíkánꞌ táꞌvíꞌ ni̱ꞌ jie̱ꞌe̱ꞌ ráa ya̱ ɨɨn ni kuvi ráa, kuéntáꞌ maánú, Tátáꞌ ni̱ꞌ, chi yɨ́ꞌɨ́ nú iniꞌ nuꞌuꞌ, jee yɨ́ꞌɨ́ ni̱ꞌ iniꞌ noꞌó, jee suni sáva sukuán kɨꞌɨ ráa nu̱u̱nꞌ‑ó, sáva kuniꞌ rá ñɨvɨ ñɨ̱vɨ́ jee ji̱nu̱ꞌ iniꞌ ráa ya̱ maánú ví ya̱ nchu̱ichí nú nuꞌuꞌ va̱ji ni.

Efesios 4:5

Chi métúꞌún ni I̱toꞌoꞌ‑ó íyó, jee ɨɨn nuún kúneí iniꞌ ntáká‑ó métúꞌún Tu̱ꞌun Ndiosíꞌ ni, jee ɨɨn nuún jiánuté nta̱ká‑ó ya̱ stúvi ya̱ yɨ́ꞌɨ́‑ó nu̱u̱nꞌ métúꞌún Ndiosíꞌ ni.

Efesios 4:3

Jee kuniꞌvɨꞌ iniꞌ rán ya̱ nuún koo iniꞌ rán, sáni sáꞌá Ta̱chi̱ꞌ Ííꞌ Ndiosíꞌ jín rán, jie̱ꞌe̱ꞌ ya̱ kuneeꞌ ñunkúún va̱ꞌa rán jín ɨɨn inka rán ví ya̱ nasánuún‑u iniꞌ yó.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

Efesios 1:23

Jee maáórán kúvi‑ó yɨkɨkúñu re̱ꞌ, chi nɨꞌɨ ya̱ íyó Cristo kukánáa ánímaꞌ‑ó ne̱ natɨɨn iniꞌ maáréꞌ. Jee maáréꞌ íyó chitú nɨ́ɨ́nkáꞌnú nu̱u̱nꞌ nɨꞌɨ ya̱ íyó, sáva koo nɨꞌɨ sáni kuíni re̱ꞌ.

Hechos 4:32

Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

Efesios 2:15

chi nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ. Jee sukuán nsi̱kɨ́kui̱ñɨ̱ꞌ re̱ꞌ ley ya̱ njia̱ꞌa Ndiosíꞌ nu̱u̱nꞌ Moisés yanaꞌán ya̱ tátúníꞌ‑i jín ya̱ nte̱tuvi‑i rá ñɨvɨ Israel. Saáva ñɨvɨ Israel jín ñɨvɨ ntu kúvi Israel, núvi ni núvíꞌ‑ó ɨɨn ñɨvɨ jiáá ya̱ yɨ́ꞌɨ́‑ó nu̱u̱nꞌ re̱ꞌ nsa̱ꞌá re̱ꞌ, jee suꞌva númániꞌ táꞌán‑ó sáꞌá re̱ꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

1 Corintios 1:10

Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

Mateo 11:27

’Maá Tátáꞌ ni̱ꞌ, nna̱taji re̱ꞌ ntáká ya̱ íyó nu̱u̱nꞌ nuꞌuꞌ. Jee ni ɨɨn ñɨvɨ ntu jíníꞌ ráa iniꞌ ni̱ꞌ né ɨɨn kúvi nuꞌuꞌ, ya̱ kúvi ni̱ꞌ Se̱ꞌya re̱ꞌ, chisaꞌ métúꞌún Tátáꞌ ni̱ꞌ Ndiosíꞌ ví ya̱ jíníꞌ re̱ꞌ iniꞌ ni̱ꞌ né ɨɨn kúvi nuꞌuꞌ. Jee suni ni ɨɨn ntu̱náꞌ jíníꞌ iniꞌ Tátáꞌ ni̱ꞌ né ɨɨn kúvi re̱ꞌ, chisaꞌ nuꞌuꞌ ya̱ kúvi ni̱ꞌ Se̱ꞌya re̱ꞌ jíníꞌ ni̱ꞌ iniꞌ re̱ꞌ né ɨɨn kúvi re̱ꞌ, jee néni ɨɨn ñɨvɨ ya̱ kuíni ni̱ꞌ stúvi ni̱ꞌ maa nu̱u̱nꞌ ráa jee kuniꞌ ráa iniꞌ Ndiosíꞌ né ɨɨn kúvi re̱ꞌ, chi nuꞌuꞌ ya̱ kúvi ni̱ꞌ Se̱ꞌya re̱ꞌ stúvi ni̱ꞌ maa nu̱u̱nꞌ ráa.

Juan 1:16

Chi ntántúníꞌ ya̱ váꞌa íyó nu̱u̱nꞌ re̱ꞌ, jee nu̱u̱nꞌ nɨꞌɨ vá níꞌínꞌ nta̱ká‑ó maa, jee sukuáni sukuáni kúváꞌa iniꞌ re̱ꞌ chíneí re̱ꞌ yó.

Juan 6:69

Jee ránuꞌuꞌ chi ya̱ ínúꞌ iniꞌ ránꞌ jee ya jíníꞌ ránꞌ ya̱ noꞌó vá ííꞌ ya̱ va̱ji ne̱ nu̱u̱nꞌ Ndiosíꞌ ―nkachiꞌ Pedro.

1 Corintios 2:6

Soo tu̱ꞌun níchí nijia káꞌánꞌ ráníꞌ jín rá ñɨvɨ nijia iniꞌ jín tu̱ꞌun kúneí iniꞌ ráa Cristo. Soo ntu káꞌánꞌ ránꞌ tu̱ꞌun níchí ya̱ ñúꞌún iniꞌ ñɨvɨ ñɨ̱vɨ́ yaꞌá tiempúꞌ vitan, jee ni ntu káꞌánꞌ ránꞌ tu̱ꞌun níchí ya̱ káꞌánꞌ rá te̱e nísotíñú ñɨ̱vɨ́ yaꞌá chi jínu tiñu ráa.

Gálatas 4:19

Ránoꞌó se̱ꞌya maáníꞌ. Nóꞌo ni̱ꞌ kuéntáꞌ téꞌnéꞌ iniꞌ ɨɨn ñaꞌan káku se̱ꞌya, chi nóꞌo ni̱ꞌ suꞌva ne̱kua̱ꞌ sama iniꞌ rán ne̱ nuún koo iniꞌ ánímaꞌ rán jín Cristo.

Efesios 1:17

Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Filipenses 3:10

Suni nsu̱kuíta ni̱ꞌ nɨꞌɨ rá tiñu vá, sáva koo ma̱ni̱ꞌ ni̱ꞌ jín Cristo, sáva kuniꞌ ni̱ꞌ ya̱ sátíñú maá fuersáꞌ ííꞌ níso Ndiosíꞌ iniꞌ ni̱ꞌ. Fuersáꞌ vá ví ya̱ ña̱tíñú Ndiosíꞌ sáva nxi̱nátekuꞌ re̱ꞌ Cristo, jee nxi̱nákóo re̱ꞌ yɨkɨkúñu Cristo. Jee suni sáva kuniꞌ taꞌanꞌ ni̱ꞌ kunoꞌo ni̱ꞌ jie̱ꞌe̱ꞌ Cristo kuéntáꞌ nnoꞌo maáréꞌ jie̱ꞌe̱ꞌ‑ó, ne̱ kenta kuꞌun iniꞌ ni̱ꞌ kua̱ꞌ níyo maáréꞌ sáá ni̱ꞌi̱ꞌ re̱ꞌ.

2 Pedro 1:4

Jee saáva jie̱ꞌe̱ꞌ nni̱ꞌi̱nꞌ‑ó nɨꞌɨ rá yaꞌá jee nchi̱sóyuꞌú re̱ꞌ nu̱u̱nꞌ‑ó ya̱ saꞌá re̱ꞌ rá tiñu jín‑ó ya̱ máá ñáꞌnú víꞌí ka̱ꞌ ya̱ váꞌa yɨ́yáꞌvi víꞌí ka̱ꞌ. Jee jie̱ꞌe̱ꞌ ya̱ nchi̱sóyuꞌú re̱ꞌ jee kuvi kenta koo rán kuéntáꞌ maáréꞌ, chi síkáku re̱ꞌ ránoꞌó nu̱u̱nꞌ ya̱ niváꞌa ya̱ nkúꞌun ka̱ꞌ iniꞌ rán rá tiñu néꞌí sɨ̱ɨ̱ꞌ iniꞌ ya̱ níyo iniꞌ rá ñɨvɨ ñɨ̱vɨ́ yaꞌá.