Efesios 3:8 - Mixteco del suroeste de Tlaxiaco Oaxaca

⁸ Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Efesios 3:8 Referans Kwoze

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

1 Corintios 15:9

Chi nuꞌuꞌ jee núun ka̱ꞌ kúñáꞌnú ni̱ꞌ nsú káꞌ rá inka ka̱ꞌ te̱e níso ráa tiñu apóstol nchu̱ichí Jesús, chi ni nsú te̱e va̱ꞌa kúvi ni̱ꞌ ya̱ ntu̱né íyó níꞌinꞌ ni̱ꞌ ya̱ kuna̱ní ni̱ꞌ apóstol, chi nsa̱ꞌá kini ni̱ꞌ rá ñɨvɨ ya̱ kúneí iniꞌ ráa Jesús ya̱ yɨ́ꞌɨ́ ráa naꞌá Ndiosíꞌ.

Efesios 3:16

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ nachituvi Ta̱chi̱ꞌ Ííꞌ re̱ꞌ iniꞌ ránoꞌó, jín fuersáꞌ ííꞌ Ndiosíꞌ sáni ntántúníꞌ kúñáꞌnú re̱ꞌ.

Efesios 2:7

Jee nsa̱ꞌá re̱ꞌ sukuán sáva stúvi nu̱u̱nꞌ rá ñɨvɨ tiempúꞌ kiji ichinúúnꞌ ka̱ꞌ ya̱ na̱ ka̱ꞌ ntántúníꞌ ka̱ꞌ íyó mániꞌ iniꞌ re̱ꞌ ya̱ ñúnkúún iniꞌ re̱ꞌ néꞌyá re̱ꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Romanos 11:33

Jee, ¡na̱ ka̱ꞌ vá ntántúníꞌ ñáꞌnú ka̱ꞌ ya̱ níchí xíniꞌ Ndiosíꞌ, jín ya̱ nɨꞌɨ kuitɨꞌ jíníꞌ re̱ꞌ! ¡Ni ɨɨn ntu kúvi nanukú‑u kukáꞌnú iniꞌ‑i na̱sa sánáaꞌ re̱ꞌ! ¡Ni ɨɨn ntu̱náꞌ kúvi ki̱ku̱ꞌun iniꞌ‑i na̱sa kúvi ntáká ya̱ sáꞌá re̱ꞌ!

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

1 Corintios 2:9

Chi suꞌva nsi̱kúnkuvi Ndiosíꞌ sánikua̱ꞌ káꞌánꞌ tu̱ꞌun nééꞌ nu̱u̱nꞌ Tutuꞌ níso Tu̱ꞌun re̱ꞌ ya̱ káchíꞌ: Ya̱ váꞌa nsa̱ꞌá stákoo Ndiosíꞌ ya̱ kuvi ñɨvɨ ñúnúunꞌ ráa re̱ꞌ, jee yukuán ni ɨɨn ñɨvɨ ntu̱ví néꞌyá jínúunꞌ maa, jee ni ntu̱ví tésóꞌo ráa jín so̱ꞌo jie̱ꞌe̱ꞌ‑e, ni ntu̱ví jiáni iniꞌ ánímaꞌ ráa ya̱ sukuán koo káchíꞌ nu̱u̱nꞌ Tutuꞌ.

Romanos 12:10

Jee kunu̱u̱nꞌ ñúnkúún iniꞌ rán ɨɨn inka táꞌán rán kuéntáꞌ ñúnúunꞌ rán ñaniꞌ maárán ya̱ nkaku jín rán. Jee nukú rán saꞌá ñáꞌnú rán ka̱ꞌ nu̱u̱nꞌ rá táꞌán rán nsú káꞌ maárán.

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Filipenses 4:19

Jee Ndiosíꞌ ni̱ꞌ taji re̱ꞌ nu̱u̱nꞌ rán nta̱ká ya̱ jíniñúꞌún rán jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo Jesús, jee sánikua̱ꞌ kúká re̱ꞌ suꞌva taji re̱ꞌ nu̱u̱nꞌ rán, chi kúká re̱ꞌ jín nta̱ká ya̱ váꞌa ya̱ viiꞌ kúñáꞌnú.

Gálatas 2:8

Chi maá Ndiosíꞌ chíneí chítuvi re̱ꞌ Pedro sáva kunisotíñú‑u ya̱ kúvi‑i apóstol ya̱ stekútu̱ꞌún‑u tu̱ꞌun váꞌa Jesús nu̱u̱nꞌ rá ñɨvɨ ya̱ kúvi ichiyúkúnꞌ ñuunꞌ Israel. Jee suni sukuán chíneí chítuvi re̱ꞌ nuꞌuꞌ, sáva kuniso ni̱ꞌ tiñu apóstol ya̱ stekútu̱ꞌún ni̱ꞌ nu̱u̱nꞌ rá ñɨvɨ rá inka nación.

Filipenses 2:3

Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán, ni ya̱ sáꞌá téyɨ́ɨ́ rán. Chisaꞌ kani láꞌví iniꞌ rán, jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.

Efesios 3:2

Chi retú máá naáꞌ nijia ya̱ nteso̱ꞌo rán jie̱ꞌe̱ꞌ tiñu nte̱tíñú Ndiosíꞌ nuꞌuꞌ ya̱ kuniso ni̱ꞌ, jie̱ꞌe̱ꞌ ya̱ íyó mániꞌ iniꞌ re̱ꞌ jín ni̱ꞌ, ya̱ nsi̱kútaꞌviꞌ re̱ꞌ tiñu vá nu̱u̱nꞌ nuꞌuꞌ sáva satíñú ni̱ꞌ jie̱ꞌe̱ꞌ ya̱ váꞌa nu̱u̱nꞌ ránoꞌó.

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

Juan 1:16

Chi ntántúníꞌ ya̱ váꞌa íyó nu̱u̱nꞌ re̱ꞌ, jee nu̱u̱nꞌ nɨꞌɨ vá níꞌínꞌ nta̱ká‑ó maa, jee sukuáni sukuáni kúváꞌa iniꞌ re̱ꞌ chíneí re̱ꞌ yó.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

Lucas 14:22

Jee sáá nni̱kó musúꞌ vá, jee nkachiꞌ‑i: “I̱toꞌoꞌ ni̱ꞌ nsa̱ꞌá ni̱ꞌ ya̱ nta̱túníꞌ nú, soo núne i̱i̱ꞌ ka̱ꞌ nu̱u̱nꞌ kuneeꞌ ka̱ꞌ ñɨvɨ iniꞌ veꞌi nú jee chitú‑u”, nkachiꞌ‑i.