Efesios 3:10 - Mixteco del suroeste de Tlaxiaco Oaxaca

¹⁰ Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

Efesios 3:10 Referans Kwoze

1 Pedro 1:12

Soo nstúvi Ndiosíꞌ nu̱u̱nꞌ ráa ya̱ nsú ya̱ kuvi maáráa ni ví jie̱ꞌe̱ꞌ rá tiñu ya̱ nkachiꞌ ráa vá, chisaꞌ ya̱ kuvi ya̱ váꞌa maáránoꞌó ví jie̱ꞌe̱ꞌ rá tu̱ꞌun ya̱ nna̱kani ráa vá, jee vitan tu̱ꞌun vá tékútu̱ꞌún nu̱u̱nꞌ ránoꞌó ya̱ stékútu̱ꞌún rá ñɨvɨ tu̱ꞌun váꞌa nsa̱ꞌá Ta̱chi̱ꞌ Ííꞌ Ndiosíꞌ ya̱ nta̱jí re̱ꞌ nkiji‑i ne̱ antivɨ́ súkún. Jee ne̱ rá najiáꞌáꞌ ííꞌ Ndiosíꞌ ñúkúvi iniꞌ ráa ranika̱ꞌ kuniꞌ ráa maa.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

1 Corintios 2:7

Soo káꞌánꞌ ráníꞌ tu̱ꞌun níchí ya̱ váji nu̱u̱nꞌ maá Ndiosíꞌ ya̱ níyo yuꞌuꞌ, ya̱ nyɨ̱yuꞌuꞌ‑u, jee ne̱ ntiáꞌan ka̱ꞌ kiko̱o ñɨ̱vɨ́ yaꞌá nkuna̱a̱ꞌ iniꞌ Ndiosíꞌ sikúnkuvi re̱ꞌ maa, sáva saꞌá tu̱ꞌun vá ya̱ kutekuꞌ‑ó kuñáꞌnú‑ó nɨ́ɨ́nkání jín re̱ꞌ.

Romanos 11:33

Jee, ¡na̱ ka̱ꞌ vá ntántúníꞌ ñáꞌnú ka̱ꞌ ya̱ níchí xíniꞌ Ndiosíꞌ, jín ya̱ nɨꞌɨ kuitɨꞌ jíníꞌ re̱ꞌ! ¡Ni ɨɨn ntu kúvi nanukú‑u kukáꞌnú iniꞌ‑i na̱sa sánáaꞌ re̱ꞌ! ¡Ni ɨɨn ntu̱náꞌ kúvi ki̱ku̱ꞌun iniꞌ‑i na̱sa kúvi ntáká ya̱ sáꞌá re̱ꞌ!

Efesios 1:21

Jee ñani re̱ꞌ maa kúñáꞌnú‑u ka̱ꞌ nu̱u̱nꞌ ntáká rá kúñáꞌnú, nu̱u̱nꞌ rá nísotíñú, nu̱u̱nꞌ rá níso fuersáꞌ, jín nu̱u̱nꞌ rá i̱toꞌoꞌ ñáꞌnú ka̱ꞌ, [sú kúvi ráa te̱e, áxí ta̱chi̱ꞌ kíni, áxí najiáꞌáꞌ ííꞌ Ndiosíꞌ], jee níso‑o tiñu kúñáꞌnú ka̱ꞌ nsú káꞌ ntáká tiñu, nsú kua̱chi tiempúꞌ vitan chisaꞌ suni tiempúꞌ kiji ichinúúnꞌ.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

1 Corintios 1:24

Soo ntáká rá ñɨvɨ ya̱ nkana Ndiosíꞌ kɨꞌɨ ráa naꞌá re̱ꞌ jee ínúꞌ iniꞌ ráa Cristo, va̱ni kúvi ráa ñɨvɨ ñuunꞌ Israel, áxí va̱ni ñɨvɨ ntu kúvi ñuunꞌ Israel, jee nu̱u̱nꞌ ráa tu̱ꞌun jie̱ꞌe̱ꞌ Cristo kúvi‑i fuersáꞌ ííꞌ níꞌin níso Ndiosíꞌ ya̱ sátíñú re̱ꞌ jín‑i jín tu̱ꞌun níchí re̱ꞌ.

1 Pedro 3:22

Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.

Colosenses 1:16

Chi nsa̱ꞌá Ndiosíꞌ ya̱ nsa̱ꞌá Se̱ꞌya re̱ꞌ nɨꞌɨ kuitɨꞌ ya̱ ña̱ko̱o: nta̱ká rá íyó súkún jín rá íyó nu̱u̱nꞌ ñɨ̱vɨ́, nta̱ká rá túvi nijinꞌ néꞌyá‑ó, jín rá ntu̱ví túvi néꞌyá‑ó, [nta̱ká rá te̱e jín rá ta̱chi̱ꞌ jín rá najiáꞌáꞌ ííꞌ Ndiosíꞌ], ya̱ kúvi ráa rá i̱toꞌoꞌ ñáꞌnú ka̱ꞌ, ya̱ tátúníꞌ ráa, ya̱ nísotíñú ráa, ya̱ kúñáꞌnú ráa. Jee Ndiosíꞌ nsa̱ꞌá ya̱ nsa̱ꞌá Se̱ꞌya re̱ꞌ nta̱ká ya̱ íyó, jee nsa̱ꞌá Se̱ꞌya re̱ꞌ nɨꞌɨ sáva kuvi‑i vá.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

Efesios 1:8

ya̱ ntántúníꞌ nsi̱kútaꞌviꞌ nasɨ́kuitɨꞌ re̱ꞌ nu̱u̱nꞌ‑ó. Chi ntaji re̱ꞌ ntáká nu̱u̱nꞌ ya̱ níchí xi̱ni̱ꞌ‑ó jín ya̱ ki̱ku̱ꞌun iniꞌ‑ó tu̱ꞌun re̱ꞌ.

Romanos 8:38

chi jíníꞌ ni̱ꞌ ya̱ naáꞌ ya̱ ntu̱náꞌ íyó ya̱ sáꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó: ni ya̱ jíꞌíꞌ‑ó, ni ya̱ tékúꞌ‑ó, ni rá najiáꞌáꞌ ííꞌ Ndiosíꞌ, ni rá néetiñu, va̱ni te̱e, va̱ni najiáꞌáꞌ ííꞌ, ni rá ta̱chi̱ꞌ kíni ñáꞌnú ya̱ níso fuersáꞌ, ni rá ya̱ íyó tiempúꞌ vitan, ni rá ya̱ koo tiempúꞌ kiji,

Efesios 1:23

Jee maáórán kúvi‑ó yɨkɨkúñu re̱ꞌ, chi nɨꞌɨ ya̱ íyó Cristo kukánáa ánímaꞌ‑ó ne̱ natɨɨn iniꞌ maáréꞌ. Jee maáréꞌ íyó chitú nɨ́ɨ́nkáꞌnú nu̱u̱nꞌ nɨꞌɨ ya̱ íyó, sáva koo nɨꞌɨ sáni kuíni re̱ꞌ.

Colosenses 2:10

Jee kukánáa ánímaꞌ rán jín nɨꞌɨ kuitɨꞌ ya̱ váji ne̱ nu̱u̱nꞌ Ndiosíꞌ ne̱ natɨɨn rán iniꞌ maáréꞌ, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo. Chi Cristo ví ya̱ kúñáꞌnú nu̱u̱nꞌ nta̱ká ya̱ nísotíñú ráa jín ya̱ kúñáꞌnú ráa, [va̱ni nu̱u̱nꞌ ñɨvɨ, va̱ni nu̱u̱nꞌ ta̱chi̱ꞌ, va̱ni nu̱u̱nꞌ najiáꞌáꞌ ííꞌ Ndiosíꞌ].

Colosenses 2:15

Jee sáá ni̱ꞌi̱ꞌ Cristo nu̱u̱nꞌ kurúsiꞌ, nku̱neí re̱ꞌ si̱kɨ̱ꞌ rá ta̱chi̱ꞌ kíni ya̱ kúñáꞌnú jín ya̱ níso ráa fuersáꞌ. Jee nstúvi nijinꞌ re̱ꞌ maa, kuéntáꞌ síáꞌa nijinꞌ rá ñɨvɨ ɨɨn te̱e nu̱chitú nu̱u̱nꞌ kua̱ꞌa̱nꞌ‑a veka̱a. Jee suꞌva nstúvi re̱ꞌ ya̱ kúñáꞌnú re̱ꞌ nu̱u̱nꞌ ráa, sáá ni̱ꞌi̱ꞌ re̱ꞌ nu̱u̱nꞌ kurúsiꞌ.