Efesios 1:21 - Mixteco del suroeste de Tlaxiaco Oaxaca

²¹ Jee ñani re̱ꞌ maa kúñáꞌnú‑u ka̱ꞌ nu̱u̱nꞌ ntáká rá kúñáꞌnú, nu̱u̱nꞌ rá nísotíñú, nu̱u̱nꞌ rá níso fuersáꞌ, jín nu̱u̱nꞌ rá i̱toꞌoꞌ ñáꞌnú ka̱ꞌ, [sú kúvi ráa te̱e, áxí ta̱chi̱ꞌ kíni, áxí najiáꞌáꞌ ííꞌ Ndiosíꞌ], jee níso‑o tiñu kúñáꞌnú ka̱ꞌ nsú káꞌ ntáká tiñu, nsú kua̱chi tiempúꞌ vitan chisaꞌ suni tiempúꞌ kiji ichinúúnꞌ.

Efesios 1:21 Referans Kwoze

Colosenses 2:10

Jee kukánáa ánímaꞌ rán jín nɨꞌɨ kuitɨꞌ ya̱ váji ne̱ nu̱u̱nꞌ Ndiosíꞌ ne̱ natɨɨn rán iniꞌ maáréꞌ, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo. Chi Cristo ví ya̱ kúñáꞌnú nu̱u̱nꞌ nta̱ká ya̱ nísotíñú ráa jín ya̱ kúñáꞌnú ráa, [va̱ni nu̱u̱nꞌ ñɨvɨ, va̱ni nu̱u̱nꞌ ta̱chi̱ꞌ, va̱ni nu̱u̱nꞌ najiáꞌáꞌ ííꞌ Ndiosíꞌ].

1 Pedro 3:22

Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.

Hebreos 1:4

Jee nnu̱ñáꞌnú nasɨ́kuitɨꞌ ka̱ꞌ Se̱ꞌya re̱ꞌ nsú káꞌ ntáká rá najiáꞌáꞌ ííꞌ re̱ꞌ, chi nni̱ꞌi̱nꞌ‑i ta̱ꞌvi̱ꞌ ya̱ kúvi‑i Se̱ꞌya Ndiosíꞌ ya̱ níso‑o tiñu ñáꞌnú ka̱ꞌ nsú káꞌ tiñu níso ráa.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Colosenses 2:15

Jee sáá ni̱ꞌi̱ꞌ Cristo nu̱u̱nꞌ kurúsiꞌ, nku̱neí re̱ꞌ si̱kɨ̱ꞌ rá ta̱chi̱ꞌ kíni ya̱ kúñáꞌnú jín ya̱ níso ráa fuersáꞌ. Jee nstúvi nijinꞌ re̱ꞌ maa, kuéntáꞌ síáꞌa nijinꞌ rá ñɨvɨ ɨɨn te̱e nu̱chitú nu̱u̱nꞌ kua̱ꞌa̱nꞌ‑a veka̱a. Jee suꞌva nstúvi re̱ꞌ ya̱ kúñáꞌnú re̱ꞌ nu̱u̱nꞌ ráa, sáá ni̱ꞌi̱ꞌ re̱ꞌ nu̱u̱nꞌ kurúsiꞌ.

Efesios 3:10

Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

Hebreos 4:14

Íyó jín‑ó ɨɨn su̱tu̱ꞌ kúñáꞌnú ka̱ꞌ ya̱ nnaa re̱ꞌ súkún nu̱u̱nꞌ nééꞌ Ndiosíꞌ. Jesús ví su̱tu̱ꞌ vá, ya̱ kúvi re̱ꞌ Se̱ꞌya Ndiosíꞌ. Saáva íyó kuiñɨ ni̱ꞌin‑ó jín tu̱ꞌun njia̱ꞌayuꞌú‑ó ya̱ jínúꞌ iniꞌ‑ó.

Mateo 12:32

Jee néni ɨɨn káꞌánꞌ niva̱ꞌa‑a si̱kɨ̱ꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee koo tu̱ꞌun nekáꞌnú iniꞌ Ndiosíꞌ kune̱ꞌyá re̱ꞌ ñɨvɨ vá. Soo néni ɨɨn ñɨvɨ káꞌánꞌ niva̱ꞌa si̱kɨ̱ꞌ Ta̱chi̱ꞌ Ííꞌ Ndiosíꞌ, jee ni nsáꞌ kunekáꞌnú iniꞌ re̱ꞌ kune̱ꞌyá re̱ꞌ ñɨvɨ vá, ni iniꞌ ñɨ̱vɨ́ tiempúꞌ yaꞌá, ni ñɨ̱vɨ́ kiji tiempúꞌ ichinúúnꞌ.

Hebreos 2:5

Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.]

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.