Apoclipsis 9:20 - Mixteco del suroeste de Tlaxiaco Oaxaca

²⁰ Soo sava ka̱ꞌ rá ñɨvɨ ñɨ̱vɨ́ ya̱ ntu níꞌiꞌ ráa nu̱u̱nꞌ rá tu̱nóꞌó vá, jee ni ntu̱ví nnákani iniꞌ ráa xinóo ráa rá tiñu níváꞌa sáꞌá ráa jín naꞌá ráa. Chi ni ntu̱ví nxínóo ráa ya̱ néñu̱ꞌun ráa rá ta̱chi̱ꞌ kíni jín rá santúꞌ ñunéꞌyúꞌ nsa̱ꞌá maa jín oro, jín plata, jín ka̱a kuáán bronce, jín yu̱u̱ꞌ, jín yutun, asúnika̱ꞌ ntu̱ví kúvi kune̱ꞌyá rává, jee ni ntu kúvi teso̱ꞌo rává, jee ni ntu kúvi kaka rává.

Apoclipsis 9:20 Referans Kwoze

Apoclipsis 9:21

Jee ni ntu nnákani iniꞌ ráa ya̱ sáꞌá ráa ni̱yɨ, ni ya̱ sáꞌá tásɨ́ ráa, ni ya̱ sáꞌá téní ráa, ni ya̱ sáꞌá kuíꞌná ráa.

1 Timoteo 4:1

Soo Ta̱chi̱ꞌ Ííꞌ Ndiosíꞌ káchíꞌ kájíkuitɨꞌ ya̱ tiempúꞌ kuánɨꞌɨ sava ñɨvɨ xinóo ráa tu̱ꞌun Cristo ya̱ kúneí iniꞌ‑ó. Jee tɨɨn kuéntáꞌ ráa ta̱chi̱ꞌ xínáꞌví jín tu̱ꞌun xínéꞌénꞌ rá kui̱ꞌna̱ꞌ.

Hechos 19:26

Néꞌyá rán jee tésóꞌo rán, ya̱ Pablo vá nsi̱ínúꞌ re̱ꞌ iniꞌ kue̱ꞌe̱ꞌ ñɨvɨ xinóo ráa rá santúꞌ, chi káchíꞌ‑i ya̱ nsú ndiosíꞌ ví rá santúꞌ sáꞌá ñɨvɨ. Nsú kua̱chi ñuunꞌ Éfeso nsa̱ꞌá re̱ꞌ suꞌva, chi suni yatin nɨꞌɨ ñuunꞌ tɨɨn Asia nsa̱ꞌá re̱ꞌ maa.

Hechos 7:41

Jee nsa̱ꞌá ráa santúꞌ ñunéꞌyúꞌ kuéntáꞌ íyó chelu. Jee ñaꞌniꞌ ráa sa̱na̱ꞌ jee nte̱ñuꞌunꞌ ráa maa sáva so̱ko̱ꞌ ráa maa nu̱u̱nꞌ santúꞌ vá. Jee nku̱sɨ̱ɨ̱ꞌ iniꞌ ráa jie̱ꞌe̱ꞌ ya̱ nsa̱ꞌá ráa jín naꞌá ráa.

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.

Hechos 17:29

’Saáva retú ichiyúkúnꞌ Ndiosíꞌ ví‑ó, jee ntu íyó kaꞌvi iniꞌ‑ó ya̱ Ndiosíꞌ kúvi kuéntáꞌ ɨɨn santúꞌ oro áxí plata áxí yu̱u̱ꞌ ya̱ sáꞌá ɨɨn te̱e tu̱ꞌva sáꞌá re̱ꞌ maa sáni jiáni iniꞌ‑i.

Mateo 21:32

Chi Juan te̱e nsi̱kuánuté, jee nkiji re̱ꞌ nxi̱néꞌénꞌ re̱ꞌ ránoꞌó ki̱vɨ rán ichi na̱a̱ꞌ nu̱u̱nꞌ Ndiosíꞌ, soo ni ntu̱ví nkáníjiá rán ji̱nu̱ꞌ iniꞌ rán rá tu̱ꞌun nkachiꞌ re̱ꞌ. Soo rá te̱e nátɨɨn xu̱ꞌún chúnáán rá ñɨvɨ ya̱ náneeꞌ vetíñú ñuunꞌ Roma, jín rá ñaꞌan sɨ̱ɨ̱ꞌ iniꞌ ya̱ xíkó ráa maáráa nu̱u̱nꞌ rá te̱e, chi ni̱nu̱ꞌ iniꞌ ráa nka̱níjiá ráa ya̱ nkachiꞌ re̱ꞌ nna̱kani iniꞌ ráa nxi̱nóo ráa kua̱chi ráa. Soo ránoꞌó chi, súka̱ꞌ niniꞌ ránú rá yaꞌá, soo ni ntu̱ví nakani iniꞌ rán jee ntu̱ví nkáníjiá rán i̱nu̱ꞌ iniꞌ rán tu̱ꞌun nkachiꞌ re̱ꞌ.

Apoclipsis 16:8

Saájee ya̱ kúmíꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ nka̱niiꞌ, yukuán jee nsa̱ꞌá Ndiosíꞌ ya̱ xe̱e̱nꞌ sa̱a̱ꞌ ñuꞌunꞌ nka̱niiꞌ, sáva teñuꞌunꞌ‑u rá ñɨvɨ jín ñuꞌunꞌ‑u.

Apoclipsis 9:19

Chi fesáꞌ xe̱e̱nꞌ níso rá kitɨ vá iniꞌ yuꞌú rátíꞌ jín su̱ꞌma̱ꞌ rátíꞌ, chi su̱ꞌma̱ꞌ rátíꞌ íyó‑o kuéntáꞌ íyó ko̱o̱ꞌ, jee suni kua̱ꞌ íyó xi̱ni̱ꞌ koo íyó xi̱ni̱ꞌ su̱ꞌma̱ꞌ rátíꞌ, jee jiátíñú rátíꞌ xi̱ni̱ꞌ su̱ꞌma̱ꞌ rátíꞌ xtúfíꞌ rátíꞌ rá ñɨvɨ.

Apoclipsis 15:1

Saájee niniꞌ ni̱ꞌ inka ka̱ꞌ seña ne̱ antivɨ́ súkún, ya̱ mánasɨ́ nijia ya̱ tívɨ́ xíniꞌ ni̱ꞌ. Chi íñɨ́ u̱xa̱ꞌ najiáꞌáꞌ ííꞌ Ndiosíꞌ, ya̱ va̱ji ráa jín ni uxáꞌ tu̱nóꞌó ya̱ ku̱ꞌva ráa kunoꞌo rá ñɨvɨ. Jee tu̱nóꞌó nu̱u̱nꞌ nɨ́ꞌɨ kúvi‑i chi sáá nɨꞌɨ rá tu̱nóꞌó yukuán jee stu̱ꞌúꞌ Ndiosíꞌ rá tu̱nóꞌó xéénꞌ jie̱ꞌe̱ꞌ kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi.