Apoclipsis 4:3 - Mixteco del suroeste de Tlaxiaco Oaxaca

³ Jee maáréꞌ ya̱ nééꞌ re̱ꞌ yukuán túvi re̱ꞌ kuéntáꞌ jiánu̱te̱ꞌ rá yu̱u̱ꞌ máá viiꞌ máá xiñúꞌ naní jaspe jín cornalina. Jee yuꞌú nu̱u̱nꞌ nééꞌ re̱ꞌ ni̱kótíyu ɨɨn ko̱ye̱ꞌlé, jee jiánu̱te̱ꞌ‑e kuéntáꞌ jiánu̱te̱ꞌ ɨɨn yu̱u̱ꞌ stíláꞌ máá viiꞌ máá xiñúꞌ naní esmeralda.

Apoclipsis 4:3 Referans Kwoze

Apoclipsis 21:11

Jee jiánu̱te̱ꞌ víꞌí ñuunꞌ vá, jín nuva Ndiosíꞌ. Jee jiánu̱te̱ꞌ‑e kuéntáꞌ kua̱ꞌ jiánu̱te̱ꞌ ɨɨn yu̱u̱ꞌ xiñúꞌ ya̱ yɨ́yáꞌvi víꞌí naní jaspe, jee túvi kájí kua̱ꞌ cristal ya̱ túvi néꞌyá‑ó ne̱ íyó inka ichi yátá‑a.

Apoclipsis 10:1

Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ váji nkuun ne̱ súkún, jee níso‑o fesáꞌ ííꞌ, jee yɨ́sukunꞌ vi̱ko̱ꞌ maa, jee yósóꞌ ko̱ye̱ꞌlé xi̱ni̱ꞌ‑i. Jee nu̱u̱nꞌ‑u jiánu̱te̱ꞌ kuéntáꞌ nka̱niiꞌ, jee rá jie̱ꞌe̱ꞌ‑e íyó kuéntáꞌ rá nekaꞌ ya̱ íyó kuéntáꞌ ñuꞌunꞌ.