Apoclipsis 20:3 - Mixteco del suroeste de Tlaxiaco Oaxaca

³ Jee nsi̱kéne re̱ꞌ maa iniꞌ numaꞌ ya̱ ntu jínu nu̱u̱nꞌ kúnú‑u, jee ñasɨꞌ kutú váꞌa re̱ꞌ yuꞌú numaꞌ vá jee ntee re̱ꞌ seyúꞌ maa, sáva ntu xináꞌví‑i ka̱ꞌ rá ñɨvɨ rá nación, nekuaꞌ ji̱nu ɨɨn mil (1000) kui̱ya̱ꞌ vá. Jee retú njia̱ꞌa tiempúꞌ vá jee íyó nakani núne re̱ꞌ maa yakuꞌ ni tiempúꞌ.

Apoclipsis 20:3 Referans Kwoze

Apoclipsis 20:1

Saájee kuíre niniꞌ ni̱ꞌ ya̱ ne̱ antivɨ́ súkún va̱ji nkuun ɨɨn najiáꞌáꞌ ííꞌ, jee ínaꞌá re̱ꞌ nakáa ya̱ jíne re̱ꞌ numaꞌ ya̱ ntu jínu nu̱u̱nꞌ kúnú‑u, jee suni ínaꞌá re̱ꞌ ɨɨn cadena ka̱a máá káꞌnú.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Mateo 27:66

Saájee kua̱ꞌa̱nꞌ ráa, jee nna̱saꞌá kutú ráa ka̱ꞌ yaviꞌ kava vá chi násɨ́ꞌ yuꞌú kava vá jín ɨɨn yu̱u̱ꞌ jee ña̱xin ráa seyúꞌ yuꞌú yu̱u̱ꞌ vá, jee nxi̱nóo ráa rá soldado sáva kumí ráa maa.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

2 Pedro 3:8

Soo ránoꞌó ñanitáꞌán ya̱ ñúnúunꞌ ni̱ꞌ, koto náánꞌ iniꞌ rán tu̱ꞌun yaꞌá: ya̱ nu̱u̱nꞌ I̱toꞌoꞌ‑ó jee ɨɨn ki̱vɨ̱ꞌ kúvi kuéntáꞌ ɨɨn mil kui̱ya̱ꞌ, jee ɨɨn mil (1000) kui̱ya̱ꞌ kúvi kuéntáꞌ ɨɨn ki̱vɨ̱ꞌ ni.

Apoclipsis 17:2

Jee rá te̱e nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, kuéntáꞌ nsa̱ꞌá téní ráa jín ñaꞌan vá, jee kuéntáꞌ nsa̱ꞌá téní ña nsi̱jíta ña xi̱ni̱ꞌ rá ñɨvɨ nééꞌ ñɨ̱vɨ́ ne̱ ni̱so̱ꞌ ni̱ñɨ̱ꞌ ráa, kuéntáꞌ njia̱ꞌa ña nixiꞌ vinúꞌ uva niꞌi ráa ne̱ ni̱ni ráa.

Apoclipsis 13:14

Jee xínáꞌví ti̱ꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Cristo, jie̱ꞌe̱ꞌ rá seña a̱nasɨ́ sáꞌá ti̱ꞌ, ya̱ níꞌinꞌ ti̱ꞌ ya̱ kuvi saꞌá ti̱ꞌ maa ichinúúnꞌ kitɨ xéénꞌ kákini xíꞌnañúꞌún vá. Jee nta̱túníꞌ ti̱ꞌ nu̱u̱nꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ saꞌá ráa ɨɨn santúꞌ ñunéꞌyúꞌ máá maá kitɨ xéénꞌ xíꞌnañúꞌún ya̱ ntu̱fi̱ꞌ‑i nsa̱ꞌá yuchiꞌ, jee nna̱tekuꞌ‑u.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Marcos 4:15

Jee sava ñɨvɨ kúvi ráa kuéntáꞌ íyó ñuꞌun káá iniꞌ ichi vá nu̱u̱nꞌ xínáváꞌ re̱ꞌ nikɨn. Jee sáá tésóꞌo ráa tu̱ꞌun vá, jee ntañúꞌún kuitɨꞌ va̱ji i̱toꞌoꞌ ta̱chi̱ꞌ néꞌí, naní Satanás, jee ixtá‑a tu̱ꞌun ya̱ njia̱ꞌa te̱e vá nu̱u̱nꞌ ráa.

Lucas 8:31

Jee ni̱ka̱nꞌ táꞌvíꞌ rá ta̱chi̱ꞌ néꞌí kákini vá nu̱u̱nꞌ Jesús ya̱ koto tájí re̱ꞌ ráa kɨ̱ꞌɨ̱nꞌ ráa nu̱u̱nꞌ neenꞌ nu̱u̱nꞌ ntu jínu ya̱ kúnú‑u.