Apoclipsis 18:20 - Mixteco del suroeste de Tlaxiaco Oaxaca

²⁰ Jee nkachiꞌ nusuyuꞌú vá ya̱ káꞌánꞌ‑a ne̱ súkún: Soo kusɨ̱ɨ̱ꞌ iniꞌ ránoꞌó ya̱ nééꞌ antivɨ́ súkún jín ránoꞌó ya̱ níso rán tiñu apóstol nchu̱ichí Cristo, jín ránoꞌó ya̱ nákani rán tu̱ꞌun kéne yuꞌú Ndiosíꞌ, jín ránoꞌó ya̱ kúvi rán rá inka ñɨvɨ ya̱ suni nsa̱ꞌá sɨ́ɨ́n re̱ꞌ kɨꞌɨ rán nu̱u̱nꞌ re̱ꞌ. Kusɨ̱ɨ̱ꞌ iniꞌ rán chi nsa̱náaꞌ Ndiosíꞌ si̱kɨ̱ꞌ ñuunꞌ vá jie̱ꞌe̱ꞌ nsa̱ꞌá kini ráa si̱kɨ̱ꞌ rán, nkachiꞌ nusuyuꞌú vá.

Apoclipsis 18:20 Referans Kwoze

Apoclipsis 6:10

Jee ni̱ꞌin káꞌánꞌ ráa kákua̱chi ráa jee nkachiꞌ ráa: ―I̱toꞌoꞌ ráníꞌ, nóꞌo kúvi Ndiosíꞌ ííꞌ Ndiosíꞌ na̱a̱ꞌ. ¿Na̱sa ka̱ꞌ tiempúꞌ kukuéé nú, jee saꞌá náaꞌ nú nu̱u̱nꞌ rá ñɨvɨ ñɨ̱vɨ́ ya̱ ñaꞌniꞌ ráa ránuꞌuꞌ, jee nachunáán nú nu̱u̱nꞌ ráa? ―nkachiꞌ ráa.

Apoclipsis 12:12

Saáva ránoꞌó ya̱ nééꞌ ne̱ antivɨ́ súkún, na̱ ka̱ꞌ vá kusɨ̱ɨ̱ꞌ iniꞌ rán. Soo na̱ ka̱ꞌ náꞌví ka̱ꞌ ránoꞌó ya̱ nééꞌ iniꞌ ñɨ̱vɨ́ yaꞌá jín nu̱u̱nꞌ nteñúꞌún, chi nkuun máá kui̱ꞌna̱ꞌ kíni nkenta‑a nu̱u̱nꞌ nééꞌ rán, jee kítɨ́ꞌ nasɨ́kuitɨꞌ iniꞌ‑i, chi jíníꞌ‑i ya̱ ntu kue̱ꞌe̱ꞌ ka̱ꞌ tiempúꞌ íyó kuvi xináꞌví‑i ránoꞌó. Nkachiꞌ nusuyuꞌú vá.

Judas 1:17

Soo ránoꞌó ya̱ ñúnúunꞌ ni̱ꞌ, naku̱ꞌun iniꞌ rán rá tu̱ꞌun ya̱ ya nkachiꞌ ya̱chi̱ꞌ rá te̱e ya̱ níso ráa tiñu apóstol ya̱ nchu̱ichí I̱toꞌoꞌ‑ó Jesús ya̱ níso re̱ꞌ tiñu Cristo.

2 Pedro 3:2

sáva naku̱ꞌun iniꞌ rán rá tu̱ꞌun ya̱ nkachiꞌ ya̱chi̱ꞌ rá te̱e nyɨ̱tíñú nu̱u̱nꞌ Ndiosíꞌ ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, jee sáva naku̱ꞌun iniꞌ rán rá tu̱ꞌun ya̱ nkachiꞌ rá te̱e níso ráa tiñu apóstol ya̱ nchu̱ichí Cristo ráa nu̱u̱nꞌ ránoꞌó sáva nna̱kani ráa rá tu̱ꞌun ya̱ nta̱túníꞌ re̱ꞌ. Jee maáréꞌ ví I̱toꞌoꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

Efesios 3:5

Jee tiempúꞌ yanaꞌán jee ni ntu nstúvi Ndiosíꞌ maa nu̱u̱nꞌ rá ñɨvɨ, kua̱ꞌ nstúvi kájí Ta̱chi̱ꞌ Ííꞌ re̱ꞌ maa vitan nu̱u̱nꞌ rá te̱e re̱ꞌ ya̱ níso tiñu apóstol jín nu̱u̱nꞌ rá te̱e nákani tu̱ꞌun kéne yuꞌú re̱ꞌ, rá nsa̱ꞌá sɨ́ɨ́n re̱ꞌ sáva kɨtíñú ráa nu̱u̱nꞌ re̱ꞌ.

Apoclipsis 18:6

Nachunáán rán nu̱u̱nꞌ ñuunꞌ vá sánikua̱ꞌ nsa̱ꞌá‑a nu̱u̱nꞌ rá inka ñɨvɨ, jee u̱vi̱ꞌ íchí ka̱ꞌ naxinóꞌo rán maa nu̱u̱nꞌ ya̱ niva̱ꞌa nsa̱ꞌá‑a, jee kuéntáꞌ nsa̱ka̱nuun xá ñuunꞌ vá tu̱nóꞌó njia̱ꞌa‑a nu̱u̱nꞌ inka ñɨvɨ, jee u̱vi̱ꞌ íchí ka̱ꞌ naku̱ꞌva rán maa nu̱u̱nꞌ ñuunꞌ vá.