Apoclipsis 1:18 - Mixteco del suroeste de Tlaxiaco Oaxaca

¹⁸ Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Apoclipsis 1:18 Referans Kwoze

Romanos 6:9

Jee jie̱ꞌe̱ꞌ nna̱tekuꞌ i̱i̱ꞌ Cristo jee nnako̱o re̱ꞌ nkene re̱ꞌ nteñu rá ni̱yɨ, jee saáva jíníꞌ‑ó ya̱ ni nsáꞌ kuviꞌ re̱ꞌ ka̱ꞌ. Jee ntu̱ví ka̱ꞌ yɨ́ꞌɨ́ re̱ꞌ xi̱ntíín ya̱ jíꞌíꞌ.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Mateo 16:19

Jee taji ni̱ꞌ nu̱u̱nꞌ noꞌó nakáa ya̱ jíne‑e sáva ki̱vɨ ñɨvɨ xi̱ntíín Ndiosíꞌ ya̱ nééꞌ antivɨ́ súkún tátúníꞌ re̱ꞌ nu̱u̱nꞌ‑u. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ ntu íyó saꞌá ñɨvɨ maa, jee suni ya nkachiꞌ Ndiosíꞌ ya̱ nééꞌ antivɨ́ súkún ya̱ ntu íyó saꞌá ñɨvɨ maa. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ kuvi saꞌá ñɨvɨ maa, jee suni ya nkachiꞌ Ndiosíꞌ ya̱ kuvi saꞌá ñɨvɨ maa.

Apoclipsis 20:14

Saájee nxi̱náánꞌ re̱ꞌ ya̱ jíꞌíꞌ ñɨvɨ jee nu̱u̱nꞌ nútútú rá ánímaꞌ rá ni̱yɨ, nchuꞌun Ndiosíꞌ maa kua̱ꞌa̱nꞌ‑a nu̱u̱nꞌ ñúꞌún xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ. Jee tu̱nóꞌó kunoꞌo rá ñɨvɨ ya̱ kuꞌun ráa nu̱u̱nꞌ ñúꞌún xéénꞌ nteñúꞌún yukuán kúvi ya̱ naní‑i kuviꞌ ráa ya̱ uvíꞌ íchí.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Apoclipsis 4:9

Jee ta íchí káchíꞌ ni kúmíꞌ rá tékúꞌ vá, ya̱ máá kúñáꞌnú ví re̱ꞌ, jín ya̱ nákuetúꞌún ráa re̱ꞌ, jín ya̱ nákuatáꞌví ráa maáréꞌ, ya̱ nééꞌ re̱ꞌ teyuꞌ tátúníꞌ re̱ꞌ jín ya̱ tékúꞌ re̱ꞌ nɨ́ɨ́nkání,

Hebreos 7:16

Jee nsáꞌ nkenta Jesús kúvi re̱ꞌ su̱tu̱ꞌ jie̱ꞌe̱ꞌ ley ya̱ tátúníꞌ‑i ya̱ íyó kene ɨɨn su̱tu̱ꞌ nu̱u̱nꞌ métúꞌún ichiyúkúnꞌ Leví. Chisaꞌ kúvi re̱ꞌ su̱tu̱ꞌ jie̱ꞌe̱ꞌ níso re̱ꞌ fuersáꞌ ííꞌ níꞌin ya̱ kutekuꞌ re̱ꞌ nɨ́ɨ́nkání jee ni nsáꞌ kuviꞌ re̱ꞌ.

2 Corintios 13:4

Chi máá naáꞌ nijia ya̱ níꞌiꞌ re̱ꞌ nu̱u̱nꞌ kurúsiꞌ jie̱ꞌe̱ꞌ ña̱netuꞌ re̱ꞌ ya̱ ntayaꞌ iniꞌ re̱ꞌ. Soo vitan fuersáꞌ ííꞌ níꞌin níso Ndiosíꞌ sáꞌá‑a ya̱ tékúꞌ re̱ꞌ. Jee suni sukuán táyáꞌ iniꞌ ráníꞌ kuéntáꞌ Cristo jie̱ꞌe̱ꞌ yɨ́ꞌɨ́ ránꞌ nu̱u̱nꞌ re̱ꞌ, soo suni kutekuꞌ ránꞌ jín re̱ꞌ sáꞌá fuersáꞌ ííꞌ níso Ndiosíꞌ ya̱ táji re̱ꞌ nu̱u̱nꞌ ránꞌ sáva saꞌá ránꞌ tiñu re̱ꞌ nu̱u̱nꞌ ránú.

Apoclipsis 9:1

Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Juan 14:19

Yakuꞌ ni ka̱ꞌ ki̱vɨ̱ꞌ jee nku̱níꞌ ka̱ꞌ rá ñɨvɨ ñɨ̱vɨ́ yaꞌá nuꞌuꞌ, soo ránoꞌó chi kuniꞌ rán nuꞌuꞌ. Chi jie̱ꞌe̱ꞌ tékúꞌ ni̱ꞌ nɨ́ɨ́nkání, jee saáva suni sukuán ránoꞌó ranika̱ꞌ kutekuꞌ rán nɨ́ɨ́nkání jín ni̱ꞌ.

Colosenses 3:3

Chi ya̱ ni̱ꞌi̱ꞌ rán jín Cristo, jee vitan jee íyó kutú ya̱ tékúꞌ rán jín re̱ꞌ, chi yɨ́ꞌɨ́ rán nu̱u̱nꞌ Ndiosíꞌ.

Apoclipsis 5:14

Saájee nkachiꞌ ni kúmíꞌ rá tékúꞌ vá: ―Sukuán koo ―nkachiꞌ ráa. Jee ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun, jee nneñu̱ꞌun ráa [maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín maáréꞌ ya̱ kúvi re̱ꞌ Lanchi Lúlí Ndiosíꞌ].

Mateo 11:23

Jee ránoꞌó ñɨvɨ ñuunꞌ Capernaum, ¿á kúñáꞌnú nasɨ́kuitɨꞌ rán ka̱ꞌ ne̱ kusúkún rán kua̱nkaa rán ne̱ antivɨ́ súkún? Soo ntu̱ví, chisaꞌ kɨ̱núún nú ne̱ nu̱u̱nꞌ nútútú ánímaꞌ rá ni̱yɨ. Chi retánꞌ sukuán jee nu̱u̱nꞌ ñuunꞌ Sodoma nsa̱ꞌá ni̱ꞌ rá tiñu a̱nasɨ́ ya̱ nsa̱ꞌá ni̱ꞌ nu̱u̱nꞌ rá ñuunꞌ ránú, jee ma̱káꞌ ya̱ kino̱o ñuunꞌ vá ne̱ vitan nékúvi.

Lucas 24:5

Jee nyu̱ꞌví ráña, jee nna̱kunta nei nu̱u̱nꞌ ráña nu̱u̱nꞌ ñuꞌun, jee nkachiꞌ ráa nu̱u̱nꞌ ráña: ―¿Na̱ kuvi chi nánukú rán nteñu rá ni̱yɨ ɨɨn ya̱ tékúꞌ?

Juan 11:25

Jee nkachiꞌ Jesús nu̱u̱nꞌ ña: ―Nuꞌuꞌ kúvi ya̱ sáꞌá ni̱ꞌ ya̱ natekuꞌ i̱i̱ꞌ ñɨvɨ nako̱o ráa kene ráa nteñu rá níꞌiꞌ jín ya̱ sáꞌá ni̱ꞌ ya̱ kutekuꞌ ráa nɨ́ɨ́nkání jín Ndiosíꞌ. Jee rá ñɨvɨ ya̱ kúneí iniꞌ ráa nuꞌuꞌ, jee súnika̱ꞌ kuviꞌ ráa, jee kutekuꞌ ráa jín Ndiosíꞌ nɨ́ɨ́nkání.

Apoclipsis 2:8

’Tee nú tu̱ꞌun yaꞌá kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ jínúꞌ iniꞌ ráa nuꞌuꞌ, ya̱ kútútú ráa ñuunꞌ Esmirna: “Nuꞌuꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání, chi ni̱ꞌi̱ꞌ ni̱ꞌ soo nna̱tekuꞌ i̱i̱ꞌ tuku ni̱ꞌ. Tu̱ꞌun yaꞌá káchíꞌ ni̱ꞌ:

Apoclipsis 6:8

Saájee nna̱kune̱ꞌyá ni̱ꞌ, jee niniꞌ ni̱ꞌ ɨɨn kitɨ kuáán niyaa. Jee ɨɨn ya̱ yósóꞌ ya̱ta̱ꞌ kitɨ vá naní ya̱ sáꞌá ni̱yɨ. Jee ichi chatáꞌ‑a níkɨ́nꞌ Hades nu̱u̱nꞌ yɨ́ꞌɨ́ ánímaꞌ rá ni̱yɨ. Jee nni̱ꞌi̱nꞌ ráa nísotíñú ráa nu̱u̱nꞌ ɨɨn pedasúꞌ ya̱ kúmíꞌ pedasúꞌ ñɨvɨ ñɨ̱vɨ́, sáva kaꞌniꞌ ráa rá ñɨvɨ jie̱ꞌe̱ꞌ ya̱ saꞌá ráa ya̱ kantáꞌán rá ñɨvɨ, jín jie̱ꞌe̱ꞌ ya̱ saꞌá ráa ya̱ koo ta̱ma̱ꞌ, jín jie̱ꞌe̱ꞌ kue̱ꞌi̱ꞌ xéénꞌ, jín jie̱ꞌe̱ꞌ rá kitɨ xéénꞌ íyó ñɨ̱vɨ́.

Apoclipsis 10:6

Jee nsa̱ꞌá náaꞌ‑a nu̱u̱nꞌ tu̱ꞌun kaꞌanꞌ‑a jie̱ꞌe̱ꞌ súví maáréꞌ ya̱ tékúꞌ re̱ꞌ nɨ́ɨ́nkání, jee maáréꞌ ví ya̱ nsa̱ꞌá re̱ꞌ súkún jín kua̱íyó kuitɨꞌ ya̱ íyó nu̱u̱nꞌ‑u, jín ñuꞌun jín kua̱íyó kuitɨꞌ ya̱ íyó nu̱u̱nꞌ‑u, jín nteñúꞌún jín kua̱íyó kuitɨꞌ ya̱ íyó nu̱u̱nꞌ‑u. Jee nkachiꞌ najiáꞌáꞌ ííꞌ vá: ―Ntu ne̱ íyó kukuéé ka̱ꞌ

Apoclipsis 15:7

Saájee ɨɨn rá ni kúmíꞌ rá tékúꞌ vá njia̱ꞌa‑a ɨɨn ɨɨn ko̱ꞌo̱ꞌ tikokóꞌ oro nu̱u̱nꞌ ni uxáꞌ rá najiáꞌáꞌ ííꞌ vá. Jee iniꞌ rá ko̱ꞌo̱ꞌ vá ñúchitú tu̱nóꞌó xéénꞌ ya̱ xinóꞌo Ndiosíꞌ rá ñɨvɨ ntu yɨ́ꞌɨ́ ráa nu̱u̱nꞌ re̱ꞌ, chi kítɨ́ꞌ iniꞌ re̱ꞌ, jee maáréꞌ ví Ndiosíꞌ tékúꞌ re̱ꞌ nɨ́ɨ́nkání.

Apoclipsis 20:13

Jee rá ñɨvɨ ya̱ níꞌiꞌ ráa nu̱u̱nꞌ nteñúꞌún jee nna̱tekuꞌ ráa nnene ráa nu̱u̱nꞌ nute, jee rá ñɨvɨ ya̱ níꞌiꞌ ya̱ ya íyó ráa nu̱u̱nꞌ nútútú ánímaꞌ rá ni̱yɨ suni nna̱tekuꞌ ráa nnene ráa yukuán. Jee nsa̱ꞌá náaꞌ Ndiosíꞌ jie̱ꞌe̱ꞌ tiñu na̱ja kua̱ꞌ tiñu nsa̱ꞌá ta ɨɨn ɨɨn ráa.