3 Juan 1:14 - Mixteco del suroeste de Tlaxiaco Oaxaca

¹⁴ chi íyó tu̱ꞌun neí iniꞌ ni̱ꞌ ya̱ ñamani kua̱jiane̱ꞌyá ni̱ꞌ noꞌó, jee kaꞌanꞌ máá maáó.

3 Juan 1:14 Referans Kwoze

1 Pedro 5:14

Kaꞌanꞌ rán tu̱ꞌun káꞌánꞌ va̱ꞌa teyuꞌú yɨ́ñúꞌún rán jín ɨɨn inka rá táꞌán rán jie̱ꞌe̱ꞌ ñúnúunꞌ rán ɨɨn inka rán. Máá Ndiosíꞌ saꞌá ya̱ ne̱ va̱ꞌa kuvi ánímaꞌ rán kuneeꞌ ñunkúún ntáká rán ya̱ yɨ́ꞌɨ́ rán nu̱u̱nꞌ Cristo. Sukuán koo. Amén.

Efesios 6:23

Jee na̱ ka̱ꞌ saꞌá ka̱ꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo ya̱ kino̱o va̱ꞌa iniꞌ rá ñanitáꞌán‑ó, jín ya̱ kunu̱u̱nꞌ ráa Ndiosíꞌ jín ɨɨn inka ráa, jín ya̱ kuneí iniꞌ ráa Ndiosíꞌ.

Gálatas 5:16

Soo tu̱ꞌun ya̱ káchíꞌ ni̱ꞌ nu̱u̱nꞌ rán ví yaꞌá: Kaka rán ichi sáni jiáni Ta̱chi̱ꞌ Ííꞌ Ndiosíꞌ ránoꞌó, jee nsíkúnkuvi rán tiñu ya̱ níyo iniꞌ rán saꞌá rán jín ñunéꞌyúꞌ kua̱chi.

Génesis 43:23

Jee nna̱xiníkó re̱ꞌ nu̱u̱nꞌ ráa: ―Koto nániꞌvɨꞌ iniꞌ rán, koto yúꞌví rán, chi Ndiosíꞌ rán ya̱ kúvi Ndiosíꞌ tátáꞌ rán kúvi ya̱ nchuꞌun re̱ꞌ ta̱ꞌvi̱ꞌ iniꞌ rá kuxtáꞌ rán, chi ntɨɨn ni̱ꞌ xu̱ꞌún ya̱ nchu̱náán rán ―nkachiꞌ musúꞌ vá nu̱u̱nꞌ ráa. Jee ntavaꞌ musúꞌ vá Simeón jee kua̱ꞌa̱nꞌ‑a jín re̱ꞌ nu̱u̱nꞌ íñɨ́ ráa.

Juan 10:3

Jee te̱e ya̱ kúmí yuvéꞌí kuráꞌ lanchi, jee jíne re̱ꞌ yuvéꞌí sáva ki̱vɨ te̱e vá. Jee nákuniꞌ rá lanchi re̱ꞌ ta̱chi̱ꞌ káꞌánꞌ re̱ꞌ, jee sáá nákana re̱ꞌ rá lanchi maáréꞌ jee káꞌánꞌ re̱ꞌ súví ta ɨɨn rátíꞌ, jee táváꞌ re̱ꞌ rátíꞌ iniꞌ kuráꞌ.

Juan 20:19

Sáá nkua̱a̱ꞌ máá ki̱vɨ̱ꞌ yukuán, ya̱ kúvi máá ki̱vɨ̱ꞌ xíꞌnañúꞌún jiákui̱ñɨ̱ꞌ semana, jee nnu̱tútú rá te̱e ya̱ nsu̱kuáꞌa Jesús ráa ɨɨn iniꞌ veꞌi jee násɨ́ꞌ kutú yuvéꞌí chi yúꞌví ráa rá te̱e kúñáꞌnú nu̱u̱nꞌ ñɨvɨ Israel. Sa̱naanꞌ ni jee nkenta Jesús nna̱kui̱ñɨ̱ꞌ re̱ꞌ ma̱ꞌñú ráa jee nkachiꞌ re̱ꞌ nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán.

Juan 20:21

Saájee tukuni nkachiꞌ Jesús nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán. Kuéntáꞌ nchu̱ichí Tátáꞌ ni̱ꞌ nuꞌuꞌ jee suni sukuán tájí ni̱ꞌ ránoꞌó jín tiñu táji ni̱ꞌ nu̱u̱nꞌ rán.

2 Juan 1:12

Íyó kue̱ꞌe̱ꞌ na̱ tu̱ꞌun tee ni̱ꞌ nu̱u̱nꞌ rán, soo ntu kuíni ni̱ꞌ tee ni̱ꞌ maa jín tinta nu̱u̱nꞌ tutuꞌ, chi íyó tu̱ꞌun neí iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó, jee kaꞌanꞌ máá maáó sáva ji̱nu iniꞌ ni̱ꞌ ya̱ kusɨ̱ɨ̱ꞌ iniꞌ ánímaꞌ‑ó.