2 Timoteo 4:3 - Mixteco del suroeste de Tlaxiaco Oaxaca

³ Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa.

2 Timoteo 4:3 Referans Kwoze

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

Gálatas 4:16

¿Á kénta ni̱ꞌ si̱kɨ̱ꞌ rán ya̱ káchíꞌ ni̱ꞌ ya̱ naáꞌ nu̱u̱nꞌ rán rúja? Soo ntu̱ví.

Lucas 6:26

’¡Na̱ ka̱ꞌ náꞌví ka̱ꞌ ránoꞌó sáá nákuetúꞌún ñɨvɨ ránoꞌó!, chi suni sukuán nsa̱ꞌá rá jííꞌ yanaꞌán ráa chi nna̱kuetúꞌún ráa rá te̱e túꞌún ya̱ káchíꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ.

Juan 8:45

Jee nuꞌuꞌ chi káchíꞌ ni̱ꞌ ya̱ naáꞌ, jee saáva ntu̱ví jínúꞌ iniꞌ rán nuꞌuꞌ.

1 Corintios 2:1

Saáva ránoꞌó ñaniꞌ jín ku̱ꞌva, sáá njia̱a̱ꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto sáva kachitu̱ꞌún ni̱ꞌ nu̱u̱nꞌ rán tu̱ꞌun yuꞌuꞌ Ndiosíꞌ ya̱ nstúvi re̱ꞌ nu̱u̱nꞌ ni̱ꞌ, jee ntu nkaꞌanꞌ ni̱ꞌ tu̱ꞌun ñujiínꞌ víjí ni tu̱ꞌun níchí sáni káꞌánꞌ rá ñɨvɨ ñɨ̱vɨ́.

Hechos 17:21

Nɨꞌɨ rá ñɨvɨ Atenas jín rá to̱ꞌo̱ꞌ nééꞌ yukuán, máá tiñu nákani ráa tu̱ꞌun jiáá ka̱ꞌ jee tésóꞌo ráa ná kúvi rá tu̱ꞌun jiáá ka̱ꞌ ví‑i íyó.

1 Corintios 2:4

Jee sáá nna̱kani ni̱ꞌ tu̱ꞌun váꞌa jie̱ꞌe̱ꞌ Jesús jee nste̱kútu̱ꞌún ni̱ꞌ maa nu̱u̱nꞌ rán, jee ntu nkáꞌánꞌ ni̱ꞌ jín rán tu̱ꞌun ya̱ jiáni iniꞌ ñɨvɨ ñɨ̱vɨ́ yaꞌá ya̱ kúvi‑i tu̱ꞌun níchí sáva sijínúꞌ ni̱ꞌ iniꞌ rán, chisaꞌ nstúvi Ndiosíꞌ ya̱ nááꞌ kúvi tu̱ꞌun ni̱ꞌ chi nsa̱tíñú Ta̱chi̱ꞌ Ííꞌ Ndiosíꞌ jín fuersáꞌ ííꞌ níso re̱ꞌ.

Lucas 20:19

Jee rá su̱tu̱ꞌ kúñáꞌnú ka̱ꞌ jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, nnu̱kú ráa tɨɨn ráa Jesús máá hora yukuán, chi ña̱ku̱ꞌun iniꞌ ráa ya̱ si̱kɨ̱ꞌ maáráa nkaꞌanꞌ re̱ꞌ jie̱ꞌe̱ꞌ tu̱ꞌun kúnkunuún nkachiꞌ re̱ꞌ jie̱ꞌe̱ꞌ rá te̱e kánéꞌén sátíñú vá, soo ntu nkúvi chi yúꞌví ráa rá ñɨvɨ ñuunꞌ.

2 Timoteo 1:13

Tɨɨn nú tu̱ꞌun na̱a̱ꞌ nteso̱ꞌo nú ya̱ nxi̱néꞌénꞌ ni̱ꞌ noꞌó, sáva kúvi ichi kunikɨnꞌ nú, sáá kuneí iniꞌ‑ó Cristo, jín sáá kunu̱u̱nꞌ nú Ndiosíꞌ jín ñɨvɨ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Judas 1:18

Chi nkachiꞌ ráa ya̱: “Tiempúꞌ kuánɨꞌɨ jee kiji rá ñɨvɨ ya̱ kaꞌanꞌ kátá iniꞌ ráa kune̱ꞌyá ráa Tu̱ꞌun Ndiosíꞌ, jee kueꞌnu ráa sánikua̱ꞌ ñúꞌún iniꞌ ráa saꞌá ráa rá tiñu néꞌí ya̱ níyo iniꞌ maáráa sáni ntu kuíni Ndiosíꞌ”, sukuán nkachiꞌ rá apóstol vá.