2 Timoteo 4:2 - Mixteco del suroeste de Tlaxiaco Oaxaca

² Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.

2 Timoteo 4:2 Referans Kwoze

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

Tito 2:15

Rá tu̱ꞌun yaꞌá vá xinéꞌénꞌ nú. Kaꞌanꞌ ni̱ꞌin nú jín nɨꞌɨ tiñu níso nú, sáva xiníꞌvɨ́ꞌ nú iniꞌ rá ñɨvɨ, jee nuxeenꞌ nú nu̱u̱nꞌ ñɨvɨ ya̱ sáꞌá niva̱ꞌa. Koto jiáꞌnu niva̱ꞌa nú, sáva ni ɨɨn ñɨvɨ nku̱níichiꞌ ráa noꞌó.

1 Timoteo 4:13

Ne̱ kua̱jiaaꞌ ni̱ꞌ, jee kɨtíñú nú kaꞌvi nú nu̱chitú Tu̱ꞌun Ndiosíꞌ nu̱u̱nꞌ rá ñɨvɨ kúneí iniꞌ ráa Cristo, jee nakutíñú nu̱u̱nꞌ ráa sáá saꞌá ráa, jee xinéꞌénꞌ nú tu̱ꞌun re̱ꞌ.

Apoclipsis 3:19

’Chi ntáká rá ñɨvɨ ya̱ ñúnúunꞌ ni̱ꞌ, jee núxeenꞌ ni̱ꞌ nu̱u̱nꞌ ráa jee xínóꞌo ni̱ꞌ ráa náchuꞌun na̱a̱ꞌ ni̱ꞌ ichi ráa. Saáva nakukáñá iniꞌ ráa nakunikɨnꞌ ráa ichi váꞌa jee nakani iniꞌ ráa.

Tito 1:13

Jee ya̱ naáꞌ ví ya̱ nkachiꞌ re̱ꞌ. Saáva kuxeenꞌ ni̱ꞌin nú nu̱u̱nꞌ rá ñɨvɨ xínéꞌénꞌ tu̱ꞌun túꞌún, sáva nakuneí na̱a̱ꞌ va̱ꞌa iniꞌ ráa ya̱ naáꞌ,

2 Timoteo 2:21

Jee suni sukuán, retú ɨɨn ñɨvɨ saꞌá noo ninuꞌun‑u maáa nu̱u̱nꞌ rá tu̱ꞌun níváꞌa vá, jee kúvi vá ya̱ kuatíñú ñunkúún I̱toꞌoꞌ‑ó, kuéntáꞌ ɨɨn ko̱ꞌo̱ꞌ ñunkúún, chi nsa̱ꞌá sɨ́ɨ́n re̱ꞌ maa ya̱ kɨtíñú‑u nu̱u̱nꞌ re̱ꞌ, jee kootiñu‑u nu̱u̱nꞌ I̱toꞌoꞌ‑ó, chi ya̱ íyó stákoo‑o sáva saꞌá‑a nɨꞌɨ tiñu váꞌa.

Gálatas 6:6

Jee ránoꞌó ya̱ súkuáꞌa rán Tu̱ꞌun Ndiosíꞌ, chineí táꞌán rán rá te̱e xínéꞌénꞌ maa nu̱u̱nꞌ ránoꞌó jín nɨꞌɨ nu̱u̱nꞌ ya̱ váꞌa kúmí rán.

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

1 Timoteo 5:20

Jee ichinúúnꞌ nɨꞌɨ, nuxeenꞌ nú nu̱u̱nꞌ rá ñɨvɨ níkɨ́nꞌ ichi kua̱chi, sáva kuyu̱ꞌví sava ka̱ꞌ rá ñɨvɨ, sáva nsáꞌá ráa maa.

Colosenses 1:25

Chi nkenta ni̱ꞌ kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ jie̱ꞌe̱ꞌ ya̱ váꞌa ráa. Sukuán nte̱tíñú Ndiosíꞌ nuꞌuꞌ ya̱ kuniso ni̱ꞌ tiñu vá sáva sikúnkuvi ni̱ꞌ ya̱ stékútu̱ꞌún ni̱ꞌ Tu̱ꞌun Ndiosíꞌ.

Romanos 10:15

Jee, ¿na̱sa kuvi kachitu̱ꞌún ráa jie̱ꞌe̱ꞌ re̱ꞌ, retánꞌ ntu íyó ñɨvɨ ya̱ chuichí rává ráa kɨ̱ꞌɨ̱nꞌ ráa kachitu̱ꞌún ráa jie̱ꞌe̱ꞌ re̱ꞌ résa? Sukuán káchíꞌ tu̱ꞌun níso nu̱u̱nꞌ Tutuꞌ Ííꞌ: “¡Na̱ ka̱ꞌ viiꞌ ka̱ꞌ kúvi ya̱ jíka ñɨvɨ káchítu̱ꞌún ráa tu̱ꞌun váꞌa Ndiosíꞌ!”

Jonás 3:2

―Nakuiñɨꞌ nú chi kɨ̱ꞌɨ̱nꞌ nú nu̱u̱nꞌ ñuunꞌ káꞌnú naní Nínive jee kachitu̱ꞌún nú nu̱u̱nꞌ ñɨvɨ ya̱ kachiꞌ ni̱ꞌ nu̱u̱nꞌ nú ―nkachiꞌ I̱toꞌoꞌ re̱ꞌ nu̱u̱nꞌ re̱ꞌ.

Hechos 20:7

Jee ki̱vɨ̱ꞌ xíꞌnañúꞌún ya̱ kájiéꞌé semana nku̱tútú ránꞌ kajiꞌ nkáꞌnú ránꞌ. Pablo nste̱kútu̱ꞌún Tu̱ꞌun Ndiosíꞌ nu̱u̱nꞌ ráa. Sukuán kene re̱ꞌ ki̱vɨ̱ꞌ steñu̱ꞌún, saáva nééꞌ re̱ꞌ káꞌánꞌ re̱ꞌ ne̱ savañuún.

Hechos 16:13

Ki̱vɨ̱ꞌ nájiáví, nkene ránꞌ yuvéꞌí koo yu̱u̱ꞌ nu̱u̱nꞌ kívɨ rá ñɨvɨ nu̱u̱nꞌ ñuunꞌ. Jee ña̱ꞌa̱nꞌ ránꞌ yúntekáꞌnú, nu̱u̱nꞌ káꞌvi iniꞌ ránꞌ ya̱ íyó nu̱u̱nꞌ káꞌánꞌ rá ñɨvɨ Israel jín Ndiosíꞌ. Jee ña̱kuneeꞌ ránꞌ jee nkaꞌanꞌ ránꞌ jín rá ñaꞌan nku̱kútú.

Lucas 9:60

Jee nkachiꞌ re̱ꞌ nu̱u̱nꞌ‑u: ―Ku̱ꞌva nú ya̱ rá ñɨvɨ kuéntáꞌ níꞌiꞌ ráa nu̱u̱nꞌ Ndiosíꞌ kɨ̱se̱ꞌí ráa rá ni̱yɨ ráa. Soo noꞌó, kunikɨnꞌ nuꞌuꞌ jee kachitu̱ꞌún nú na̱ja ki̱vɨ ñɨvɨ xi̱ntíín Ndiosíꞌ tatúníꞌ re̱ꞌ nu̱u̱nꞌ ráa ―nkachiꞌ Jesús.

Lucas 7:4

Jee sáá nkenta ráa nu̱u̱nꞌ Jesús jee nyɨ̱tuvi ráa ni̱ka̱nꞌ táꞌvíꞌ ráa nu̱u̱nꞌ re̱ꞌ, jee nkachiꞌ ráa: ―Íyó ni̱ꞌin te̱e yaꞌá ya̱ chineí nú re̱ꞌ,

1 Tesalonicenses 5:20

Koto kúníichiꞌ rán rá tu̱ꞌun nákani ñɨvɨ ya̱ kene yuꞌú Ndiosíꞌ.

Lucas 7:23

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

Hebreos 13:22

Ránoꞌó ñanitáꞌán, jíkánꞌ táꞌvíꞌ ni̱ꞌ nu̱u̱nꞌ rán ya̱ keꞌneꞌ iniꞌ rán nu̱u̱nꞌ tu̱ꞌun ya̱ nna̱xiníꞌvɨ́ꞌ ni̱ꞌ iniꞌ rán. Chi yakuꞌ ni tu̱ꞌun ntee ni̱ꞌ nu̱u̱nꞌ rán.

Hechos 28:16

Sáá nkenta ránꞌ ñuunꞌ Roma, nna̱ku̱ꞌva capitán rá te̱e yɨ́ꞌɨ́ xi̱ntíín re̱ꞌ nu̱u̱nꞌ capitán tátúníꞌ nu̱u̱nꞌ veka̱a ñuunꞌ vá. Soo njia̱ꞌayuꞌú rá te̱e néetiñu ya̱ kuneeꞌ Pablo ɨɨn veꞌi jín ɨɨn soldado, ya̱ kúmí‑i re̱ꞌ.

Hechos 13:5

Sáá nkenta ráa ñuunꞌ Salamina, ya̱ tɨ́ɨn Chipre, jee nnuun ráa barkúꞌ yukuán, jee nste̱kútu̱ꞌún ráa Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ néñu̱ꞌun rá ñɨvɨ Israel nééꞌ yukuán Ndiosíꞌ. Suni kútáꞌán Juan jín ráa, sáva chineí re̱ꞌ ráa.

Colosenses 4:3

Jee suni ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ, sáva kune re̱ꞌ ichi sáva stekútu̱ꞌún ránꞌ tu̱ꞌun váꞌa jie̱ꞌe̱ꞌ Cristo, ya̱ nyɨse̱ꞌí‑i tiempúꞌ ya̱ta̱ꞌ. Jee jie̱ꞌe̱ꞌ nste̱kútu̱ꞌún ni̱ꞌ maa yɨ́ꞌɨ́ ni̱ꞌ veka̱a.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.