2 Timoteo 3:16 - Mixteco del suroeste de Tlaxiaco Oaxaca

¹⁶ Nɨꞌɨ Tutuꞌ Ííꞌ níso tu̱ꞌun nkene yuꞌú Ndiosíꞌ, jee íyótiñu tu̱ꞌun vá sáva xinéꞌénꞌ‑ó ya̱ nááꞌ, jee sáva naxinákutíñú‑ó nu̱u̱nꞌ ñɨvɨ ya̱ sáꞌá niva̱ꞌa, jee sáva nachuꞌun‑ó ichi na̱a̱ꞌ ñɨvɨ, jee sáva sikújia‑ó ñɨvɨ kueꞌnu na̱a̱ꞌ ráa sáni kuíni Ndiosíꞌ.

2 Timoteo 3:16 Referans Kwoze

Romanos 15:4

Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ.

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Marcos 12:24

Nkachiꞌ Jesús nu̱u̱nꞌ ráa: ―Na̱ ka̱ꞌ naanꞌ ka̱ꞌ jiáni iniꞌ rán, chi ntu jiáku̱ꞌun iniꞌ rán ni Tu̱ꞌun Ndiosíꞌ ya̱ níso nu̱u̱nꞌ Tutuꞌ, ni fuersáꞌ ííꞌ níso Ndiosíꞌ.

2 Timoteo 4:2

Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

Hechos 20:20

Ntu̱náꞌ nkúmániꞌ ni̱ꞌ nkachitu̱ꞌún ni̱ꞌ nu̱u̱nꞌ rán ya̱ kúvi ya̱ váꞌa nu̱u̱nꞌ rán. Jee nxi̱néꞌénꞌ ni̱ꞌ ránoꞌó nu̱chitú jín veꞌi ta veꞌi.

Juan 3:20

Chi nta̱ká rá ñɨvɨ ya̱ sáꞌá rá tiñu niváꞌa, jee táꞌvi iniꞌ ráa néꞌyá ráa ñuꞌunꞌ vá, jee ntu nátuꞌva ráa ñuꞌunꞌ vá, sáva ntu nátúvi nu̱nijínꞌ ya̱ niváꞌa ví tiñu sáꞌá ráa.

Mateo 13:52

Saájee nkachiꞌ re̱ꞌ nu̱u̱nꞌ ráa: ―Saáva ntáká te̱e kúvi mestrúꞌ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee súkuáꞌa ráa tu̱ꞌun ni̱ꞌ, jee ki̱vɨ ráa xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa, jee kúvi ráa kuéntáꞌ ɨɨn te̱e kúvi i̱toꞌoꞌ xí veꞌi, ya̱ nteñu rá nantíñú yɨ́yáꞌvi chúꞌun va̱ꞌa‑a nátavaꞌ‑a rá nantíñú jiáá jín rá nantíñú túꞌú.

Hechos 18:25

Te̱e vá nku̱tu̱ꞌva‑a ichi I̱toꞌoꞌ‑ó. Jee va̱ne̱ꞌ ñúꞌún víꞌí iniꞌ‑i káꞌánꞌ‑a jie̱ꞌe̱ꞌ Jesús, jee nxi̱néꞌénꞌ na̱a̱ꞌ‑a jie̱ꞌe̱ꞌ vá. Soo jíníꞌ‑i kua̱chi kuitɨꞌ tu̱ꞌun nxi̱néꞌénꞌ Juan jie̱ꞌe̱ꞌ ya̱ síkuánuté re̱ꞌ rá ñɨvɨ.

Romanos 2:20

jee retú káꞌvi iniꞌ nú ya̱ maánú ví ya̱ xínéꞌénꞌ rá ñɨvɨ ntu jíníꞌ va̱ꞌa ráa tu̱ꞌun ley, jee retú káꞌvi iniꞌ nú ya̱ kuvi xinéꞌénꞌ nú rá ñɨvɨ ntu jíjia iniꞌ ráa nu̱u̱nꞌ tu̱ꞌun ley, chi kúmí nú ley vá jee saáva káꞌvi iniꞌ nú ya̱ jíníꞌ nú ntáká tu̱ꞌun níchí tu̱ꞌun na̱a̱ꞌ,

Gálatas 3:8

Chi Tu̱ꞌun Ndiosíꞌ níso nu̱u̱nꞌ Tutuꞌ Ííꞌ, jee ne̱ tióꞌ chíji, nstúꞌva tu̱ꞌun vá ya̱ siíyo Ndiosíꞌ kua̱chi rá ñɨvɨ nta̱ká nación ya̱ kúneí iniꞌ ráa re̱ꞌ sáva ku̱ꞌvayuꞌú re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ, sú ntu kúvi ráa ñɨvɨ Israel. Chi nste̱kútu̱ꞌún Ndiosíꞌ tu̱ꞌun váꞌa re̱ꞌ ne̱ yanaꞌán víꞌí nu̱u̱nꞌ Abraham, jee nkachiꞌ‑i ya̱: “Kuatíñú ni̱ꞌ noꞌó sáva saꞌá ni̱ꞌ ya̱ netuꞌ kuvi ñɨvɨ nta̱ká nación.”

Hebreos 3:7

Jee saáva chuꞌun iniꞌ rán kuéntáꞌ kua̱ꞌ nkachiꞌ Ta̱chi̱ꞌ Ííꞌ Ndiosíꞌ Tu̱ꞌun níso nu̱u̱nꞌ Tutuꞌ Ííꞌ: Retú vitan tésóꞌo rán tu̱ꞌun káꞌánꞌ Ndiosíꞌ,

1 Corintios 12:7

Saájee nu̱u̱nꞌ ta ɨɨn ɨɨn‑ó táji Ta̱chi̱ꞌ Ííꞌ ta̱ꞌvi̱ꞌ ya̱ túvi ya̱ sátíñú re̱ꞌ iniꞌ‑ó sáva sáꞌá‑ó tiñu Ndiosíꞌ ya̱ síkújia‑ó iniꞌ rá ñanitáꞌán‑ó jín Tu̱ꞌun Ndiosíꞌ ya̱ kúvi ya̱ váꞌa maáó.

Hechos 20:27

Chi ntu̱ví nkúmániꞌ ni̱ꞌ stekútu̱ꞌún ni̱ꞌ nu̱u̱nꞌ rán nɨꞌɨ ya̱ nsa̱náaꞌ Ndiosíꞌ saꞌá‑a.

Juan 10:35

(Jee nkúvi sijíta‑ó Tu̱ꞌun Ndiosíꞌ níso nu̱u̱nꞌ Tutuꞌ Ííꞌ.) Jee njia̱ꞌa Ndiosíꞌ tu̱ꞌun re̱ꞌ nkenta tu̱ꞌun vá nu̱u̱nꞌ rá ñɨvɨ, jee nu̱u̱nꞌ nkachiꞌ Ndiosíꞌ ya̱ kuéntáꞌ ndiosíꞌ kúvi rá ñɨvɨ nu̱u̱nꞌ nkenta tu̱ꞌun re̱ꞌ,

Mateo 26:56

Soo nɨꞌɨ yaꞌá kúvi suꞌva sáva sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ ntee rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ―nkachiꞌ Jesús. Saájee ntáká rá te̱e súkuáꞌa re̱ꞌ ráa nkeꞌen ráa nxi̱nóo ráa re̱ꞌ jee ninu ráa kua̱ꞌa̱nꞌ ráa.

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.

Mateo 21:42

Jee nkachiꞌ Jesús nu̱u̱nꞌ ráa: ―¿Á ni ntiáné kaꞌvi rán Tutuꞌ níso Tu̱ꞌun Ndiosíꞌ?: Yu̱u̱ꞌ ya̱ nkuniichiꞌ rá te̱e jiáni veꞌi, jee yu̱u̱ꞌ vá nkenta nkuvi máá yu̱u̱ꞌ ñáꞌnú ka̱ꞌ íyótiñu, ya̱ káá skináꞌ veꞌi jín ya̱ jiáꞌa kuꞌvaꞌ nu̱u̱nꞌ sámáꞌ veꞌi. Maá I̱toꞌoꞌ‑ó Ndiosíꞌ nsa̱ꞌá maa, jee tívɨ́ xíniꞌ‑ó néꞌyá‑ó maa jín nchinúún‑ó, káchíꞌ nu̱u̱nꞌ Tutuꞌ Ííꞌ jie̱ꞌe̱ꞌ maáréꞌ.

Romanos 4:23

Jee nsáꞌ kua̱chi kuitɨꞌ jie̱ꞌe̱ꞌ Abraham níso nu̱u̱nꞌ Tutuꞌ Ííꞌ ya̱ nkuna̱a̱ꞌ iniꞌ Ndiosíꞌ ya̱ kínóo na̱a̱ꞌ re̱ꞌ.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

Romanos 3:2

¡Kue̱ꞌe̱ꞌ!, jee kue̱ꞌe̱ꞌ víꞌí jie̱ꞌe̱ꞌ kúvi‑i ya̱ váꞌa nu̱u̱nꞌ ráa. Chi va̱tu̱ꞌ nijia chi ya̱ xíꞌnañúꞌún ka̱ꞌ kúvi ya̱ nte̱tíñú Ndiosíꞌ ráa kumí ráa tu̱ꞌun re̱ꞌ.

Hechos 28:25

Jee ntu nkúnuún iniꞌ ɨɨn inka ráa, saáva nka̱jiéꞌé kua̱ꞌa̱nꞌ ráa, sáá nɨꞌɨ nkachiꞌ Pablo yaꞌá: ―Va̱tu̱ꞌ nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ rá jííꞌ yanaꞌán‑ó tu̱ꞌun, ya̱ njia̱ꞌa‑a nu̱u̱nꞌ Isaías, jee nkachiꞌ Ta̱chi̱ꞌ Ííꞌ:

Marcos 12:36

Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sáá kachiꞌ maá David, jee nkachiꞌ re̱ꞌ tiempúꞌ chíji, jie̱ꞌe̱ꞌ Cristo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ. Jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó kakɨnꞌ ni̱ꞌ ráa chi̱ji jie̱ꞌe̱ꞌ nú.”

Mateo 26:54

Soo retú tají re̱ꞌ ráa, ¿na̱ja kuvi sikúnkuvi tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ ya̱ káchíꞌ ya̱chi̱ꞌ ya̱ íyó kuvi suꞌva? ―nkachiꞌ Jesús.

Mateo 22:43

Jee nkachiꞌ Jesús nu̱u̱nꞌ ráa: ―Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sákachiꞌ maá David, jee, ¿na̱ja chi nkachiꞌ David ya̱ I̱toꞌoꞌ re̱ꞌ ví Cristo rúja?, sáá nkachiꞌ re̱ꞌ [tiempúꞌ chíji jie̱ꞌe̱ꞌ Cristo]: