2 Timoteo 2:4 - Mixteco del suroeste de Tlaxiaco Oaxaca

⁴ Ni ɨɨn te̱e ya̱ sáꞌá tiñu soldado ntu̱ví chítéñú re̱ꞌ jín tiñu maáréꞌ saꞌá re̱ꞌ, chi íyó ya̱ sáꞌá re̱ꞌ tiñu ya̱ sáni kúváꞌa iniꞌ te̱e tátúníꞌ nu̱u̱nꞌ re̱ꞌ.

2 Timoteo 2:4 Referans Kwoze

1 Tesalonicenses 2:4

Chisaꞌ Ndiosíꞌ ni̱totúníꞌ ránuꞌuꞌ sáva tetíñú re̱ꞌ ránuꞌuꞌ sáva stékútu̱ꞌún ránꞌ tu̱ꞌun váꞌa jie̱ꞌe̱ꞌ Cristo. Saáva ntu káꞌánꞌ ránꞌ sáva kuva̱ꞌa iniꞌ rá ñɨvɨ kune̱ꞌyá ráa ránuꞌuꞌ. Chisaꞌ káꞌánꞌ ránꞌ sáva kuva̱ꞌa iniꞌ Ndiosíꞌ kune̱ꞌyá re̱ꞌ ránuꞌuꞌ. Maáréꞌ ví ya̱ jítotúníꞌ re̱ꞌ ya̱ ñúꞌún ánímaꞌ‑ó.

Lucas 8:14

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

2 Pedro 2:20

Chi retú jíníꞌ rá ñɨvɨ na̱ja iniꞌ I̱toꞌoꞌ‑ó Jesús ya̱ kúvi Cristo jín ya̱ maáréꞌ nna̱tavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó, jee sukuán nkuvi jee nkaku ráa nkene ráa nu̱u̱nꞌ rá tiñu néꞌí niva̱ꞌa ya̱ níyo iniꞌ rá ñɨvɨ ñɨ̱vɨ́ yaꞌá. Soo retú tukuni nachiꞌi ráa maáráa xi̱ntíín ñujiínꞌ vá, sukuán jee kenta saꞌ víꞌí káꞌ manéátúꞌún nakɨ̱ꞌɨ ráa xi̱ntíín tiñu kánéꞌí nsú ka̱ꞌ kua̱ꞌ níyo ráa ne̱ xíꞌnañúꞌún.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

2 Corintios 5:9

Jee saáva va̱ne̱ꞌ ñúꞌún iniꞌ‑ó kueꞌnu‑ó sánikua̱ꞌ kúváꞌa iniꞌ re̱ꞌ néꞌyá re̱ꞌ sáá sáꞌá‑ó, va̱ni íyó‑ó iniꞌ veꞌi‑ó ya̱ kúvi yɨkɨkúñu‑ó yaꞌá, áxí va̱ni retú sú káꞌ ya̱ nkene‑ó kɨ̱ꞌɨ̱nꞌ‑ó kuneeꞌ‑ó jín re̱ꞌ.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.