2 Timoteo 1:7 - Mixteco del suroeste de Tlaxiaco Oaxaca

⁷ Chi nsáꞌ ntaji Ndiosíꞌ ɨɨn ta̱chi̱ꞌ nu̱u̱nꞌ‑ó, ya̱ sáꞌá‑a ya̱ núsɨ́ꞌɨ́ iniꞌ‑ó. Chisaꞌ ntaji re̱ꞌ Ta̱chi̱ꞌ Ííꞌ re̱ꞌ ya̱ táji‑i fuersáꞌ nu̱u̱nꞌ‑ó, jín ya̱ kunu̱u̱nꞌ‑ó táꞌán‑ó, jín ya̱ nakeꞌen‑ó maáó.

2 Timoteo 1:7 Referans Kwoze

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

1 Juan 4:18

Nu̱u̱nꞌ íyó mánitu̱ꞌun ñúnúunꞌ Ndiosíꞌ yó, ntu̱ví yúꞌví‑ó nu̱u̱nꞌ re̱ꞌ, chisaꞌ nu̱u̱nꞌ ya̱ ñúnúunꞌ Ndiosíꞌ maáórán sííyo‑o ya̱ yúꞌví‑ó nu̱u̱nꞌ re̱ꞌ. Chi ya̱ yúꞌví ñɨvɨ va̱ji ne̱ nu̱u̱nꞌ ya̱ xinóꞌo re̱ꞌ ráa jie̱ꞌe̱ꞌ kua̱chi ráa. Jee ñɨvɨ ya̱ yúꞌví, jee ntiáꞌan kujia va̱ꞌa iniꞌ‑i ya̱ kuneí iniꞌ‑i ya̱ ñúnúunꞌ Ndiosíꞌ maa.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Juan 14:27

’Xinóo ni̱ꞌ ránoꞌó jee kɨ̱ꞌɨ̱nꞌ ni̱ꞌ, soo ne̱ va̱ꞌa koo iniꞌ rán kino̱o rán saꞌá ni̱ꞌ. Sáꞌá ni̱ꞌ ya̱ ne̱ va̱ꞌa kino̱o ánímaꞌ ránoꞌó kuéntáꞌ kúváꞌa iniꞌ ánímaꞌ ni̱ꞌ. Chi ntu nuún nótaꞌan sáꞌá ni̱ꞌ kuéntáꞌ kua̱ꞌ sáꞌá rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa xi̱ntíín Ndiosíꞌ, chi ntu sáꞌá ráa ya̱ ne̱ va̱ꞌa koo iniꞌ rán kuéntáꞌ sáꞌá ni̱ꞌ. Saáva koto nániꞌvɨꞌ iniꞌ ánímaꞌ rán ni koto yúꞌví rán.

Lucas 10:19

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Romanos 5:5

Jee ya̱ íyó tu̱neí iniꞌ‑ó yaꞌá, ntu̱ví jiáꞌa tu̱nkánuun nu̱u̱nꞌ‑ó, chi Ta̱chi̱ꞌ Ííꞌ ya̱ ntaji Ndiosíꞌ nu̱u̱nꞌ‑ó, ya̱ nchu̱chítú re̱ꞌ ánímaꞌ‑ó tu̱ꞌun ñúnúunꞌ Ndiosíꞌ yó.

Hebreos 2:15

Jee nsa̱ꞌá Jesús sukuán, sáva nakani núne re̱ꞌ rá ñɨvɨ vá ya̱ nɨ́ɨ́nkání tiempúꞌ tékúꞌ ráa jee nyɨ̱ꞌɨ ráa xi̱ntíín ya̱ yúꞌví ráa kuviꞌ ráa.

Hechos 20:24

Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.

1 Corintios 2:4

Jee sáá nna̱kani ni̱ꞌ tu̱ꞌun váꞌa jie̱ꞌe̱ꞌ Jesús jee nste̱kútu̱ꞌún ni̱ꞌ maa nu̱u̱nꞌ rán, jee ntu nkáꞌánꞌ ni̱ꞌ jín rán tu̱ꞌun ya̱ jiáni iniꞌ ñɨvɨ ñɨ̱vɨ́ yaꞌá ya̱ kúvi‑i tu̱ꞌun níchí sáva sijínúꞌ ni̱ꞌ iniꞌ rán, chisaꞌ nstúvi Ndiosíꞌ ya̱ nááꞌ kúvi tu̱ꞌun ni̱ꞌ chi nsa̱tíñú Ta̱chi̱ꞌ Ííꞌ Ndiosíꞌ jín fuersáꞌ ííꞌ níso re̱ꞌ.

Lucas 24:49

Jee kune̱ꞌyá rán, chi nuꞌuꞌ chúichí ni̱ꞌ Ta̱chi̱ꞌ Ííꞌ kiji‑i nu̱u̱nꞌ rán sánikua̱ꞌ ya̱ nchi̱sóyuꞌú Tátáꞌ ni̱ꞌ. Soo kino̱o rán kunetu rán nu̱u̱nꞌ ñuunꞌ Jerusalén, nekuaꞌ ni̱ꞌi̱nꞌ rán fuersáꞌ ííꞌ Ndiosíꞌ ya̱ kiji ne̱ antivɨ́ súkún ―nkachiꞌ Jesús nu̱u̱nꞌ ráa.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

Hechos 21:13

Saájee nna̱xiníkó re̱ꞌ: ―¿Na̱kui chi náꞌyúꞌ rán jee jiáxin rán ánímaꞌ ni̱ꞌ? Chi nsáꞌ kua̱chi íyó túꞌva ni̱ꞌ ya̱ kunuꞌniꞌ ni̱ꞌ, chisaꞌ suni íyó túꞌva ni̱ꞌ kuviꞌ ni̱ꞌ ranika̱ꞌ nu̱u̱nꞌ ñuunꞌ Jerusalén jie̱ꞌe̱ꞌ I̱toꞌoꞌ‑ó Jesús.

Colosenses 1:8

Jee suni nna̱kani re̱ꞌ nu̱u̱nꞌ ránuꞌuꞌ ya̱ ñúnúunꞌ rán ɨɨn inka táꞌán rán jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ránoꞌó.

Hechos 6:8

Jee yɨ́tuvi nasɨ́kuitɨꞌ Ndiosíꞌ Esteban. Jee njia̱ꞌa Ndiosíꞌ ya̱ ííꞌ níso‑o nu̱u̱nꞌ re̱ꞌ, ya̱ nsa̱ꞌá re̱ꞌ a̱nasɨ́ ya̱ tívɨ́ xíniꞌ ñɨvɨ jín seña nteñu rá ñɨvɨ, ya̱ stúvi ya̱ ñáꞌnú ví Ndiosíꞌ.

Hechos 9:22

Soo núneí ka̱ꞌ iniꞌ Saulo káꞌánꞌ re̱ꞌ. Jee nsa̱ꞌá re̱ꞌ ya̱ nku̱naan nku̱suꞌva rá ñɨvɨ Israel nééꞌ nu̱u̱nꞌ ñuunꞌ Damasco, chi nstúvi re̱ꞌ ya̱ Jesús kúvi nijia Cristo.

Lucas 8:35

Jee nkene rá ñɨvɨ kua̱ne̱ꞌyá ráa na̱kuá nkuvi. Jee nkenta ráa nu̱u̱nꞌ Jesús, jee nna̱niꞌinꞌ ráa te̱e ya̱ nkene rá kui̱ꞌna̱ꞌ iniꞌ re̱ꞌ, ñúꞌún re̱ꞌ saꞌma, jee ya̱ nna̱ku̱ꞌun kájí iniꞌ re̱ꞌ, jee nééꞌ re̱ꞌ jie̱ꞌe̱ꞌ Jesús. Jee nyu̱ꞌví rá ñɨvɨ vá.

Hechos 26:25

Soo nkachiꞌ Pablo: ―Ntu kúꞌvíꞌ xi̱ni̱ꞌ ni̱ꞌ, kátáta ñáꞌnú Festo. Ya̱ nááꞌ kúvi tu̱ꞌun káꞌánꞌ ni̱ꞌ jee káꞌánꞌ ni̱ꞌ tu̱ꞌun ñúkájí iniꞌ ni̱ꞌ ya̱ káꞌánꞌ ni̱ꞌ.

Lucas 15:17

’Saájee nna̱ku̱ꞌun kájí iniꞌ‑i ñani iniꞌ‑i nne̱ꞌyá‑a maáa: “Tantúꞌ kue̱ꞌe̱ꞌ musúꞌ sátíñú veꞌi tátáꞌ ni̱ꞌ jee íyó kue̱ꞌe̱ꞌ ya̱ yájíꞌ ráa ne̱ kínóo ka̱ꞌ nu̱u̱nꞌ ráa, soo nuꞌuꞌ nééꞌ ni̱ꞌ yaꞌá jíꞌíꞌ ni̱ꞌ so̱ko.

Hechos 26:11

Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.