2 Timoteo 1:4 - Mixteco del suroeste de Tlaxiaco Oaxaca

⁴ Nákúꞌun iniꞌ ni̱ꞌ ya̱ jiáku iniꞌ nú. Jee kuíni víꞌí ni̱ꞌ kune̱ꞌyá ni̱ꞌ noꞌó, sáva nusɨ̱ɨ̱ꞌ iniꞌ ánímaꞌ ni̱ꞌ.

2 Timoteo 1:4 Referans Kwoze

2 Timoteo 4:9

Kuniꞌvɨꞌ iniꞌ nú kiji ñamaꞌ nú kine̱ꞌyá nú nuꞌuꞌ.

2 Timoteo 4:21

Kuniꞌvɨꞌ iniꞌ nú kiji nú ne̱ ntiáꞌan kenta rá yo̱o̱ꞌ kúvíjin. Jee Eubulo, jín Pudente, jín Lino, jín Claudia, jín nɨꞌɨ rá ñanitáꞌán‑ó táji ráa ɨɨn tu̱ꞌun káva̱ꞌa nu̱u̱nꞌ nú.

1 Tesalonicenses 2:17

Soo, ránoꞌó ñanitáꞌán, nkuiyo ráníꞌ nu̱u̱nꞌ ránú unúún. Sú nsáꞌ íñɨ́ ránꞌ nu̱u̱nꞌ ránoꞌó, soo ñúꞌún víꞌí iniꞌ ránꞌ ránoꞌó. Saájee kuíni nasɨ́kuitɨꞌ ránꞌ kua̱jiane̱ꞌyá ránꞌ ránoꞌó.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Apoclipsis 21:4

Jee sijíchíꞌ re̱ꞌ ntáká ntenúúnꞌ ráa nchinúún ráa, chi ni nsáꞌ kuviꞌ ráa ka̱ꞌ, nkóo ka̱ꞌ tu̱nkuéká iniꞌ ráa, jee ni nsáꞌ kunaꞌyuꞌ ráa ka̱ꞌ, jee ni nsáꞌ kunoꞌo ráa ka̱ꞌ, chi ya̱ njia̱ꞌa rá tiñu ya̱ nnoꞌo ráa ya̱ta̱ꞌ ―nkachiꞌ‑i.

Apoclipsis 7:17

Chi maáréꞌ ya̱ kúvi re̱ꞌ Lanchi Lúlí Ndiosíꞌ ya̱ íñɨ́ ma̱ꞌñú teyuꞌ nu̱u̱nꞌ nééꞌ Ndiosíꞌ tátúníꞌ‑i jee kúmí re̱ꞌ ráa kuéntáꞌ lanchi re̱ꞌ kúvi ráa. Jee kunaka re̱ꞌ ráa kɨ̱ꞌɨ̱nꞌ re̱ꞌ jín ráa nu̱u̱nꞌ kéne nute ya̱ sáꞌá ya̱ kutekuꞌ ráa jín re̱ꞌ. Jee sijíchíꞌ Ndiosíꞌ nɨꞌɨ ntenúúnꞌ nchinúún ráa.

1 Juan 1:4

Tée ráníꞌ rá tu̱ꞌun yaꞌá nu̱u̱nꞌ ránú sáva chuchítú ya̱ kúsɨ́ɨꞌ iniꞌ ánímaꞌ ránú.

Filipenses 2:26

Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ.

Romanos 1:11

Chi níyo iniꞌ ni̱ꞌ kune̱ꞌyá ni̱ꞌ ránoꞌó jee xinéꞌénꞌ ni̱ꞌ tu̱ꞌun re̱ꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ Ndiosíꞌ ka̱ꞌ tiñu váꞌa iniꞌ rán sáva kuiñɨ ni̱ꞌin rán ka̱ꞌ jín re̱ꞌ.

Hechos 20:31

Saáva nito koo rán. Kunaꞌán rán ya̱ nuví niñuꞌ ya̱ uníꞌ kui̱ya̱ꞌ jee ntu nsi̱kɨ́kui̱ñɨ̱ꞌ ni̱ꞌ nna̱kutíñú ni̱ꞌ nu̱u̱nꞌ ta ɨɨn rán, ne̱ nnaꞌyuꞌ ni̱ꞌ.

Hechos 20:19

Nsa̱tíñú láꞌví víꞌí ni̱ꞌ nu̱u̱nꞌ I̱toꞌoꞌ‑ó. Jee ni̱yo íchí ya̱ nku̱kuíꞌyá iniꞌ ni̱ꞌ ya̱ ñaku iniꞌ ni̱ꞌ jee nnoꞌo ni̱ꞌ tu̱nóꞌó nsa̱ꞌá rá ñɨvɨ Israel, chi nna̱túꞌún ráa saꞌá kini ráa nuꞌuꞌ.

Juan 16:24

Ne̱ vitan jee ni ntiáꞌan ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ. Jee vitan jee íyó ka̱ka̱nꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee ni̱ꞌi̱nꞌ rán ya̱ taji re̱ꞌ nu̱u̱nꞌ rán, sáva chitú ya̱ kúsɨ́ɨꞌ nasɨ́kuitɨꞌ iniꞌ rán.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.