2 Timoteo 1:3 - Mixteco del suroeste de Tlaxiaco Oaxaca

³ Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ noꞌó. Suvire̱ꞌ ví ya̱ sátíñú ni̱ꞌ nu̱u̱nꞌ re̱ꞌ, ne̱ ánímaꞌ ni̱ꞌ jíníꞌ ni̱ꞌ ya̱ sáꞌá na̱a̱ꞌ ni̱ꞌ nu̱u̱nꞌ re̱ꞌ, sáni nsa̱ꞌá rá jííꞌ yanaꞌán ni̱ꞌ. Jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ re̱ꞌ, sáá sukuáni jíkánꞌ táꞌvíꞌ ni̱ꞌ jie̱ꞌe̱ꞌ nú, sáá káꞌánꞌ ni̱ꞌ jín Ndiosíꞌ, va̱ni yakuááꞌ, va̱ni nuví.

2 Timoteo 1:3 Referans Kwoze

Hebreos 13:8

Chi Jesús, ya̱ kúvi Cristo, jee sáni ni̱yo re̱ꞌ tiempúꞌ ya̱ta̱ꞌ, ɨɨn ni kúvi ré tiempúꞌ vitan, jín suni nɨ́ɨ́nkání tiempúꞌ ichinúúnꞌ.

Hechos 23:1

Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

Hechos 24:14

Soo nánaꞌmaꞌ ni̱ꞌ tiñu yaꞌá nu̱u̱nꞌ nú. Níkɨ́nꞌ ni̱ꞌ ichi yaꞌá, ya̱ káchíꞌ ráa ichi túꞌún ví‑i. Suꞌva néñu̱ꞌun ni̱ꞌ Ndiosíꞌ ya̱ nneñu̱ꞌun rá tájííꞌ ráníꞌ yanaꞌán. Chi ínúꞌ iniꞌ ni̱ꞌ nɨꞌɨ sáni káchíꞌ tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín nɨꞌɨ tu̱ꞌun ntee rá te̱e ya̱ njia̱ꞌa Ndiosíꞌ maa nu̱u̱nꞌ ráa.

1 Timoteo 1:19

Jee kuni̱ꞌin, ya̱ kúneí iniꞌ nú Cristo. Jee kueꞌnu na̱a̱ꞌ nú ya̱ kuniꞌ nú ya̱ ntu níso kua̱chi si̱kɨ̱ꞌ nú. Íyó sava ñɨvɨ nsu̱kuíta ichi vá, jee nxi̱náánꞌ ráa ya̱ kúneí iniꞌ ráa Cristo.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

Hechos 24:16

Saáva sukuáni núnasɨ́ ni̱ꞌ kunikɨnꞌ ni̱ꞌ ichi váꞌa, sáva kuniꞌ ni̱ꞌ ya̱ ntu níso ni̱ꞌ kua̱chi nu̱u̱nꞌ Ndiosíꞌ jín nu̱u̱nꞌ rá ñɨvɨ.

Hechos 22:3

―Maáníꞌ ví te̱e Israel. Nkaku ni̱ꞌ ñuunꞌ Tarso, ya̱ tɨ́ɨn Cilicia. Soo ñaꞌnu ni̱ꞌ ñuunꞌ Jerusalén yaꞌá. Te̱e tu̱ꞌva naní Gamaliel nxi̱néꞌénꞌ va̱ꞌa re̱ꞌ nuꞌuꞌ jie̱ꞌe̱ꞌ tu̱ꞌun ley rá jííꞌ‑ó yanaꞌán. Ñúꞌún káñá iniꞌ ni̱ꞌ sikúnkuvi ni̱ꞌ nu̱u̱nꞌ Ndiosíꞌ, kuéntáꞌ nta̱ká ránoꞌó vitan.

2 Timoteo 3:15

Chi ne̱ sáá lúlí nú, jee ya jíníꞌ nú Tu̱ꞌun Ndiosíꞌ níso nu̱u̱nꞌ Tutuꞌ Ííꞌ. Jee suvivá kuvi saꞌá‑a ya̱ kuꞌun kájí xi̱ni̱ꞌ nú na̱sa ki̱vɨ nú nu̱u̱nꞌ natavaꞌ Ndiosíꞌ yó nu̱u̱nꞌ kua̱chi‑ó nanitáꞌvíꞌ‑ó, jie̱ꞌe̱ꞌ ya̱ kuneí iniꞌ‑ó Cristo Jesús.

2 Timoteo 1:5

Nákúꞌun iniꞌ ni̱ꞌ ya̱ ntu ñúnkúún nika̱ꞌ kúneí nijia iniꞌ nú Cristo. Xíꞌna suꞌva nku̱neí iniꞌ náñaꞌnú nú, Loida, jín nánáꞌ nú, Eunice. Jee ínúꞌ iniꞌ ni̱ꞌ, ya̱ suni sukuán kúneí iniꞌ nú nika̱ꞌ.

1 Tesalonicenses 3:10

Nuví jín yakuááꞌ jíkánꞌ táꞌvíꞌ nasɨ́kuitɨꞌ ráníꞌ nu̱u̱nꞌ Ndiosíꞌ ya̱ kua̱jiane̱ꞌyá ránꞌ ránoꞌó. Sáva xinéꞌénꞌ ráníꞌ ka̱ꞌ tu̱ꞌun kúmániꞌ rán, jie̱ꞌe̱ꞌ tu̱ꞌun váꞌa Jesús ya̱ jínúꞌ iniꞌ rán.

Efesios 1:16

jee saáva ni ntu̱ví síkɨ́kui̱ñɨ̱ꞌ ni̱ꞌ jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, jee káꞌánꞌ ni̱ꞌ jie̱ꞌe̱ꞌ rán sáá káꞌánꞌ ni̱ꞌ jín Ndiosíꞌ.

Gálatas 1:14

Jee nkaa ni̱ꞌ ka̱ꞌ kúñáꞌnú ni̱ꞌ nu̱u̱nꞌ ñujiínꞌ Judaísmo, nsú káꞌ rá inka táꞌán ni̱ꞌ jiáꞌnu nkáá jín ni̱ꞌ. Nku̱káñá iniꞌ ni̱ꞌ nsi̱kúnkuvi ni̱ꞌ rá costumbre ya̱ nxi̱nóo rá jííꞌ yanaꞌán ni̱ꞌ nu̱u̱nꞌ ránꞌ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

Romanos 9:1

Yɨ́ꞌɨ́ ni̱ꞌ nu̱u̱nꞌ Cristo jee ya̱ naáꞌ vá káchíꞌ ni̱ꞌ jee ntu kátúꞌún ni̱ꞌ, jee yɨ́ꞌɨ́ ni̱ꞌ naꞌá Ta̱chi̱ꞌ Ííꞌ Ndiosíꞌ jee ne̱ ánímaꞌ ni̱ꞌ jíníꞌ ni̱ꞌ ya̱ naáꞌ

Hechos 27:23

Chi yakuááꞌ vitan nkitu̱vi ɨɨn najiáꞌáꞌ ííꞌ Ndiosíꞌ, ya̱ kúvi I̱toꞌoꞌ ni̱ꞌ ya̱ sátíñú ni̱ꞌ nu̱u̱nꞌ re̱ꞌ.

Hechos 26:4

’Ya jíníꞌ nɨꞌɨ rá ñɨvɨ Israel na̱sa ñaꞌnu ni̱ꞌ ne̱ súchí ni̱ꞌ ñuunꞌ ni̱ꞌ ne̱ xíꞌnañúꞌún jín ñuunꞌ Jerusalén.

Lucas 2:37

Jee nkino̱o náꞌví ña, jee íñɨ́ ña ku̱mi̱xiko ku̱mi̱ꞌ (84) kui̱ya̱ꞌ. Jee ni ntu kéne ña veñu̱ꞌun chi nuví niñuꞌ yɨ́tíñú ña tiñu sáꞌá nu̱u̱nꞌ Ndiosíꞌ, jee íyó niteꞌ ña jee káꞌánꞌ ña jín Ndiosíꞌ.

1 Timoteo 5:5

Soo ñaꞌan náꞌví nijia, ya̱ nkino̱o métúꞌún, ví ya̱ íyó tu̱neí iniꞌ ña Ndiosíꞌ, jee níkɨ́nꞌ ña káꞌánꞌ ña jín re̱ꞌ, jee nuví niñuꞌ ta íchí níkɨ́nꞌ ña jíkánꞌ táꞌvíꞌ ña nu̱u̱nꞌ re̱ꞌ.