2 Timoteo 1:12 - Mixteco del suroeste de Tlaxiaco Oaxaca

¹² Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

2 Timoteo 1:12 Referans Kwoze

2 Timoteo 1:8

Koto kúkanuun nú nakani nú tu̱ꞌun váꞌa jie̱ꞌe̱ꞌ I̱toꞌoꞌ‑ó. Jee suni koto kúkanuun nú jie̱ꞌe̱ꞌ ni̱ꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ re̱ꞌ. Chisaꞌ tɨɨn jín ni̱ꞌ tu̱nóꞌó kunoꞌo‑ó jie̱ꞌe̱ꞌ tu̱ꞌun váꞌa Cristo, sáni sáꞌá fuersáꞌ ííꞌ níso Ndiosíꞌ ya̱ kuiñɨ ni̱ꞌin‑ó.

Judas 1:24

Saájee nákuetúꞌún ni̱ꞌ Ndiosíꞌ chi maáréꞌ ví ya̱ níso fuersáꞌ ííꞌ jee kuvi kumí re̱ꞌ yó sáva ntu kininkava‑órán nu̱u̱nꞌ kua̱chi, jee kuvi saꞌá re̱ꞌ ya̱ nkóo téꞌén si̱kɨ̱ꞌ‑ó sáá kuiñɨ‑ó ichinúúnꞌ re̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú re̱ꞌ, jee kusɨ̱ɨ̱ꞌ víꞌí iniꞌ‑ó jín re̱ꞌ.

1 Pedro 4:19

Jee saáva, ránoꞌó ñɨvɨ ya̱ nóꞌo rán sáni kuíni Ndiosíꞌ, jee naku̱ꞌva rán maárán xi̱ntíín maáréꞌ ya̱ nsa̱ꞌá re̱ꞌ ránoꞌó jee na̱a̱ꞌ síkúnkuvi re̱ꞌ nu̱u̱nꞌ ránoꞌó, jee kunikɨnꞌ rán saꞌá rán rá tiñu váꞌa.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

1 Timoteo 6:20

Noꞌó, Timoteo, kumí váꞌa tiñu ya̱ ntaji Ndiosíꞌ nu̱u̱nꞌ nú. Chusává nú nu̱u̱nꞌ tu̱ꞌun nékáíyó káꞌánꞌ ñɨvɨ, ya̱ ntu íyó ñáꞌnú Ndiosíꞌ nu̱u̱nꞌ ráa, jín ya̱ núníꞌin nu̱u̱nꞌ tu̱ꞌun na̱a̱ꞌ Ndiosíꞌ, ya̱ káchíꞌ ráa nika̱ꞌ, ya̱ tu̱ꞌun níchí ví rá tu̱ꞌun vá.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Mateo 24:36

Soo jie̱ꞌe̱ꞌ ki̱vɨ̱ꞌ yukuán jín hora vá ya̱ kuvi rá tiñu nkachiꞌ ni̱ꞌ, jee ni ɨɨn ntu̱náꞌ jíníꞌ maa, ni rá najiáꞌáꞌ ííꞌ Ndiosíꞌ ya̱ nééꞌ antivɨ́, ni maáníꞌ ya̱ kúvi ni̱ꞌ Se̱ꞌya Ndiosíꞌ, chi métúꞌún ni Tátáꞌ‑ó Ndiosíꞌ ví ya̱ jíníꞌ.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

2 Timoteo 1:18

Jíkánꞌ táꞌvíꞌ ni̱ꞌ ya̱ kunáꞌví iniꞌ I̱toꞌoꞌ‑ó re̱ꞌ, máá ki̱vɨ̱ꞌ nenta tuku I̱toꞌoꞌ‑ó. Jee jíníꞌ va̱ꞌa nú na̱ja nchi̱neí re̱ꞌ ránuꞌuꞌ ñuunꞌ Éfeso.

Filipenses 3:21

Suvire̱ꞌ sama yɨkɨkúñu náꞌví‑ó, jee nuún sama re̱ꞌ maa jín yɨkɨkúñu re̱ꞌ ya̱ nna̱tekuꞌ i̱i̱ꞌ tuku re̱ꞌ jee viiꞌ kúñáꞌnú re̱ꞌ. Sama re̱ꞌ maa jín fuersáꞌ ííꞌ níꞌin níso re̱ꞌ. Jee jín fuersáꞌ ííꞌ vá kúvi chiꞌi re̱ꞌ nɨꞌɨ kuitɨꞌ chi̱ji xi̱ntíín re̱ꞌ.

2 Timoteo 2:9

Jee jie̱ꞌe̱ꞌ tu̱ꞌun yaꞌá nóꞌo ni̱ꞌ tu̱nóꞌó, jee ne̱ núꞌníꞌ ni̱ꞌ jín cadena ka̱a, yɨ́ꞌɨ́ ni̱ꞌ iniꞌ veka̱a, kuéntáꞌ ɨɨn te̱e sáꞌá kua̱chi ni̱ꞌin ví ni̱ꞌ. Soo Tu̱ꞌun Ndiosíꞌ, nsáꞌ núꞌníꞌ‑i.

Filipenses 3:10

Suni nsu̱kuíta ni̱ꞌ nɨꞌɨ rá tiñu vá, sáva koo ma̱ni̱ꞌ ni̱ꞌ jín Cristo, sáva kuniꞌ ni̱ꞌ ya̱ sátíñú maá fuersáꞌ ííꞌ níso Ndiosíꞌ iniꞌ ni̱ꞌ. Fuersáꞌ vá ví ya̱ ña̱tíñú Ndiosíꞌ sáva nxi̱nátekuꞌ re̱ꞌ Cristo, jee nxi̱nákóo re̱ꞌ yɨkɨkúñu Cristo. Jee suni sáva kuniꞌ taꞌanꞌ ni̱ꞌ kunoꞌo ni̱ꞌ jie̱ꞌe̱ꞌ Cristo kuéntáꞌ nnoꞌo maáréꞌ jie̱ꞌe̱ꞌ‑ó, ne̱ kenta kuꞌun iniꞌ ni̱ꞌ kua̱ꞌ níyo maáréꞌ sáá ni̱ꞌi̱ꞌ re̱ꞌ.

Filipenses 3:8

Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

1 Corintios 3:13

jee rá tiñu ya̱ nsa̱ꞌá ta ɨɨn ta ɨɨn ñɨvɨ jee kenta natu̱vi nijinꞌ‑i, chi ki̱vɨ̱ꞌ ya̱ koo juisiúꞌ ya̱ kenta keꞌneꞌ Ndiosíꞌ rá tiñu nsa̱ꞌá ñɨvɨ jee tu̱vi kájí na̱ nu̱u̱nꞌ tiñu kúvi ráa. Kototúníꞌ Ndiosíꞌ rá tiñu sáꞌá ta ɨɨn ta ɨɨn ñɨvɨ jín ñuꞌunꞌ sáva stúvi na̱ nu̱u̱nꞌ tiñu kúvi tiñu nsa̱ꞌá‑a.

Juan 17:15

’Soo nsáꞌ jíkánꞌ táꞌvíꞌ ni̱ꞌ ya̱ tavaꞌ nú ráa iniꞌ ñɨ̱vɨ́ yaꞌá, chisaꞌ káchíꞌ ni̱ꞌ ya̱ kumí nú ráa nu̱u̱nꞌ maá kui̱ꞌna̱ꞌ kúñáꞌnú.

Mateo 12:21

Jee rá ñɨvɨ ntáká nación koo tu̱neí iniꞌ ráa re̱ꞌ kunetu ráa ya̱ saꞌá re̱ꞌ ya̱ kutekuꞌ ráa jín Ndiosíꞌ, nkachiꞌ Ndiosíꞌ, sukuán ntee Isaías.

Romanos 9:33

Suꞌva káchíꞌ tu̱ꞌun níso nu̱u̱nꞌ Tutuꞌ Ííꞌ: Ne̱ nu̱u̱nꞌ ñuunꞌ Sión kani ni̱ꞌ maáréꞌ ya̱ kuvi re̱ꞌ kuéntáꞌ ɨɨn yu̱u̱ꞌ ya̱ kakɨ̱ꞌɨ jie̱ꞌe̱ꞌ ñɨvɨ jee yu̱u̱ꞌ yaꞌá vá sáꞌá‑a ya̱ naniso ráa. Jee rá ñɨvɨ ya̱ kúneí iniꞌ ráa re̱ꞌ, jee nkóo ráa jín tu̱nkánuun. Nkachiꞌ Ndiosíꞌ.

1 Pedro 4:16

Soo retú nóꞌo ɨɨn ránoꞌó jie̱ꞌe̱ꞌ ya̱ kúvi‑i cristiano ya̱ níkɨ́nꞌ rán ichi nááꞌ Cristo, koto kúkanuun rán, chisaꞌ nakuetúꞌún rán Ndiosíꞌ jie̱ꞌe̱ꞌ ya̱ níkɨ́nꞌ rán ichi nááꞌ Cristo.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Hebreos 2:18

Chi suni nnoꞌo re̱ꞌ jín tu̱ꞌun xíníyo iniꞌ, jee saáva kuvi chineí re̱ꞌ rá ñɨvɨ ya̱ íyó tu̱ꞌun xíníyo iniꞌ jín ráa.

1 Tesalonicenses 2:16

Chi núkú ráa jiásɨ́ꞌ ráa nu̱u̱nꞌ ránuꞌuꞌ, sáá káchítu̱ꞌún ránꞌ tu̱ꞌun jie̱ꞌe̱ꞌ Jesús nu̱u̱nꞌ rá ñɨvɨ ntu kúvi Israel, sáva natavaꞌ Ndiosíꞌ rá ñɨvɨ vá nu̱u̱nꞌ kua̱chi ráa nanitáꞌvíꞌ ráa. Suꞌva sukuáni sáꞌá rá ñɨvɨ Israel vá ya̱ núkueꞌeꞌ ka̱ꞌ kua̱chi si̱kɨ̱ꞌ ráa. Saájee ne̱ nkúvi ka̱ꞌ, jee nkenta ya̱ kítɨ́ꞌ iniꞌ Ndiosíꞌ néꞌyá re̱ꞌ ráa jee xinóꞌo re̱ꞌ ráa.

Filipenses 1:20

Ñúꞌún numíjiꞌíꞌ iniꞌ ni̱ꞌ jee íyó tu̱ꞌun neí iniꞌ ni̱ꞌ, ya̱ nkúkanuun ni̱ꞌ, jín ya̱ koo neí iniꞌ ni̱ꞌ vitan kuéntáꞌ sukuáni, sáva kuatíñú Ndiosíꞌ nuꞌuꞌ, sáva stúvi re̱ꞌ ya̱ kúñáꞌnú ví Cristo, vasúꞌ tékúꞌ ni̱ꞌ áxí vasúꞌ kuviꞌ ni̱ꞌ.

Hechos 21:13

Saájee nna̱xiníkó re̱ꞌ: ―¿Na̱kui chi náꞌyúꞌ rán jee jiáxin rán ánímaꞌ ni̱ꞌ? Chi nsáꞌ kua̱chi íyó túꞌva ni̱ꞌ ya̱ kunuꞌniꞌ ni̱ꞌ, chisaꞌ suni íyó túꞌva ni̱ꞌ kuviꞌ ni̱ꞌ ranika̱ꞌ nu̱u̱nꞌ ñuunꞌ Jerusalén jie̱ꞌe̱ꞌ I̱toꞌoꞌ‑ó Jesús.

Hechos 13:50

Soo rá ñaꞌan ya̱ néñu̱ꞌun ráña Ndiosíꞌ, ya̱ kúvi ráña ya̱ ñáꞌnú nu̱u̱nꞌ ñuunꞌ vá, jín rá te̱e kúñáꞌnú nu̱u̱nꞌ ñuunꞌ vá, jee rá ñɨvɨ Israel nsi̱ínúꞌ ráa iniꞌ rává, jee nsi̱kántátúꞌun ráa rává sáva saꞌá kini nɨꞌɨ rává Pablo jín Bernabé, jee nta̱níkɨ́nꞌ rává ráa nu̱u̱nꞌ ñuunꞌ rává.

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 9:16

I̱ña̱jée nuꞌuꞌ, xinéꞌénꞌ ni̱ꞌ nu̱u̱nꞌ re̱ꞌ na̱sa íyó kunoꞌo re̱ꞌ jie̱ꞌe̱ꞌ nuꞌuꞌ ―nkachiꞌ I̱toꞌoꞌ‑ó nu̱u̱nꞌ Ananías.

Hechos 7:59

Jee ni kúun ráa yu̱u̱ꞌ Esteban, jee ni̱ka̱nꞌ táꞌvíꞌ re̱ꞌ, jee nkachiꞌ re̱ꞌ: ―¡I̱toꞌoꞌ ni̱ꞌ Jesús! Nakeꞌen ta̱chi̱ꞌ káꞌánꞌ ni̱ꞌ.

Juan 6:44

Chi ni ɨɨn ñɨvɨ ni nkúvi natuꞌva‑a nu̱u̱nꞌ nuꞌuꞌ, retú nsáꞌ nástúꞌva Tátáꞌ ni̱ꞌ maa nu̱u̱nꞌ ni̱ꞌ. Tátáꞌ ni̱ꞌ ví ya̱ nchu̱ichí nuꞌuꞌ, jee nástúꞌva re̱ꞌ ñɨvɨ nu̱u̱nꞌ ni̱ꞌ, jee xinákóo ni̱ꞌ maa kene‑e nteñu rá níꞌiꞌ ki̱vɨ̱ꞌ nu̱u̱nꞌ nɨꞌɨ.

Lucas 23:46

Saájee kua̱yuꞌú Jesús nka̱najíín re̱ꞌ, jee nkachiꞌ re̱ꞌ: ―Tátáꞌ ni̱ꞌ, xi̱ntíín nú nátají ni̱ꞌ ta̱chi̱ꞌ káꞌánꞌ ni ―nkachiꞌ re̱ꞌ, saájee nu̱u̱nꞌ nɨ́ꞌɨ nna̱statáchiꞌ re̱ꞌ jee ni̱ꞌi̱ꞌ re̱ꞌ.

1 Tesalonicenses 5:4

Soo, ránoꞌó ñanitáꞌán, jíníꞌ va̱ꞌa ránú maa, jee ntu jiáꞌnu naanꞌ rán kuéntáꞌ jíka ɨɨn ñɨvɨ nu̱u̱nꞌ neenꞌ jee ntu jíníꞌ‑i né núꞌ kua̱ꞌa̱nꞌ‑a. Saáva ntu tɨɨn sa̱naanꞌ ki̱vɨ̱ꞌ tiaaꞌ I̱toꞌoꞌ‑ó yó kuéntáꞌ kénta tɨ́ɨn sa̱naanꞌ te̱e sákuíꞌná veꞌi ñɨvɨ.

Lucas 10:12

Jee káchíꞌ ni̱ꞌ nu̱u̱nꞌ ránoꞌó ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá ―nkachiꞌ Jesús.

Mateo 7:22

Jee sáá kenta ki̱vɨ̱ꞌ sanáaꞌ ni̱ꞌ ntáká kua̱chi, jee ki̱vɨ̱ꞌ yukuán, kue̱ꞌe̱ꞌ víꞌí rá ñɨvɨ kachiꞌ ráa nu̱u̱nꞌ nuꞌuꞌ: “I̱toꞌoꞌ ránꞌ, I̱toꞌoꞌ ránꞌ, ¿á nsáꞌ ña̱tíñú ránꞌ súví nú sáá nste̱kútu̱ꞌún ránꞌ tu̱ꞌun nú résa? Jee, ¿á nsáꞌ ña̱tíñú ránꞌ súví nú jee nta̱níkɨ́nꞌ ránꞌ rá kui̱ꞌna̱ꞌ ya̱ nyɨ̱ꞌɨ iniꞌ rá ñɨvɨ résa? Jee, ¿á nsáꞌ jín súví nú nsa̱ꞌá víꞌí ráníꞌ rá tiñu a̱nasɨ́ résa?”, kachiꞌ ráa.

1 Corintios 1:8

Jee saꞌá re̱ꞌ ya̱ kuiñɨ ni̱ꞌin rán kuneí iniꞌ rán Cristo ne̱kua̱ꞌ ji̱nu ya̱ tékúꞌ nú, sáva ni ɨɨn ntu̱náꞌ kuvi chikua̱chi ránoꞌó sáá kenta nikó I̱toꞌoꞌ‑ó Jesús ya̱ kúvi Cristo.

2 Timoteo 1:14

Kumí váꞌa nú tu̱ꞌun váꞌa vá, ya̱ nte̱tíñú Ndiosíꞌ noꞌó tiñu ya̱ stékútu̱ꞌún nú maa, chi Ta̱chi̱ꞌ Ííꞌ re̱ꞌ chíneí yó sáꞌá‑ó maa, chi yɨ́ꞌɨ́ Ta̱chi̱ꞌ Ííꞌ iniꞌ yó.

2 Timoteo 1:16

Jíkánꞌ táꞌvíꞌ ni̱ꞌ nu̱u̱nꞌ I̱toꞌoꞌ‑ó ya̱ kúnáꞌví iniꞌ re̱ꞌ rá ñɨvɨ táꞌán veꞌi Onesíforo, chi kue̱ꞌe̱ꞌ íchí nxi̱núváꞌa re̱ꞌ iniꞌ ni̱ꞌ, jee ntu nkúkanuun re̱ꞌ jie̱ꞌe̱ꞌ ya̱ núꞌníꞌ ni̱ꞌ jín rá cadena ka̱a iniꞌ veka̱a.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.