2 Pedro 1:6 - Mixteco del suroeste de Tlaxiaco Oaxaca

⁶ Jee jie̱ꞌe̱ꞌ ya̱ kúkáꞌnú iniꞌ rán ka̱ꞌ jie̱ꞌe̱ꞌ Ndiosíꞌ jee nachisó rán ya̱ nakeꞌen rán maárán. Jee jie̱ꞌe̱ꞌ nákeꞌen rán maárán jee nachisó rán ya̱ kuni̱ꞌin rán kuiñɨ kutú rán jín Cristo. Jee jie̱ꞌe̱ꞌ kúníꞌin rán íñɨ́ rán jín Cristo jee nachisó rán kɨtíñú rán nu̱u̱nꞌ Cristo.

2 Pedro 1:6 Referans Kwoze

2 Pedro 1:3

Chi jín fuersáꞌ ííꞌ níso Ndiosíꞌ jee ntaji re̱ꞌ nɨꞌɨ nu̱u̱nꞌ‑ó ya̱ jíniñúꞌún‑ó sáva kueꞌnu na̱a̱ꞌ‑ó ñɨ̱vɨ́ yaꞌá sáni kuíni re̱ꞌ jín sáva kɨtíñú‑ó nu̱u̱nꞌ Ndiosíꞌ. Ntaji re̱ꞌ maa jie̱ꞌe̱ꞌ jíníꞌ‑ó na̱ja iniꞌ maáréꞌ, chi maáréꞌ ví ya̱ nkana re̱ꞌ yó, jie̱ꞌe̱ꞌ ya̱ kúñáꞌnú nasɨ́kuitɨꞌ re̱ꞌ jín jie̱ꞌe̱ꞌ va̱ꞌa iniꞌ re̱ꞌ.

Hebreos 10:36

Chi jíniñúꞌún káꞌnú koo iniꞌ rán kuni̱ꞌin rán kuiñɨ rán jín Jesús, sáva ré nkuvi nsa̱ꞌá rán sáni kuíni re̱ꞌ jee ni̱ꞌi̱nꞌ rán ta̱ꞌvi̱ꞌ ya̱ nchi̱sóyuꞌú Ndiosíꞌ.

Lucas 21:19

Jee jie̱ꞌe̱ꞌ kuiñɨ ni̱ꞌin rán kuni̱ꞌin kutú rán jín nuꞌuꞌ, jee ni̱ꞌi̱nꞌ rán maárán kutekuꞌ rán nɨ́ɨ́nkání jín ni̱ꞌ.

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

1 Corintios 9:25

Chi ntáká ñɨvɨ síkɨ́ jee núnasɨ́ ráa sátúꞌva ráa maáráa kúmí ráa ñunéꞌyúꞌ ráa sáva kuneí ráa jee ni̱ꞌi̱nꞌ ráa kutaꞌviꞌ ráa ɨɨn ta̱ꞌvi̱ꞌ, ya̱ ntu̱ví kínóo ntáká tiempúꞌ chi náánꞌ‑á. Soo maáó chi ni̱ꞌi̱nꞌ‑ó ɨɨn ta̱ꞌvi̱ꞌ ya̱ kutaꞌviꞌ‑ó ya̱ koo jín‑ó nɨ́ɨ́nkání ya̱ ntu̱ví náánꞌ‑a.

Tito 2:2

Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.

Gálatas 5:23

másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.

Apoclipsis 14:12

Jee saáva rá ñɨvɨ ya̱ nsa̱ꞌá sɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, íyó káꞌnú koo iniꞌ ráa jee kuni̱ꞌin ráa nu̱u̱nꞌ re̱ꞌ, ya̱ maáráa ví ya̱ sikúnkuvi ráa tu̱ꞌun nta̱túníꞌ re̱ꞌ, jee íñɨ́ níꞌin ráa kúneí iniꞌ ráa Jesús ―káchíꞌ najiáꞌáꞌ ííꞌ uníꞌ vá.

Apoclipsis 2:2

Jee jíníꞌ ni̱ꞌ ntáká tiñu váꞌa sáꞌá rán, jee íñɨ́ yɨ́ɨ́ rán yɨ́tíñú rán nu̱u̱nꞌ ni̱ꞌ, jín ya̱ káꞌnú íyó iniꞌ rán kúníꞌin rán íñɨ́ rán jín nuꞌuꞌ. Jee suni jíníꞌ ni̱ꞌ ya̱ ntu kúvi keꞌneꞌ iniꞌ rán ya̱ koo ñɨvɨ kánéꞌén nteñu rán. Jee jítotúníꞌ rán rá te̱e xínáꞌví ya̱ káchíꞌ ráa nika̱ꞌ ya̱ apóstol kúvi ráa ya̱ nchu̱ichí Ndiosíꞌ ráa, soo ntu̱ví, jee saáva jíníꞌ rán ya̱ kúvi ráa te̱e túꞌún ni.

Tito 1:8

Soo íyó kuvi re̱ꞌ ɨɨn te̱e ya̱ íyó maniꞌ iniꞌ, ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi, jín ya̱ ñúnúunꞌ ya̱ váꞌa, jín ya̱ jiáni kájí iniꞌ, jín ya̱ jíka na̱a̱ꞌ, jín ya̱ sáꞌá sɨ́ɨ́n re̱ꞌ maáréꞌ ya̱ nkɨ́ꞌɨ re̱ꞌ nu̱u̱nꞌ ya̱ níváꞌa sáni kuíni Ndiosíꞌ, jín ya̱ nákeꞌen re̱ꞌ maáréꞌ.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

2 Corintios 6:4

Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

Romanos 8:25

Soo retú íyó tu̱ꞌun neí iniꞌ‑ó ya̱ ntu túvi néꞌyá‑ó, jee jiéꞌnéꞌ iniꞌ‑ó nétu kuvi iniꞌ‑ó maa.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

Lucas 8:15

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

Romanos 15:4

Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ.

Apoclipsis 13:10

Retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kɨꞌɨ‑ɨ veka̱a, jee sáá íyó kɨ̱ꞌɨ̱nꞌ‑ɨ kɨꞌɨ‑ɨ veka̱a. Jee retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kaꞌniꞌ inka ñɨvɨ maa jín yuchiꞌ, jee sáá íyó kuviꞌ‑i jín yuchiꞌ. Jee jie̱ꞌe̱ꞌ yaꞌá rá ñɨvɨ ya̱ nsa̱ꞌá sɨ́ɨ́n Ndiosíꞌ kɨꞌɨ ráa nu̱u̱nꞌ re̱ꞌ íyó koo káꞌnú iniꞌ ráa kuni̱ꞌin ráa nu̱u̱nꞌ re̱ꞌ jee íyó kuneí iniꞌ ráa re̱ꞌ.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

2 Pedro 3:11

Jee jie̱ꞌe̱ꞌ ya̱ kɨ̱naanꞌ nta̱ká rává sukuán, saáva íyó kueꞌnu na̱a̱ꞌ ninuꞌun rán sáni kuíni Ndiosíꞌ jee kɨtíñú rán nu̱u̱nꞌ re̱ꞌ,

Hebreos 6:15

Jee saájee káꞌnú ni̱yo iniꞌ Abraham jee nni̱ꞌi̱nꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ.

Hebreos 6:12

Jee sáva ntu kenta kukakan iniꞌ rán, chisaꞌ nuún saꞌá rán mákua sáꞌá rá ñɨvɨ ya̱ níꞌínꞌ ráa ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ kúneí iniꞌ ráa Jesús jín suni káꞌnú íyó iniꞌ ráa.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

2 Timoteo 3:5

jín ya̱ kachiꞌ ráa nika̱ꞌ ya̱ yɨ́tíñú ráa nu̱u̱nꞌ Ndiosíꞌ, soo jie̱ꞌe̱ꞌ tiñu sáꞌá ráa stúvi ráa ya̱ kúíchi iniꞌ ráa maa, chi kasɨꞌ ráa ya̱ sama fuersáꞌ ííꞌ níso re̱ꞌ iniꞌ ánímaꞌ ráa. Chusává nú nu̱u̱nꞌ ñɨvɨ ya̱ íyó suꞌva.

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

1 Timoteo 6:6

Soo kuéntáꞌ ni̱ꞌi̱nꞌ víꞌí‑ó si̱kɨ̱ꞌ ka̱ꞌ kúvi ya̱ yɨ́tíñú‑ó nu̱u̱nꞌ ichi na̱a̱ꞌ Ndiosíꞌ, retú kuva̱ꞌa iniꞌ‑ó jín ya̱ kúmí‑ó.

1 Timoteo 6:3

Ré néni ɨɨn ñɨvɨ xínéꞌénꞌ tu̱ꞌun íyó sɨ́ɨ́n, ya̱ ntu káꞌánꞌ nuún jín tu̱ꞌun na̱a̱ꞌ I̱toꞌoꞌ‑ó Jesús ya̱ kúvi Cristo, jee ya̱ ntu íyó na̱kua̱ꞌ xínéꞌénꞌ Ndiosíꞌ jie̱ꞌe̱ꞌ ichi na̱a̱ꞌ sáni kuíni Ndiosíꞌ ya̱ kaka‑ó,

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

1 Timoteo 2:10

Soo sikútú ráa maáráa jín rá tiñu váꞌa sáꞌá ráa, na̱kua̱ꞌ sáꞌá ɨɨn ñaꞌan ya̱ jiáꞌayuꞌú ña yɨ́tíñú ña nu̱u̱nꞌ Ndiosíꞌ.

1 Timoteo 2:2

Jee suni sukuán náxiníꞌvɨ́ꞌ ni̱ꞌ iniꞌ ñanitáꞌán‑ó ya̱ kaꞌanꞌ‑ó jín Ndiosíꞌ jie̱ꞌe̱ꞌ rá te̱e, ya̱ tátúníꞌ nu̱u̱nꞌ rá ñuunꞌ, jín jie̱ꞌe̱ꞌ nta̱ká rá te̱e nísotíñú, sáva kuvi kuneeꞌ ñunkúún‑ó jee kuneeꞌ va̱ꞌa‑ó, ni jiáꞌnu‑ó ichi na̱a̱ꞌ sáni kuíni Ndiosíꞌ jee jiáꞌnu ñáꞌnú‑ó.

2 Tesalonicenses 3:5

Jee na̱ ka̱ꞌ nachuꞌun I̱toꞌoꞌ‑ó ichi ánímaꞌ rán sáva saꞌá Ndiosíꞌ ya̱ kunu̱u̱nꞌ rán re̱ꞌ jín ñɨvɨ. Jee sáva kuni̱ꞌin ránú kuiñɨ ni̱ꞌin rán jín Cristo.

2 Tesalonicenses 1:4

Saáva ránuꞌuꞌ kúsɨ́ɨꞌ téyɨ́ɨ́ iniꞌ ráníꞌ káꞌánꞌ téyɨ́ɨ́ ránꞌ jie̱ꞌe̱ꞌ ránoꞌó nu̱u̱nꞌ rá grupo ñɨvɨ ya̱ kúneí iniꞌ ráa Ndiosíꞌ, chi kúníꞌin rán íñɨ́ ni̱ꞌin rán jee kúneí iniꞌ rán Jesús, sú jíto u̱ꞌvi̱ꞌ ñɨvɨ ránoꞌó jee nóꞌo rán tu̱nóꞌó ya̱ jiéꞌnéꞌ iniꞌ rán ya̱ nóꞌo rán.

Génesis 5:24

Jee nika Enoc nyɨ̱tíñú re̱ꞌ nu̱u̱nꞌ Ndiosíꞌ jee kuíre ntu ka̱ꞌ nééꞌ re̱ꞌ ñɨ̱vɨ́ yaꞌá chi nna̱keꞌen tékúꞌ Ndiosíꞌ maa.