2 Pedro 1:21 - Mixteco del suroeste de Tlaxiaco Oaxaca

²¹ Chi ni nsáꞌ va̱ji tu̱ꞌun vá ne̱ nu̱u̱nꞌ ya̱ kuíni iniꞌ ɨɨn ñɨvɨ. Chisaꞌ nsa̱tíñú Ta̱chi̱ꞌ Ííꞌ Ndiosíꞌ iniꞌ ráa sáva nna̱kani ráa rá tu̱ꞌun ya̱ njia̱ꞌa Ndiosíꞌ nu̱u̱nꞌ ráa sákachiꞌ ráa. [Suviráa kúvi ráa rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨtíñú ráa nu̱u̱nꞌ re̱ꞌ.]

2 Pedro 1:21 Referans Kwoze

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

Lucas 1:70

jee nchu̱ichí re̱ꞌ maa sánikua̱ꞌ kuéntáꞌ nchi̱sóyuꞌú re̱ꞌ maa jín tu̱ꞌun njia̱ꞌa re̱ꞌ nu̱u̱nꞌ rá te̱e ííꞌ tu̱ꞌun nkene yuꞌú máá maáréꞌ sákachiꞌ ráa yanaꞌán víꞌí,

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.

Hebreos 10:15

Jee ne̱ maá Ta̱chi̱ꞌ Ííꞌ stúvi‑i ya̱ naáꞌ nu̱u̱nꞌ‑ó jie̱ꞌe̱ꞌ tu̱ꞌun yaꞌá, chi xíꞌna ka̱ꞌ káchíꞌ‑i:

Hechos 3:18

Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ.

Marcos 12:36

Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sáá kachiꞌ maá David, jee nkachiꞌ re̱ꞌ tiempúꞌ chíji, jie̱ꞌe̱ꞌ Cristo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ. Jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó kakɨnꞌ ni̱ꞌ ráa chi̱ji jie̱ꞌe̱ꞌ nú.”

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Hebreos 3:7

Jee saáva chuꞌun iniꞌ rán kuéntáꞌ kua̱ꞌ nkachiꞌ Ta̱chi̱ꞌ Ííꞌ Ndiosíꞌ Tu̱ꞌun níso nu̱u̱nꞌ Tutuꞌ Ííꞌ: Retú vitan tésóꞌo rán tu̱ꞌun káꞌánꞌ Ndiosíꞌ,

Hechos 28:25

Jee ntu nkúnuún iniꞌ ɨɨn inka ráa, saáva nka̱jiéꞌé kua̱ꞌa̱nꞌ ráa, sáá nɨꞌɨ nkachiꞌ Pablo yaꞌá: ―Va̱tu̱ꞌ nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ rá jííꞌ yanaꞌán‑ó tu̱ꞌun, ya̱ njia̱ꞌa‑a nu̱u̱nꞌ Isaías, jee nkachiꞌ Ta̱chi̱ꞌ Ííꞌ:

Hebreos 9:8

Jee jín yukuán stúvi Ta̱chi̱ꞌ Ííꞌ Ndiosíꞌ nu̱u̱nꞌ‑ó ya̱ ni íyó i̱i̱ꞌ iniꞌ nu̱u̱nꞌ xíꞌnañúꞌún iniꞌ veꞌi saꞌma vá, jee ntiáꞌan kunune ichi ya̱ kuvi ki̱vɨ ñɨvɨ iniꞌ Nu̱u̱nꞌ Ííꞌ Nasɨ́kuitɨꞌ Ka̱ꞌ.