2 Pedro 1:16 - Mixteco del suroeste de Tlaxiaco Oaxaca

¹⁶ Chi ntu nníkɨ́nꞌ ránꞌ ntu ntɨ́ɨn kuéntáꞌ ránꞌ rá kuentúꞌ túꞌún máñáꞌ ya̱ nkene xi̱ni̱ꞌ ñɨvɨ sáá nsi̱kúkáꞌnú ránꞌ iniꞌ ránoꞌó jie̱ꞌe̱ꞌ ya̱ kenta I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, chisaꞌ niniꞌ jínúunꞌ ráníꞌ ya̱ viiꞌ kúñáꞌnú re̱ꞌ.

2 Pedro 1:16 Referans Kwoze

1 Juan 4:14

Jee ránuꞌuꞌ chi niniꞌ ránꞌ jee nástúvi ránꞌ ya̱ máá Tátáꞌ‑ó Ndiosíꞌ nchu̱ichí re̱ꞌ Se̱ꞌya re̱ꞌ nkiji‑i sáva sikáku‑u maáórán ya̱ kúvi‑ó ñɨvɨ ñɨ̱vɨ́ yaꞌá jie̱ꞌe̱ꞌ xinóꞌo Ndiosíꞌ yó jie̱ꞌe̱ꞌ kua̱chi‑ó.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

1 Timoteo 1:4

Jee suni tatúníꞌ nú nu̱u̱nꞌ ráa, ya̱ koto sáꞌá ráa kuéntáꞌ rá kuentúꞌ yanaꞌán, ya̱ kúvi kuentúꞌ ni, jín rá tu̱ꞌun ya̱ ntu jínu, ya̱ káꞌánꞌ jie̱ꞌe̱ꞌ na̱sa va̱ji rá jííꞌ‑ó yanaꞌán. Rá tu̱ꞌun suꞌva sikántátúꞌun ka̱ꞌá rá ñɨvɨ, nsú káꞌ síkúnkuvi ráa nu̱u̱nꞌ Ndiosíꞌ jie̱ꞌe̱ꞌ tu̱ꞌun re̱ꞌ ya̱ kúneí iniꞌ‑ó.

1 Timoteo 4:7

Chusává maánú nu̱u̱nꞌ rá kuentúꞌ yanaꞌán, ya̱ kúvi kuentúꞌ ni, jín ya̱ ntu sáꞌá ñáꞌnú‑u nu̱u̱nꞌ Ndiosíꞌ, kuéntáꞌ nákani ka̱ꞌá sava ñaꞌan ñáꞌnú. Chisaꞌ sikújia nú kueꞌnu nú ichi na̱a̱ꞌ sáni kuíni Ndiosíꞌ.

1 Corintios 2:4

Jee sáá nna̱kani ni̱ꞌ tu̱ꞌun váꞌa jie̱ꞌe̱ꞌ Jesús jee nste̱kútu̱ꞌún ni̱ꞌ maa nu̱u̱nꞌ rán, jee ntu nkáꞌánꞌ ni̱ꞌ jín rán tu̱ꞌun ya̱ jiáni iniꞌ ñɨvɨ ñɨ̱vɨ́ yaꞌá ya̱ kúvi‑i tu̱ꞌun níchí sáva sijínúꞌ ni̱ꞌ iniꞌ rán, chisaꞌ nstúvi Ndiosíꞌ ya̱ nááꞌ kúvi tu̱ꞌun ni̱ꞌ chi nsa̱tíñú Ta̱chi̱ꞌ Ííꞌ Ndiosíꞌ jín fuersáꞌ ííꞌ níso re̱ꞌ.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

1 Corintios 1:17

Chi nsáꞌ nchu̱ichí Cristo nuꞌuꞌ sáva sikuánuté ni̱ꞌ, chisaꞌ nchu̱ichí re̱ꞌ nuꞌuꞌ stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, soo ntu káꞌánꞌ ni̱ꞌ jín rán jín tu̱ꞌun ya̱ váji xi̱ni̱ꞌ ñɨvɨ ya̱ jiáni iniꞌ rá ñɨvɨ ñɨ̱vɨ́ ya̱ kúvi tu̱ꞌun níchí, chi retú kaꞌanꞌ ni̱ꞌ suꞌva nékúvi kasɨꞌ ni̱ꞌ ya̱ satíñú iniꞌ ánímaꞌ rán tu̱ꞌun jie̱ꞌe̱ꞌ ná kúvi tiñu ya̱ nsa̱ꞌá Cristo sáá ni̱ꞌi̱ꞌ re̱ꞌ nu̱u̱nꞌ kurúsiꞌ, jee nsáꞌ sáꞌá ni̱ꞌ suꞌva.

Apoclipsis 1:7

¡Kune̱ꞌyá rán!, chi nenta Cristo nu̱u̱nꞌ viko, jee ntáká rá ñɨvɨ kuniꞌ jín núunꞌ ráa re̱ꞌ, jee suni ne̱ rá ñɨvɨ ya̱ nkaanꞌ ráa yaviꞌ re̱ꞌ ñaꞌniꞌ ráa re̱ꞌ kuniꞌ jínúunꞌ ráa re̱ꞌ. Saájee suni ne̱ ntáká rá tataꞌ rá ñɨvɨ íyó kua̱íyó iniꞌ ñɨ̱vɨ́ yaꞌá, jee jiaku iniꞌ ráa kunaꞌyuꞌ ráa ya̱ ntu ni̱nu̱ꞌ iniꞌ ráa kaníjiá ráa re̱ꞌ. Saá nijia, sukuán koo.

Tito 1:14

jee sáva nsáꞌá ráa kuéntáꞌ rá kuentúꞌ yanaꞌán ya̱ sátúꞌún rá ñɨvɨ Israel, jee sáva nsáꞌá ráa kuéntáꞌ rá tu̱ꞌun ya̱ tátúníꞌ kua̱chi rá ñɨvɨ ni ya̱ nákuíñɨꞌ yátá ráa nu̱u̱nꞌ tu̱ꞌun na̱a̱ꞌ.

Judas 1:14

Jee suni nkachiꞌ ya̱chi̱ꞌ Enoc tu̱ꞌun nkene yuꞌú maá Ndiosíꞌ ya̱ nkaꞌanꞌ‑a jie̱ꞌe̱ꞌ rá te̱e túꞌún yaꞌá. Jee ne̱ nu̱u̱nꞌ Adán nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xa̱ꞌ táꞌ ráa ne̱ sáá nkaku Enoc. Jee nkachiꞌ Enoc: “Kune̱ꞌyá, kiji I̱toꞌoꞌ jín kue̱ꞌe̱ꞌ víꞌí mil rá najiáꞌáꞌ ííꞌ re̱ꞌ,

2 Tesalonicenses 2:9

Jee te̱e vá kiji re̱ꞌ saꞌá Satanás. Jee kuniso te̱e vá kua̱íyó fuersáꞌ Satanás ya̱ saꞌá re̱ꞌ rá milagrúꞌ, jín seña, jín tiñu a̱nasɨ́ ya̱ ti̱vɨ́ xíniꞌ rá ñɨvɨ kune̱ꞌyá ráa maa, jee xináꞌví‑i ráa.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

1 Tesalonicenses 2:19

¿Chi na̱ jie̱ꞌe̱ꞌ íyó tu̱neí iniꞌ ráníꞌ? Ránoꞌó ví nijia jie̱ꞌe̱ꞌ íyó tu̱neí iniꞌ ráníꞌ. Ránoꞌó kúvi ya̱ sáꞌá‑a kúsɨ́ɨꞌ iniꞌ ránꞌ. Jee jie̱ꞌe̱ꞌ ránoꞌó kuneí ráníꞌ ni̱ꞌi̱nꞌ ráníꞌ ta̱ꞌvi̱ꞌ jee kuvi kaꞌanꞌ téyɨ́ɨ́ ránꞌ jie̱ꞌe̱ꞌ vá ichinúúnꞌ I̱toꞌoꞌ‑ó Jesús sáá niji tuku re̱ꞌ.

Filipenses 3:21

Suvire̱ꞌ sama yɨkɨkúñu náꞌví‑ó, jee nuún sama re̱ꞌ maa jín yɨkɨkúñu re̱ꞌ ya̱ nna̱tekuꞌ i̱i̱ꞌ tuku re̱ꞌ jee viiꞌ kúñáꞌnú re̱ꞌ. Sama re̱ꞌ maa jín fuersáꞌ ííꞌ níꞌin níso re̱ꞌ. Jee jín fuersáꞌ ííꞌ vá kúvi chiꞌi re̱ꞌ nɨꞌɨ kuitɨꞌ chi̱ji xi̱ntíín re̱ꞌ.

1 Corintios 5:4

Sáá nútútú rán jee ñúꞌúnꞌ iniꞌ ánímaꞌ ni̱ꞌ ránoꞌó kuéntáꞌ íyó ni̱ꞌ jín rán, jee fuersáꞌ níꞌin ííꞌ I̱toꞌoꞌ‑ó Jesús íyó‑o jín ránoꞌó, jee nu̱u̱nꞌ súví I̱toꞌoꞌ‑ó Jesús

1 Corintios 2:1

Saáva ránoꞌó ñaniꞌ jín ku̱ꞌva, sáá njia̱a̱ꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto sáva kachitu̱ꞌún ni̱ꞌ nu̱u̱nꞌ rán tu̱ꞌun yuꞌuꞌ Ndiosíꞌ ya̱ nstúvi re̱ꞌ nu̱u̱nꞌ ni̱ꞌ, jee ntu nkaꞌanꞌ ni̱ꞌ tu̱ꞌun ñujiínꞌ víjí ni tu̱ꞌun níchí sáni káꞌánꞌ rá ñɨvɨ ñɨ̱vɨ́.

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

1 Corintios 1:7

jee suꞌva ntu̱náꞌ kúmániꞌ ni ɨɨn ta̱ꞌvi̱ꞌ táji Ndiosíꞌ ni nétu kuvi‑ó ya̱ niji nijinꞌ I̱toꞌoꞌ‑ó Jesús ya̱ kúvi Cristo.

Romanos 1:4

Jee nstúvi Ta̱chi̱ꞌ Ííꞌ Ndiosíꞌ ya̱ Jesús kúvi re̱ꞌ Se̱ꞌya Ndiosíꞌ chi nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ, jín fuersáꞌ ííꞌ níso re̱ꞌ. Máá Jesús níso re̱ꞌ tiñu Cristo [ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ nɨꞌɨ], ya̱ kúvi re̱ꞌ I̱toꞌoꞌ‑ó.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Mateo 24:27

Chi kuéntáꞌ kua̱ꞌ sáꞌá tajia sáá jiánu̱te̱ꞌ‑e ne̱ nu̱u̱nꞌ kénta nka̱niiꞌ jee nátúvi ne̱ nu̱u̱nꞌ táꞌánꞌ nka̱niiꞌ, sukuán natu̱vi ni̱ꞌ ki̱vɨ̱ꞌ kiji tuku nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Mateo 24:3

Saájee kua̱ꞌa̱nꞌ Jesús yuku Olivos, jee ña̱kuneeꞌ re̱ꞌ yukuán, jee yukuán ña̱kuyatin rá te̱e súkuáꞌa re̱ꞌ vá nu̱u̱nꞌ nééꞌ re̱ꞌ, jee ni̱ka̱tu̱ꞌún sɨ́ɨ́n ráa re̱ꞌ, jee nkachiꞌ ráa: ―Kachiꞌ xá nu̱u̱nꞌ ránꞌ, ¿na̱ tiempúꞌ kuvi rá tiñu yaꞌá ya̱ nkachiꞌ nú?, jee, ¿ná kúvi seña koo sáva stúvi ya̱ kenta tiempúꞌ nikó tuku nú, jín ya̱ ji̱nu tiempúꞌ nu̱u̱nꞌ nɨ́ꞌɨ? ―nkachiꞌ ráa nu̱u̱nꞌ Jesús.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Mateo 17:1

Jee sáá njia̱ꞌa i̱ñu̱ꞌ ki̱vɨ̱ꞌ, jee nkeꞌen Jesús, Pedro, jín Jacobo jín Juan ya̱ kúvi ñaniꞌ Jacobo, jee kua̱ꞌa̱nꞌ sɨ́ɨ́n Jesús jín ráa ne̱ xi̱ni̱ꞌ ɨɨn yuku súkún.

Marcos 13:26

’Saájee kuniꞌ rá ñɨvɨ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, kiji ni̱ꞌ nu̱u̱nꞌ vi̱ko̱ꞌ jín fuersáꞌ ííꞌ níꞌin níso ni̱ꞌ ya̱ viiꞌ nasɨ́kuitɨꞌ kúñáꞌnú ni̱ꞌ ya̱ va̱ne̱ꞌ tu̱u̱nꞌ kujianu̱te̱ꞌ nuva ni̱ꞌ.

Marcos 14:62

Jee nkachiꞌ Jesús: ―Nuꞌuꞌ ví‑i. Jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ. Jee kuniꞌ rán niji ni̱ꞌ nteñu vi̱ko̱ꞌ súkún ―nkachiꞌ re̱ꞌ nu̱u̱nꞌ ráa.

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Lucas 9:43

Jee kua̱íyó rá ñɨvɨ íñɨ́ yukuán nti̱vɨ́ xíniꞌ ráa ya̱ kúñáꞌnú nasɨ́kuitɨꞌ Ndiosíꞌ. Jee ni tívɨ́ xíniꞌ rá ñɨvɨ jie̱ꞌe̱ꞌ nɨꞌɨ rá tiñu máá ñáꞌnú mánasɨ́ ya̱ sáꞌá re̱ꞌ jee nkachiꞌ Jesús nu̱u̱nꞌ rá te̱e kútáꞌán ráa jín re̱ꞌ súkuáꞌa re̱ꞌ ráa:

2 Pedro 2:3

Jee jie̱ꞌe̱ꞌ ya̱ uꞌvi iniꞌ ráa jee jíchíꞌ ráa ránoꞌó jín rá tu̱ꞌun túꞌún kéne xi̱ni̱ꞌ ráa ya̱ xínéꞌénꞌ ráa. Jee ne̱ yanaꞌán víꞌí ya̱ íyó stákoo ya̱ sijíta Ndiosíꞌ ráa jee kɨ̱naanꞌ nijia ráa.