2 Pedro 1:12 - Mixteco del suroeste de Tlaxiaco Oaxaca

¹² Jee jie̱ꞌe̱ꞌ yaꞌá, saáva sukuáni kunikɨnꞌ ni̱ꞌ xinákúꞌun ni̱ꞌ iniꞌ ránoꞌó jie̱ꞌe̱ꞌ rá tiñu yaꞌá, súka̱ꞌ ya̱ jíníꞌ rán jie̱ꞌe̱ꞌ rá tu̱ꞌun yaꞌá, jín ya̱ íñɨ́ níꞌin rán jín rá tu̱ꞌun na̱a̱ꞌ ya̱ ya nni̱ꞌi̱nꞌ rán.

2 Pedro 1:12 Referans Kwoze

1 Juan 2:21

Nsáꞌ tée ni̱ꞌ tutuꞌ yaꞌá nu̱u̱nꞌ rán jie̱ꞌe̱ꞌ ya̱ ntu̱ví jíníꞌ rán ya̱ naáꞌ. Chisaꞌ tée ni̱ꞌ maa nu̱u̱nꞌ rán chi jíníꞌ rán ya̱ naáꞌ. Jee ni ɨɨn tuntúꞌún ntu váji ne̱ nu̱u̱nꞌ ya̱ naáꞌ.

Filipenses 3:1

Jee nu̱u̱nꞌ nɨ́ꞌɨ káchíꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Sɨ̱ɨ̱ꞌ koo iniꞌ ánímaꞌ rán jie̱ꞌe̱ꞌ I̱toꞌoꞌ‑ó. Nsú tiñu stáña̱ꞌán ví nu̱u̱nꞌ ni̱ꞌ, ya̱ tée tuku ni̱ꞌ ɨɨn ni tu̱ꞌun yaꞌá nu̱u̱nꞌ rán, jee kootiñu tu̱ꞌun vá sáva kukutú rán ka̱ꞌ.

Colosenses 2:7

Jee kaka rán suꞌva jie̱ꞌe̱ꞌ kukutú rán kuiñɨ rán jín re̱ꞌ, kuéntáꞌ kúun ɨɨn yoꞌo yutun, jee kujia iniꞌ rán ya̱ kúneí iniꞌ rán re̱ꞌ, jee kuiñɨ ni̱ꞌin rán ya̱ kúneí iniꞌ rán re̱ꞌ, sánikua̱ꞌ nku̱tu̱ꞌva rán. Jee saꞌ víꞌí káꞌ ku̱ꞌva rán ya̱ kútaꞌviꞌ rán nu̱u̱nꞌ Ndiosíꞌ.

Judas 1:5

Chi súnika̱ꞌ ya jíníꞌ va̱ꞌa rán ntáká tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, soo kuíni ni̱ꞌ xinákúꞌun tuku ni̱ꞌ iniꞌ rán na̱sa nsa̱ꞌá Ndiosíꞌ, sáá nkuvi nsi̱káku re̱ꞌ rá ñɨvɨ Israel ne̱ yanaꞌán, jee ntavaꞌ re̱ꞌ ráa nu̱u̱nꞌ ñu̱ꞌún Egipto nkene ráa, jee kuíre nxi̱náánꞌ re̱ꞌ rá ñɨvɨ ya̱ ntu nka̱níjiá ráa ji̱nu̱ꞌ iniꞌ ráa re̱ꞌ.

2 Juan 1:2

chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.

2 Pedro 1:13

Chi jiáni iniꞌ ni̱ꞌ ya̱ íyó va̱ꞌa ya̱ xinákúꞌun ni̱ꞌ iniꞌ ránoꞌó jie̱ꞌe̱ꞌ rá tu̱ꞌun yaꞌá vitan tékúꞌ ni̱ꞌ ka̱ꞌ

Judas 1:17

Soo ránoꞌó ya̱ ñúnúunꞌ ni̱ꞌ, naku̱ꞌun iniꞌ rán rá tu̱ꞌun ya̱ ya nkachiꞌ ya̱chi̱ꞌ rá te̱e ya̱ níso ráa tiñu apóstol ya̱ nchu̱ichí I̱toꞌoꞌ‑ó Jesús ya̱ níso re̱ꞌ tiñu Cristo.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.

2 Pedro 3:17

Soo ránoꞌó ñanitáꞌán ya̱ ñúnúunꞌ ni̱ꞌ, ya̱ jíníꞌ rán ya̱ íyó ñɨvɨ ya̱ násama ráa na̱sa kua̱ꞌ kuíni káchíꞌ Tu̱ꞌun Ndiosíꞌ, saájee kumí rán maárán, sáva ntu xtakaa rá te̱e kánéꞌén vá ránoꞌó sáva ntu chinikɨn rán rá tu̱ꞌun xtívɨ́ ya̱ xínéꞌénꞌ ráa, jee sáva ntu kininkava rán nu̱u̱nꞌ íñɨ́ kutú rán jín Tu̱ꞌun Ndiosíꞌ.

2 Pedro 3:1

Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,

2 Pedro 1:15

Jee saáva suni núnasɨ́ ni̱ꞌ sáꞌá ni̱ꞌ ya̱ nɨ́ɨ́nkání naku̱ꞌun iniꞌ rán rá tu̱ꞌun yaꞌá réáꞌ njia̱ꞌa ya̱ ni̱ꞌi̱ꞌ ni̱ꞌ.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.

Hebreos 10:32

Soo naku̱ꞌun iniꞌ rán na̱ja nkuvi tiempúꞌ váji ya̱ta̱ꞌ, sáá sukuáni nka̱jiéꞌé rán nine antúníꞌ rán nsa̱ꞌá Tu̱ꞌun Ndiosíꞌ, sáá ñeꞌneꞌ iniꞌ rán nnoꞌo rán nu̱u̱nꞌ kue̱ꞌe̱ꞌ tu̱nóꞌó xéénꞌ ntaꞌanꞌ rán.

2 Timoteo 1:6

Saáva xínákúꞌun ni̱ꞌ iniꞌ nú ya̱ chuꞌun káñá nú iniꞌ maánú kuatíñú nú ta̱ꞌvi̱ꞌ va̱ꞌa ya̱ ntaji Ndiosíꞌ nu̱u̱nꞌ nú, ya̱ kúvi ya̱ chíneí chítuvi Ndiosíꞌ noꞌó, sáva saꞌá nú tiñu re̱ꞌ. Jee ta̱ꞌvi̱ꞌ vá níso nú jie̱ꞌe̱ꞌ ya̱ nchi̱só ni̱ꞌ naꞌá ni̱ꞌ xi̱ni̱ꞌ nú.

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

Hechos 16:5

Saáva rá ñɨvɨ ya̱ yɨ́ꞌɨ́ ráa nu̱u̱nꞌ Jesús, jee nnu̱neí iniꞌ ráa kuneí iniꞌ ráa Jesús. Jee ni ki̱vɨ̱ꞌ nku̱kueꞌeꞌ ráa ka̱ꞌ nki̱vɨ nu̱u̱nꞌ Jesús.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.