2 Corintios 9:10 - Mixteco del suroeste de Tlaxiaco Oaxaca

¹⁰ Jee maá Ndiosíꞌ ví ya̱ jiáꞌa nikɨn tataꞌ nu̱u̱nꞌ ráa ya̱ taji ráa maa, jín ya̱ jiáꞌa re̱ꞌ ya̱ yájíꞌ ñɨvɨ. Jee suni maáréꞌ taji jee nasákuéꞌeꞌ re̱ꞌ ya̱ jíniñúꞌún rán sáva sáꞌá rán tiñu váꞌa, jee sikuéꞌnu re̱ꞌ tiñu váꞌa sáꞌá rán kuéntáꞌ tataꞌ sáꞌá rán.

2 Corintios 9:10 Referans Kwoze

2 Corintios 9:6

Soo tɨɨn kuéntáꞌ rán ya̱ ñɨvɨ ya̱ yakuꞌ taji re̱ꞌ tataꞌ sáꞌá, suni sukuán yakuꞌ nastútú re̱ꞌ. Jee suni ɨɨn ñɨvɨ taji víꞌí‑i suni sukuán nastútú víꞌí‑i.

Filipenses 4:17

Nsáꞌ núkú ni̱ꞌ, ya̱ taji rán ta̱ꞌvi̱ꞌ nu̱u̱nꞌ ni̱ꞌ, chisaꞌ núkú ni̱ꞌ ya̱ si̱kɨ̱ꞌ ka̱ꞌ kaa ta̱ꞌvi̱ꞌ ya̱ taji Ndiosíꞌ nu̱u̱nꞌ rán, jie̱ꞌe̱ꞌ ya̱ váꞌa sáꞌá rán.

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

Mateo 6:1

’Kumí rán maárán ya̱ koto saꞌá rán tiñu na̱a̱ꞌ váꞌa ichinúúnꞌ rá ñɨvɨ sáva kune̱ꞌyá ráa maa, chi retú saꞌá rán maa suꞌva jee Tátáꞌ rán ya̱ nééꞌ antivɨ́ súkún nsáꞌ nataji re̱ꞌ ta̱ꞌvi̱ꞌ nu̱u̱nꞌ rán.

Filipenses 1:11

Chi jiáꞌnu na̱a̱ꞌ víꞌí rán sáꞌá Jesús ya̱ kúvi re̱ꞌ Cristo, chi kínóo na̱a̱ꞌ rán nu̱u̱nꞌ re̱ꞌ sáꞌá re̱ꞌ, jee suꞌva stúvi re̱ꞌ ya̱ viiꞌ nasɨ́kuitɨꞌ kúñáꞌnú Ndiosíꞌ jee nakuetúꞌún ñɨvɨ maa.

Génesis 47:19

¿Na̱ kuvi chi kuviꞌ ránꞌ ni néꞌyá nú ránuꞌuꞌ jee naanꞌ ñuꞌun ránꞌ résa? Keꞌen nú ránuꞌuꞌ jín rá ñuꞌun ránꞌ, jie̱ꞌe̱ꞌ nikɨn kajiꞌ ránꞌ. Jee saáva kuvi ránꞌ musúꞌ satíñú saɨn nu̱u̱nꞌ Faraón jee ñuꞌun ránꞌ kuvi Faraón maa, jee sáva taji nú nikɨn tataꞌ nu̱u̱nꞌ ránꞌ sáva kutekuꞌ ránꞌ ka̱ꞌ jee nku̱víꞌ ránꞌ jee sáva nkóo saɨn ñuꞌun ―nkachiꞌ ráa nu̱u̱nꞌ José.

Efesios 5:9

Chi ñuꞌunꞌ re̱ꞌ ya̱ túúnꞌ iniꞌ ánímaꞌ‑ó, sáꞌá‑a ya̱ saꞌá‑ó ntáká tiñu váꞌa, jín ntáká tiñu na̱a̱ꞌ, jín ya̱ kaꞌanꞌ‑ó ya̱ naáꞌ.

1 Tesalonicenses 4:10

Chi ya̱ sáꞌá nijia ránú maa nu̱u̱nꞌ nɨꞌɨ rá ñanitáꞌán nɨꞌɨ rá ñuunꞌ Macedonia. Jee xíníꞌvɨ́ꞌ ránꞌ iniꞌ ránoꞌó, ñanitáꞌán, ya̱ saꞌ víꞌí káꞌ saꞌá rán maa.

2 Corintios 9:12

Chi tiñu yaꞌá sáꞌá ránú ya̱ chineí rán, jee nsú kua̱chi kuitɨꞌ kasɨꞌ‑ɨ nu̱u̱nꞌ ya̱ kúmániꞌ nu̱u̱nꞌ rá ñɨvɨ láꞌví ya̱ yɨ́ꞌɨ́ ráa nu̱u̱nꞌ Cristo. Chisaꞌ suni saꞌá‑a ya̱ ntántúníꞌ ku̱ꞌva nasɨ́kuitɨꞌ rá ñanitáꞌán ya̱ kútaꞌviꞌ nu̱u̱nꞌ Ndiosíꞌ.

Gálatas 3:5

¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.