2 Corintios 8:16 - Mixteco del suroeste de Tlaxiaco Oaxaca

¹⁶ Soo kútaꞌviꞌ‑ó nu̱u̱nꞌ Ndiosíꞌ, ya̱ nsa̱ꞌá re̱ꞌ ya̱ nuún ñúꞌún káñá iniꞌ ánímaꞌ Tito jín nuꞌuꞌ jie̱ꞌe̱ꞌ ránoꞌó.

2 Corintios 8:16 Referans Kwoze

Apoclipsis 17:17

Chi maá Ndiosíꞌ nchuꞌun re̱ꞌ iniꞌ ánímaꞌ ráa ya̱ saꞌá ráa sukuán sáni nkuna̱a̱ꞌ iniꞌ re̱ꞌ, sáva ɨɨn nuún ni nnuvi iniꞌ ráa sáá saꞌá ráa jee naku̱ꞌva ráa tiñu níso ráa nu̱u̱nꞌ kitɨ xéénꞌ kákini vá, sáva tatúníꞌ ti̱ꞌ, ne̱kua̱ꞌ sikúnkuvi ntáká jie̱ꞌe̱ꞌ tu̱ꞌun ya̱ nkachiꞌ Ndiosíꞌ.

Filipenses 2:20

Chi ntu̱náꞌ íyó ni ɨɨn inka te̱e yaꞌá jín ni̱ꞌ, ya̱ nuún ñúꞌún iniꞌ‑i jín ni̱ꞌ jie̱ꞌe̱ꞌ rán, kuéntáꞌ maáréꞌ, ya̱ nániꞌvɨꞌ nijia iniꞌ‑i jie̱ꞌe̱ꞌ rán.

2 Corintios 7:12

Saájee ntee ni̱ꞌ tutuꞌ vá nu̱u̱nꞌ rán, soo nsú kua̱chi jie̱ꞌe̱ꞌ ñɨvɨ vá ya̱ nsa̱ꞌá kua̱chi vá, jee ni nsú jie̱ꞌe̱ꞌ ñɨvɨ ya̱ nníꞌinꞌ‑i nnoꞌo‑o ya̱ níváꞌa vá. Chisaꞌ ntee ni̱ꞌ sáva ichinúúnꞌ Ndiosíꞌ túvi nu̱u̱nꞌ maárán ya̱ ñúꞌún káñá iniꞌ rán jie̱ꞌe̱ꞌ ránuꞌuꞌ.

2 Corintios 7:7

Jee nsú kua̱chi ya̱ nkiji Tito núváꞌa iniꞌ ránꞌ, chisaꞌ suni nna̱saváꞌa re̱ꞌ iniꞌ ránuꞌuꞌ jie̱ꞌe̱ꞌ ya̱ núváꞌa iniꞌ re̱ꞌ jie̱ꞌe̱ꞌ ránoꞌó. Chi nna̱kani re̱ꞌ nu̱u̱nꞌ ránuꞌuꞌ ya̱ ñúꞌún víꞌí iniꞌ ránú kune̱ꞌyá tuku rán ránuꞌuꞌ, jín ya̱ ñúꞌún kuáchi iniꞌ ránú jie̱ꞌe̱ꞌ ya̱ nsa̱ꞌá ránú, jín jie̱ꞌe̱ꞌ ya̱ nániꞌvɨꞌ iniꞌ rán jie̱ꞌe̱ꞌ ránuꞌuꞌ. Jee saáva kúsɨ́ɨꞌ víꞌí ka̱ꞌ iniꞌ ánímaꞌ ni̱ꞌ.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

2 Corintios 8:6

Saáva ni̱ka̱nꞌ táꞌvíꞌ ránꞌ nu̱u̱nꞌ Tito ya̱ sijínu re̱ꞌ tiñu vá, ya̱ ya nka̱jiéꞌé re̱ꞌ nteñu ránoꞌó ya̱ kɨ̱nastútú re̱ꞌ ya̱ íyó ma̱ni̱ꞌ iniꞌ ránú ku̱ꞌva rán nu̱u̱nꞌ rá láꞌví.

2 Corintios 8:23

Jee jie̱ꞌe̱ꞌ Tito káchíꞌ ni̱ꞌ ya̱ kútáꞌán re̱ꞌ jín nuꞌuꞌ jín ya̱ kúvi re̱ꞌ te̱e táꞌán sátíñú nkáá jín nuꞌuꞌ ví re̱ꞌ nu̱u̱nꞌ ya̱ kúvi ya̱ váꞌa ránoꞌó. Jee jie̱ꞌe̱ꞌ rá ñaniꞌ‑ó yaꞌá, kúvi ráa te̱e ya̱ nchu̱ichí rá grupo rá ñɨvɨ ya̱ kúneí iniꞌ ráa Cristo. Jee na̱sa kua̱ꞌ sáꞌá ráa tiñu Cristo stúvi‑i ya̱ máá viiꞌ kúñáꞌnú ví Cristo.