2 Corintios 8:10 - Mixteco del suroeste de Tlaxiaco Oaxaca

¹⁰ Jee kachiꞌ ni̱ꞌ sáni jiáni iniꞌ ni̱ꞌ jie̱ꞌe̱ꞌ tiñu yaꞌá, chi kúvi ya̱ váꞌa nu̱u̱nꞌ ránoꞌó. Maá ránoꞌó nsú kua̱chi nka̱jiéꞌé rán nástútú rá nantíñú sáva ku̱ꞌva nu̱u̱nꞌ rá láꞌví, chisaꞌ suni nka̱jiéꞌé rán nñu̱ꞌun iniꞌ rán saꞌá rán maa ne̱ kiava.

2 Corintios 8:10 Referans Kwoze

Hebreos 13:16

Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.

2 Corintios 9:2

Chi ya jíníꞌ ni̱ꞌ ya̱ ñúꞌún káñá iniꞌ rán chineí rán. Jee jie̱ꞌe̱ꞌ vá káꞌánꞌ téyɨ́ɨ́ ni̱ꞌ nu̱u̱nꞌ rá ñɨvɨ ñuunꞌ Macedonia. Jee káchíꞌ ni̱ꞌ nu̱u̱nꞌ ráa ya̱ ránoꞌó, ñɨvɨ nééꞌ rán rá ñuunꞌ tɨ́ɨn Acaya, ya̱ nsa̱túꞌva rán ne̱ kiava. Jee jie̱ꞌe̱ꞌ ya̱ ñúkáñá iniꞌ rán chineí rán, jee nchuꞌun káñá‑a iniꞌ ráa ya̱ kue̱ꞌe̱ꞌ víꞌí ráa nóꞌónꞌ iniꞌ ráa chineí ráa.

1 Corintios 7:40

Soo ya̱ jiáni iniꞌ nuꞌuꞌ ví ya̱ váꞌa ka̱ꞌ kúvi nu̱u̱nꞌ ña retánꞌ sukuán kino̱o maáña. Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ, jee jiáni iniꞌ ni̱ꞌ ya̱ suni yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ni̱ꞌ jee jíníꞌ ni̱ꞌ ya̱ táji‑i ya̱ káchíꞌ ni̱ꞌ maa.

1 Corintios 7:25

Jee ntañúꞌún náxiníkó ni̱ꞌ nu̱u̱nꞌ ránoꞌó jie̱ꞌe̱ꞌ rá ñaꞌan ya̱ ntiáꞌan tana̱ꞌá. Jee ntu̱ví íyó tu̱ꞌun ya̱ tátúníꞌ I̱toꞌoꞌ‑ó nu̱u̱nꞌ‑ó jie̱ꞌe̱ꞌ vá, soo íyó tu̱ꞌun nu̱u̱nꞌ ni̱ꞌ ya̱ jiáni iniꞌ ni̱ꞌ ya̱ taji ni̱ꞌ nu̱u̱nꞌ rán, kuéntáꞌ ɨɨn ñɨvɨ ya̱ nku̱náꞌví iniꞌ Ndiosíꞌ nne̱ꞌyá re̱ꞌ nuꞌuꞌ jee nsa̱ꞌá re̱ꞌ ya̱ kúvi ni̱ꞌ ɨɨn ñɨvɨ ya̱ kuvi kuneí iniꞌ rán ya̱ káchíꞌ ni̱ꞌ.

Filipenses 4:17

Nsáꞌ núkú ni̱ꞌ, ya̱ taji rán ta̱ꞌvi̱ꞌ nu̱u̱nꞌ ni̱ꞌ, chisaꞌ núkú ni̱ꞌ ya̱ si̱kɨ̱ꞌ ka̱ꞌ kaa ta̱ꞌvi̱ꞌ ya̱ taji Ndiosíꞌ nu̱u̱nꞌ rán, jie̱ꞌe̱ꞌ ya̱ váꞌa sáꞌá rán.

2 Corintios 8:8

Soo nsáꞌ káchíꞌ ni̱ꞌ yaꞌá sáva tatúníꞌ ni̱ꞌ maa nu̱u̱nꞌ ránoꞌó. Chisaꞌ kuíni ni̱ꞌ ya̱ kuniꞌ rán na̱sa ñúkáñá iniꞌ rá inka ñanitáꞌán, sáva kototúníꞌ ni̱ꞌ ránoꞌó sáva stúvi rán ya̱ máá naáꞌ nijia ya̱ ñúnúunꞌ rán ñɨvɨ.

1 Corintios 16:2

Ta ki̱vɨ̱ꞌ xíꞌnañúꞌún ya̱ kájiéꞌé ta semana, jee ta ɨɨn rán íyó teva̱ꞌa sɨ́ɨ́n rán yakuꞌ xu̱ꞌún sánikua̱ꞌ kénta níꞌínꞌ rán maa. Sáva sáá kenta ni̱ꞌ jee ntu íyó nástútú numíjiꞌíꞌ rán maa.

2 Corintios 12:1

Jee ntu̱náꞌ íyótiñu ya̱ kaꞌanꞌ téyɨ́ɨ́ ni̱ꞌ. Saáva kaꞌanꞌ ni̱ꞌ jie̱ꞌe̱ꞌ ya̱ nxi̱nénu̱u̱nꞌ I̱toꞌoꞌ‑ó nu̱u̱nꞌ nuꞌuꞌ, jín jie̱ꞌe̱ꞌ ya̱ nstúvi re̱ꞌ nu̱u̱nꞌ ni̱ꞌ.

Juan 11:50

¿Á ni ntu jiáni iniꞌ rán ya̱ va̱ꞌa ka̱ꞌ kúvi nu̱u̱nꞌ‑ó ya̱ kuviꞌ ɨɨn te̱e ni jie̱ꞌe̱ꞌ ya̱ váꞌa rá ñɨvɨ, jee nsáꞌ naanꞌ nɨꞌɨ ñuunꞌ‑ó? ―nkachiꞌ re̱ꞌ.

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

1 Corintios 10:23

Káchíꞌ sava rá ñɨvɨ: “Yɨ́netuꞌ saꞌá ni̱ꞌ ntáká tiñu”, soo nsú ntáká tiñu vá íyó váꞌa nu̱u̱nꞌ ni̱ꞌ áxí nu̱u̱nꞌ rá inka ñɨvɨ. Jee káchíꞌ ráa: “Yɨ́netuꞌ saꞌá ni̱ꞌ ntáká tiñu”, soo nsú ntáká rá tiñu vá sáꞌá‑a ya̱ síkújia‑a iniꞌ‑ó nu̱u̱nꞌ tu̱ꞌun I̱toꞌoꞌ‑ó.

1 Corintios 6:12

Káchíꞌ sava rá ñɨvɨ: “Yɨ́netuꞌ saꞌá ni̱ꞌ ntáká tiñu”, soo nsú ntáká tiñu vá íyó váꞌa nu̱u̱nꞌ ni̱ꞌ áxí nu̱u̱nꞌ rá inka ñɨvɨ. Káchíꞌ ráa: “Yɨ́netuꞌ saꞌá ni̱ꞌ ntáká tiñu”, soo ntu jiáꞌa ni̱ꞌ ya̱ ni ɨɨn tiñu nkúneí kosoꞌ nu̱u̱nꞌ ni̱ꞌ.

Juan 18:14

Jee Caifás ví te̱e ya̱ nna̱kutíñú nu̱u̱nꞌ rá ñɨvɨ Israel ya̱ va̱ꞌa ka̱ꞌ kúvi ya̱ kuviꞌ ɨɨn te̱e ni jie̱ꞌe̱ꞌ ya̱ váꞌa rá ñɨvɨ.

Juan 16:7

Soo káchíꞌ ni̱ꞌ ya̱ naáꞌ nu̱u̱nꞌ rán ya̱ va̱ꞌa ka̱ꞌ kúvi nu̱u̱nꞌ ránoꞌó ya̱ kɨ̱ꞌɨ̱nꞌ noꞌonꞌ ni̱ꞌ, chi retánꞌ nkɨ̱ꞌɨ́nꞌ ni̱ꞌ, jee nsáꞌ kiji maáréꞌ ya̱ chineí chituvi re̱ꞌ nachuꞌun neí re̱ꞌ iniꞌ ánímaꞌ rán. Soo retú kɨ̱ꞌɨ̱nꞌ ni̱ꞌ, jee chuichí ni̱ꞌ re̱ꞌ kiji re̱ꞌ nu̱u̱nꞌ ránoꞌó.

2 Corintios 8:6

Saáva ni̱ka̱nꞌ táꞌvíꞌ ránꞌ nu̱u̱nꞌ Tito ya̱ sijínu re̱ꞌ tiñu vá, ya̱ ya nka̱jiéꞌé re̱ꞌ nteñu ránoꞌó ya̱ kɨ̱nastútú re̱ꞌ ya̱ íyó ma̱ni̱ꞌ iniꞌ ránú ku̱ꞌva rán nu̱u̱nꞌ rá láꞌví.