2 Corintios 6:6 - Mixteco del suroeste de Tlaxiaco Oaxaca

⁶ jín jie̱ꞌe̱ꞌ ninuꞌun jiáꞌnu ránꞌ, jín jie̱ꞌe̱ꞌ jíníꞌ va̱ꞌa ránꞌ sáni kuíni Ndiosíꞌ, jín jie̱ꞌe̱ꞌ ya̱ káꞌnú víꞌí íyó iniꞌ ránꞌ jiéꞌnéꞌ iniꞌ ránꞌ nu̱u̱nꞌ tu̱nóꞌó va̱ji si̱kɨ̱ꞌ ránꞌ, jín jie̱ꞌe̱ꞌ kúváꞌa iniꞌ ránꞌ jín ñɨvɨ, jín jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ iniꞌ ránuꞌuꞌ, jín jie̱ꞌe̱ꞌ saɨn ñúꞌún iniꞌ ránꞌ ñúnúunꞌ ránꞌ ñɨvɨ,

2 Corintios 6:6 Referans Kwoze

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

Efesios 4:32

Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Efesios 4:2

Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 3:5

¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 11:11

¿Na̱ kuvi chi káꞌánꞌ ni̱ꞌ sukuán rúja? ¿Á ntu ñúnúunꞌ ni̱ꞌ ránoꞌó rúja? Jíníꞌ Ndiosíꞌ ya̱ ñúnúunꞌ ni̱ꞌ ránoꞌó.

2 Corintios 11:6

Chi retú ntu túꞌva ni̱ꞌ kaꞌanꞌ va̱ꞌa ni̱ꞌ, soo nsú sukuán kúvi jie̱ꞌe̱ꞌ ya̱ jíníꞌ va̱ꞌa ni̱ꞌ tu̱ꞌun váꞌa jie̱ꞌe̱ꞌ Jesús, chi nstúvi kájí ni̱ꞌ yaꞌá nu̱u̱nꞌ ránoꞌó, ntáká nu̱u̱nꞌ, ntáká íchí.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

2 Corintios 7:2

Kune ránú ánímaꞌ rán nu̱u̱nꞌ ránuꞌuꞌ. Chi ntu̱náꞌ njiáꞌa nsa̱ꞌá ráníꞌ nu̱u̱nꞌ ni ɨɨn ñɨvɨ, jee ntu̱náꞌ nsíjíta ránꞌ ni ɨɨn ñɨvɨ, jee ntu̱náꞌ nxínɨ́ꞌɨ ránꞌ ni ɨɨn ñɨvɨ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 3:3

Chi nijinꞌ túvi ya̱ kúvi ránú kuéntáꞌ ɨɨn tutuꞌ ya̱ ntee maá Cristo, jie̱ꞌe̱ꞌ tiñu re̱ꞌ ya̱ nsa̱ꞌá ráníꞌ nu̱u̱nꞌ ránoꞌó. Soo nsú jín ɨɨn tutuꞌ jín tinta lapíꞌ ntee re̱ꞌ maa, chisaꞌ jín Ta̱chi̱ꞌ Ííꞌ Ndiosíꞌ, ya̱ tékúꞌ re̱ꞌ. Jee ni ntu̱ví ntée re̱ꞌ maa nu̱u̱nꞌ yu̱u̱ꞌ tiáxín [kuéntáꞌ ntee Ndiosíꞌ rá tu̱ꞌun ya̱ nta̱túníꞌ re̱ꞌ jee njia̱ꞌa re̱ꞌ maa nu̱u̱nꞌ Moisés, tióꞌ chíji]. Chisaꞌ ntee re̱ꞌ maa iniꞌ ánímaꞌ ñɨvɨ.

2 Corintios 2:4

Chi ntee ni̱ꞌ tutuꞌ vá nu̱u̱nꞌ rán, jie̱ꞌe̱ꞌ nna̱niꞌvɨꞌ víꞌí iniꞌ ni̱ꞌ jee nnu̱kuíꞌyáꞌ nasɨ́kuitɨꞌ iniꞌ ánímaꞌ ni̱ꞌ jie̱ꞌe̱ꞌ rán, jee ne̱ nnaꞌyuꞌ ntenúúnꞌ ni̱ꞌ ntee ni̱ꞌ tutuꞌ vá. Soo nsáꞌ ntee ni̱ꞌ maa sáva nukuéká iniꞌ rán, chisaꞌ sáva kuniꞌ rán ya̱ ñúnúunꞌ nasɨ́kuitɨꞌ ni̱ꞌ ránoꞌó.

1 Corintios 13:4

Chi ñɨvɨ ya̱ ñúnúunꞌ‑u ɨɨn inka rá táꞌán‑a jee káꞌnú iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee va̱ꞌa iniꞌ‑i, jee ntu̱ví u̱ꞌvi̱ꞌ iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee ntu̱ví káꞌánꞌ téyɨ́ɨ́‑ɨ, jee ntu̱ví jiáni téyɨ́ɨ́ iniꞌ‑i,

1 Corintios 2:16

Chi kuéntáꞌ káchíꞌ Tu̱ꞌun Ndiosíꞌ: ¿Né ɨɨn ñɨvɨ jíníꞌ ya̱ jiáni antúníꞌ I̱toꞌoꞌ rúja? Jee, ¿né ɨɨn kúvi xinéꞌénꞌ re̱ꞌ rúja? Káchíꞌ tu̱ꞌun níso nu̱u̱nꞌ Tutuꞌ Ííꞌ. Soo sú sukuán íyó, maáó chi, nuún jiáni iniꞌ‑ó sánikua̱ꞌ jiáni iniꞌ Cristo.

Romanos 12:9

Ne̱ saɨn kunu̱u̱nꞌ rán táꞌán rán, koto káñunkúún sáꞌá rán nika̱ꞌ. Jee kuniꞌ u̱ꞌvi̱ꞌ rán kune̱ꞌyá rán ya̱ niváꞌa. Jee kunikɨnꞌ rán saꞌá rán tiñu váꞌa.

1 Juan 3:18

Ránoꞌó ya̱ kúvi kuéntáꞌ se̱ꞌya ni̱ꞌ, koto ñúnúunꞌ‑ó jín kua̱chi tu̱ꞌun káꞌánꞌ‑ó jín yuꞌú‑ó, chisaꞌ kunu̱u̱nꞌ nijia‑ó jín tiñu váꞌa saꞌá‑ó.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

1 Timoteo 4:12

Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.

1 Tesalonicenses 2:10

Ránoꞌó jín Ndiosíꞌ jíníꞌ rán ya̱ nááꞌ jee kúvi stúvi rán ya̱ nsa̱ꞌá sɨ́ɨ́n ráníꞌ maáránuꞌuꞌ ya̱ ntu yɨ́ꞌɨ́ ránꞌ nu̱u̱nꞌ ya̱ níváꞌa, jee nika na̱a̱ꞌ ránꞌ nteñu ránoꞌó, jee ntu kúvi chikua̱chi ñɨvɨ ránuꞌuꞌ, jie̱ꞌe̱ꞌ ya̱ nsa̱ꞌá ránꞌ nteñu ránoꞌó, ya̱ ínúꞌ iniꞌ rán tu̱ꞌun Cristo.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

Efesios 3:4

Jee sáá kaꞌvi rán maa jee ki̱ku̱ꞌun iniꞌ rán ya̱ jíníꞌ va̱ꞌa ni̱ꞌ tu̱ꞌun ya̱ ni̱yo yuꞌuꞌ jie̱ꞌe̱ꞌ Cristo.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.

1 Corintios 2:4

Jee sáá nna̱kani ni̱ꞌ tu̱ꞌun váꞌa jie̱ꞌe̱ꞌ Jesús jee nste̱kútu̱ꞌún ni̱ꞌ maa nu̱u̱nꞌ rán, jee ntu nkáꞌánꞌ ni̱ꞌ jín rán tu̱ꞌun ya̱ jiáni iniꞌ ñɨvɨ ñɨ̱vɨ́ yaꞌá ya̱ kúvi‑i tu̱ꞌun níchí sáva sijínúꞌ ni̱ꞌ iniꞌ rán, chisaꞌ nstúvi Ndiosíꞌ ya̱ nááꞌ kúvi tu̱ꞌun ni̱ꞌ chi nsa̱tíñú Ta̱chi̱ꞌ Ííꞌ Ndiosíꞌ jín fuersáꞌ ííꞌ níso re̱ꞌ.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

1 Pedro 1:12

Soo nstúvi Ndiosíꞌ nu̱u̱nꞌ ráa ya̱ nsú ya̱ kuvi maáráa ni ví jie̱ꞌe̱ꞌ rá tiñu ya̱ nkachiꞌ ráa vá, chisaꞌ ya̱ kuvi ya̱ váꞌa maáránoꞌó ví jie̱ꞌe̱ꞌ rá tu̱ꞌun ya̱ nna̱kani ráa vá, jee vitan tu̱ꞌun vá tékútu̱ꞌún nu̱u̱nꞌ ránoꞌó ya̱ stékútu̱ꞌún rá ñɨvɨ tu̱ꞌun váꞌa nsa̱ꞌá Ta̱chi̱ꞌ Ííꞌ Ndiosíꞌ ya̱ nta̱jí re̱ꞌ nkiji‑i ne̱ antivɨ́ súkún. Jee ne̱ rá najiáꞌáꞌ ííꞌ Ndiosíꞌ ñúkúvi iniꞌ ráa ranika̱ꞌ kuniꞌ ráa maa.

Tito 2:7

jín nta̱ká tiñu. Jee noꞌó, saꞌá nú tiñu váꞌa sáva kuvi nú ɨɨn ichi váꞌa kunikɨnꞌ ráa. Ni xínéꞌénꞌ nú jee koo na̱a̱ꞌ nú, jín ya̱ koo ñáꞌnú iniꞌ nú,

2 Timoteo 4:2

Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

1 Timoteo 5:2

jín nu̱u̱nꞌ rá ñaꞌan ñáꞌnú kuéntáꞌ káꞌánꞌ nú jín náánꞌ maánú, jín nu̱u̱nꞌ ráña súchí ka̱ꞌ kuéntáꞌ káꞌánꞌ nú jín rá ku̱ꞌva maánú. Jee kaꞌanꞌ ninuꞌun nú jín ráña.

Colosenses 2:3

Chi iniꞌ Cristo ñúꞌún nta̱ká tu̱ꞌun yɨ́yáꞌvi ka̱ꞌ ya̱ kúvi tu̱ꞌun níchí Ndiosíꞌ, jín ya̱ kúvi kuniꞌ‑ó jie̱ꞌe̱ꞌ Ndiosíꞌ.

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

2 Corintios 2:10

Jee saáva, retú nékáꞌnú iniꞌ rán jie̱ꞌe̱ꞌ na̱ni kua̱chi ya̱ nsa̱ꞌá ɨɨn ñɨvɨ, jee sunisaá nékáꞌnú iniꞌ ni̱ꞌ maa. Chi retú íyó na̱ nékáꞌnú iniꞌ ni̱ꞌ, jee ichinúúnꞌ Cristo nne̱káꞌnú iniꞌ ni̱ꞌ nne̱ꞌyá ni̱ꞌ ñɨvɨ vá sáva kuvi ya̱ váꞌa nu̱u̱nꞌ ránoꞌó,

2 Corintios 13:10

Saáva tée ni̱ꞌ rá tu̱ꞌun yaꞌá ni íyó íká ni̱ꞌ nu̱u̱nꞌ rán, sáva nkóo xichiꞌ ni̱ꞌ ránoꞌó sánikua̱ꞌ tiñu níso ni̱ꞌ, sáá kuneeꞌ ni̱ꞌ jín rán. Ntaji I̱toꞌoꞌ‑ó tiñu vá nu̱u̱nꞌ ni̱ꞌ, sáva sikújia ni̱ꞌ iniꞌ ránoꞌó, jee nsú sáva xináánꞌ ni̱ꞌ ránoꞌó.

Santiago 3:17

Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.