2 Corintios 6:5 - Mixteco del suroeste de Tlaxiaco Oaxaca

⁵ jín nu̱u̱nꞌ ya̱ njia̱ꞌa ñɨvɨ ránuꞌuꞌ, jín nu̱u̱nꞌ ya̱ nchiꞌi ñɨvɨ ránuꞌuꞌ iniꞌ veka̱a, jín nu̱u̱nꞌ ya̱ nnenta kue̱ꞌe̱ꞌ ñɨvɨ si̱kɨ̱ꞌ ránuꞌuꞌ ya̱ nukú ráa tuntíxín jín ránꞌ, jín nu̱u̱nꞌ tiñu véi nsa̱ꞌá ránꞌ, jín nu̱u̱nꞌ kue̱ꞌe̱ꞌ íchí ntu nkixiꞌ va̱ꞌa ránꞌ, jín nu̱u̱nꞌ ya̱ nneeꞌ niteꞌ ránꞌ,

2 Corintios 6:5 Referans Kwoze

2 Corintios 11:27

Tiñu yɨ́ɨ́ nsa̱ꞌá ni̱ꞌ, jee nsa̱tíñú ni̱ꞌ ne̱ nkui̱tá ni̱ꞌ. Kue̱ꞌe̱ꞌ íchí ntu nkíxíꞌ ni̱ꞌ. Kéꞌín íchí niso̱ko ni̱ꞌ jee nichiꞌ ni̱ꞌ nute. Kéꞌín íchí nneeꞌ niteꞌ ni̱ꞌ. Nkuijin ni̱ꞌ jee nkumaniꞌ saꞌma kuꞌun ni̱ꞌ.

Hechos 17:5

Soo rá ñɨvɨ Israel ya̱ ntu nínúꞌ iniꞌ, jee ñúꞌún kuíñɨ́ iniꞌ ráa néꞌyá ráa Pablo jín Silas. Jee nsi̱kétáꞌán ráa rá te̱e kúxí kánéꞌén ya̱ jíkónúun nu̱yáꞌvi. Jee sáá nsatútú ráa kue̱ꞌe̱ꞌ ñɨvɨ, jee nsa̱ꞌá ráa tu̱ntíxín nu̱u̱nꞌ ñuunꞌ vá. Jee sáá nta̱vi̱ꞌ ráa veꞌi Jasón, nna̱nukú ráa Pablo jín Silas sáva tavaꞌ ráa rává nu̱u̱nꞌ rá ñɨvɨ nkenta yukuán.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Hebreos 13:23

Káchíꞌ ni̱ꞌ nu̱u̱nꞌ rán jee kuniꞌ rán ya̱ ñaniꞌ‑ó Timoteo, ya̱ nkene re̱ꞌ veka̱a. Jee retú ñamani nenta re̱ꞌ nu̱u̱nꞌ nééꞌ ni̱ꞌ yaꞌá, jee kua̱jiaaꞌ ni̱ꞌ jín re̱ꞌ kua̱jiane̱ꞌyá ránꞌ ránoꞌó.

Hebreos 13:17

Jee kaníjiá rán rá te̱e yósóꞌ ichinúúnꞌ rán jee chiꞌi rán maárán xi̱ntíín ráa, chi maáráa ví ya̱ néen kuéntáꞌ ráa ránoꞌó sáva kúvi‑i ya̱ váꞌa nu̱u̱nꞌ rán. Chi naku̱ꞌva ráa kuéntáꞌ jie̱ꞌe̱ꞌ‑e nu̱u̱nꞌ Ndiosíꞌ. Kaníjiá rán ráa sáva kusɨ̱ɨ̱ꞌ iniꞌ ráa sikúnkuvi ráa tiñu sáꞌá ráa, jee sáva nkéꞌen ráa kue̱ka̱ꞌ saꞌá ráa maa chi retú sukuán jee nsáꞌ váꞌa kúvi nu̱u̱nꞌ rán.

Hebreos 11:36

Jee inka ráa nnoꞌo ráa tu̱ꞌun ntenu̱u̱nꞌ ñɨvɨ ráa jee njia̱ꞌa ñɨvɨ ráa, jee suni ne̱ nnuꞌniꞌ ráa jín cadena nyɨ̱ꞌɨ ráa veka̱a.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

2 Timoteo 2:9

Jee jie̱ꞌe̱ꞌ tu̱ꞌun yaꞌá nóꞌo ni̱ꞌ tu̱nóꞌó, jee ne̱ núꞌníꞌ ni̱ꞌ jín cadena ka̱a, yɨ́ꞌɨ́ ni̱ꞌ iniꞌ veka̱a, kuéntáꞌ ɨɨn te̱e sáꞌá kua̱chi ni̱ꞌin ví ni̱ꞌ. Soo Tu̱ꞌun Ndiosíꞌ, nsáꞌ núꞌníꞌ‑i.

2 Timoteo 1:8

Koto kúkanuun nú nakani nú tu̱ꞌun váꞌa jie̱ꞌe̱ꞌ I̱toꞌoꞌ‑ó. Jee suni koto kúkanuun nú jie̱ꞌe̱ꞌ ni̱ꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ re̱ꞌ. Chisaꞌ tɨɨn jín ni̱ꞌ tu̱nóꞌó kunoꞌo‑ó jie̱ꞌe̱ꞌ tu̱ꞌun váꞌa Cristo, sáni sáꞌá fuersáꞌ ííꞌ níso Ndiosíꞌ ya̱ kuiñɨ ni̱ꞌin‑ó.

1 Timoteo 4:10

Chi jie̱ꞌe̱ꞌ yaꞌá sátíñú ni̱ꞌin‑ó jee núnasɨ́‑ó sátíñú‑ó, chi njia̱ꞌa‑ó tu̱neí iniꞌ‑ó Ndiosíꞌ ya̱ tékúꞌ. Jee suvire̱ꞌ ví ya̱ kúvi saꞌá re̱ꞌ ya̱ kúvi natavaꞌ re̱ꞌ nta̱ká ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa. Jee sáni máá rá ñɨvɨ ya̱ ínúꞌ iniꞌ ráa Cristo ví ya̱ sáꞌá re̱ꞌ ya̱ nanitáꞌvíꞌ ráa.

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

Filipenses 1:13

Saáva nta̱ká rá soldado kúmí palacio vetíñú káꞌnú Roma jín nta̱ká ka̱ꞌ rá ñɨvɨ nku̱káꞌnú iniꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ Cristo.

Efesios 3:1

Jee tu̱ꞌun yukuán kua̱ꞌ ya̱ káchíꞌ kí ni̱ꞌ kúvi jie̱ꞌe̱ꞌ jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ránoꞌó. Nuꞌuꞌ, Pablo, yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ Cristo Jesús, ya̱ kúvi ya̱ váꞌa nu̱u̱nꞌ ránoꞌó ya̱ ntu kúvi rán ñɨvɨ Israel.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

1 Corintios 7:5

Jee saáva koto kúsáꞌán rán maárán nu̱u̱nꞌ te̱e kúvi yɨɨ́ rán, áxí nu̱u̱nꞌ ñaꞌan ya̱ kúvi ñasɨ́ꞌɨ́ rán. Kua̱chi retú natúꞌún ni núvíꞌ rán ya̱ nsáꞌ nune̱ꞌén rán yakuꞌ tiempúꞌ sáva kɨtíñú rán nu̱u̱nꞌ kaꞌanꞌ rán jín Ndiosíꞌ. Jee kuíre natuꞌva tuku rán táꞌán rán, sáva ntu sikúvi Satanás iniꞌ rán jee kusi̱kɨ́ iniꞌ rán jie̱ꞌe̱ꞌ kumaniꞌ rán nakeꞌen rán maárán.

1 Corintios 4:11

Jee ne̱ tiempúꞌ vitan nóꞌo ráníꞌ jie̱ꞌe̱ꞌ tu̱ꞌun jíꞌíꞌ so̱ko, jee jíchíꞌ ránꞌ nute, jee kúmániꞌ saꞌma kuꞌun ránꞌ, jee sáꞌá kini rá ñɨvɨ ránuꞌuꞌ, jee ni ntu̱ví íyó ɨɨn veꞌi nu̱u̱nꞌ íchí kuneeꞌ ránꞌ.

Hechos 28:30

Jee nkino̱o Pablo u̱vi̱ꞌ kui̱ya̱ꞌ nɨ́ɨ́n veꞌi ntatu. Jee kúváꞌa iniꞌ re̱ꞌ káꞌánꞌ re̱ꞌ jín nɨꞌɨ rá ñɨvɨ kénta nu̱u̱nꞌ re̱ꞌ.

Hechos 26:29

Saájee nkachiꞌ Pablo: ―Á yakuꞌ ka̱ꞌ áxí kue̱ꞌe̱ꞌ, jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ nsú kua̱chi maánú, chi ne̱ jín nɨꞌɨ rá ñɨvɨ tésóꞌo nuꞌuꞌ vitan, kenta kuvi ráa [cristiano] kuéntáꞌ maáníꞌ, soo súnika̱ꞌ nsáꞌ kúnuꞌniꞌ rán kua̱ꞌ nnuꞌniꞌ ni̱ꞌ.

Hechos 26:10

Jee sukuán nsa̱ꞌá nijia ni̱ꞌ ñuunꞌ Jerusalén. Ntaji rá su̱tu̱ꞌ kúñáꞌnú tiñu nu̱u̱nꞌ ni̱ꞌ, jee ntu̱ví ni̱ꞌ veka̱a kue̱ꞌe̱ꞌ rá ñɨvɨ yɨ́ꞌɨ́ nu̱u̱nꞌ Jesús. Jee sáá jiáꞌníꞌ rá ñɨvɨ rá ñɨvɨ vá, jee suni jiáꞌa ni̱ꞌ tu̱ꞌun ni̱ꞌ, ya̱ kuviꞌ ráa.

Hechos 24:27

Sáá njia̱ꞌa u̱vi̱ꞌ kui̱ya̱ꞌ, jee nna̱kuiñɨꞌ inka te̱e naní Porcio Festo nu̱u̱nꞌ tiñu nniso Félix. Soo nkuini Félix ya̱ kino̱o va̱ꞌa jín rá ñɨvɨ Israel, saáva nxi̱nóo re̱ꞌ Pablo veka̱a.

Hechos 23:35

jee nkachiꞌ re̱ꞌ: ―Teso̱ꞌo ni̱ꞌ ñujiínꞌ jie̱ꞌe̱ꞌ nú, retú nkenta rá ñɨvɨ ya̱ xíkóñáꞌán ráa nó. Jee nta̱túníꞌ re̱ꞌ ya̱ kumí ráa maa iniꞌ vetíñú ya̱ nsa̱ꞌá Herodes.

Hechos 23:10

Sáá nxi̱níꞌin víꞌí ka̱ꞌ kántátúꞌun ráa, jee nyu̱ꞌví víꞌí general, chi nkaꞌvi iniꞌ re̱ꞌ, ya̱ tasáva ráa Pablo. Saáva nta̱túníꞌ re̱ꞌ nu̱u̱nꞌ rá soldado, ya̱ natavaꞌ ráa maa nteñu rá ñɨvɨ, jee kɨ̱naka ráa maa nu̱u̱nꞌ veꞌi cuartel nu̱u̱nꞌ nééꞌ rá soldado.

Hechos 20:31

Saáva nito koo rán. Kunaꞌán rán ya̱ nuví niñuꞌ ya̱ uníꞌ kui̱ya̱ꞌ jee ntu nsi̱kɨ́kui̱ñɨ̱ꞌ ni̱ꞌ nna̱kutíñú ni̱ꞌ nu̱u̱nꞌ ta ɨɨn rán, ne̱ nnaꞌyuꞌ ni̱ꞌ.

Hechos 14:23

Jee ñani Pablo jín Bernabé rá te̱e kúñáꞌnú, sáva kosoꞌ rává nu̱u̱nꞌ ta grupo rá ñɨvɨ kúneí iniꞌ ráa Jesús. Jee nneeꞌ niteꞌ ráa sáá nkaꞌanꞌ ráa jín Ndiosíꞌ, sáva nxi̱nóo ráa rává naꞌá I̱toꞌoꞌ‑ó, ya̱ kúneí iniꞌ ráa, sáva nachituvi re̱ꞌ ráa.

Hechos 14:19

I̱ña̱jée nkenta kéꞌín rá ñɨvɨ Israel, ya̱ váji ne̱ rá ñuunꞌ Antioquía jín Iconio. Jee nsi̱ínúꞌ ráa iniꞌ rá ñɨvɨ nkenta si̱kɨ̱ꞌ Bernabé jín Pablo, jee nkuun ráa yu̱u̱ꞌ Pablo. Jee nsi̱yúꞌun ráa maa ne̱ yuñúúnꞌ, chi va̱ níꞌiꞌ re̱ꞌ nkaꞌvi iniꞌ ráa.

Hechos 13:3

Saájee sáá nkuvi nneeꞌ niteꞌ rá te̱e yukuán, jee nkaꞌanꞌ ráa jín Ndiosíꞌ, jee nchi̱só ráa naꞌá ráa Bernabé jín Saulo, jee ña̱kaꞌanꞌ ráa ntíꞌ ka̱ꞌ jín rává jee kua̱ꞌa̱nꞌ rává.

Hechos 5:18

Jee ntɨɨn ráa rá apóstol, jee ñasɨꞌ ráa rává iniꞌ veka̱a ñuunꞌ.

Mateo 14:10

Jee nta̱jí re̱ꞌ ɨɨn mayóríꞌ re̱ꞌ ya̱ ki̱keꞌneꞌ re̱ꞌ xi̱ni̱ꞌ Juan iniꞌ nu̱u̱nꞌ yɨ́ꞌɨ́‑ɨ veka̱a.

Mateo 14:3

Nkachiꞌ Herodes sukuán chi ya nkuvi tiempúꞌ sáá ntají re̱ꞌ tɨɨn ráa Juan, kuꞌniꞌ ráa maa, nchiꞌi ráa maa iniꞌ veka̱a. Nsa̱ꞌá Herodes sukuán, chi nta̱na̱ꞌá re̱ꞌ jín Herodías ya̱ nkuvi ñasɨ́ꞌɨ́ ñaniꞌ re̱ꞌ Felipe,

Mateo 9:15

Soo nkachiꞌ Jesús nu̱u̱nꞌ ráa: ―¿Á kuvi kukuíꞌyáꞌ iniꞌ rá ñɨvɨ kútáꞌán jín te̱e sukuán tánáꞌá ni nééꞌ re̱ꞌ jín ráa rúja? Ntu̱ví. Soo kenta rá ki̱vɨ̱ꞌ siíyo rá inka ñɨvɨ te̱e sukuán tánáꞌá vá nu̱u̱nꞌ ráa, saájee kuneeꞌ niteꞌ ráa.