2 Corintios 6:4 - Mixteco del suroeste de Tlaxiaco Oaxaca

⁴ Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

2 Corintios 6:4 Referans Kwoze

2 Corintios 12:10

Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.

2 Corintios 4:8

Jee súka̱ꞌ nta̱ká nu̱u̱nꞌ táꞌánꞌ ránꞌ tu̱nóꞌó, soo ni ntu̱ví jiáxin tu̱nóꞌó ránuꞌuꞌ. Súka̱ꞌ kúnaanꞌ iniꞌ ránꞌ na̱sa saꞌá ránꞌ, soo ntu íchí nnúun iniꞌ ránꞌ.

2 Corintios 11:27

Tiñu yɨ́ɨ́ nsa̱ꞌá ni̱ꞌ, jee nsa̱tíñú ni̱ꞌ ne̱ nkui̱tá ni̱ꞌ. Kue̱ꞌe̱ꞌ íchí ntu nkíxíꞌ ni̱ꞌ. Kéꞌín íchí niso̱ko ni̱ꞌ jee nichiꞌ ni̱ꞌ nute. Kéꞌín íchí nneeꞌ niteꞌ ni̱ꞌ. Nkuijin ni̱ꞌ jee nkumaniꞌ saꞌma kuꞌun ni̱ꞌ.

2 Corintios 12:12

Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

1 Corintios 4:1

Saáva ránuꞌuꞌ jee tɨɨn kuéntáꞌ ránú ya̱ musúꞌ ni kúvi ránuꞌuꞌ nu̱u̱nꞌ Cristo ya̱ nte̱tíñú re̱ꞌ ránuꞌuꞌ sáva néen kuéntáꞌ ráníꞌ tiñu re̱ꞌ sáva xínéꞌénꞌ ránꞌ Tu̱ꞌun Ndiosíꞌ ya̱ nyɨ̱yuꞌuꞌ nékúvi.

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

2 Timoteo 4:5

Soo noꞌó, kuꞌun kájí iniꞌ nú nu̱u̱nꞌ nta̱ká tiñu, keꞌneꞌ iniꞌ nú tu̱nóꞌó, saꞌá nú tiñu ya̱ kachitu̱ꞌún nú tu̱ꞌun váꞌa jie̱ꞌe̱ꞌ Cristo, jee sikúnkuvi va̱ꞌa nú tiñu sáꞌá nú nu̱u̱nꞌ Ndiosíꞌ.

2 Timoteo 2:24

Jee ɨɨn musúꞌ ya̱ jiátíñú maá I̱toꞌoꞌ‑ó ntu̱ví íyó saꞌá‑a tuntíxín, íyó ya̱ koo ñunkúún iniꞌ‑i jín nɨꞌɨ ñɨvɨ, jee íyó kuvi xinéꞌénꞌ‑e, íyó keꞌneꞌ iniꞌ‑i,

2 Timoteo 1:8

Koto kúkanuun nú nakani nú tu̱ꞌun váꞌa jie̱ꞌe̱ꞌ I̱toꞌoꞌ‑ó. Jee suni koto kúkanuun nú jie̱ꞌe̱ꞌ ni̱ꞌ, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ re̱ꞌ. Chisaꞌ tɨɨn jín ni̱ꞌ tu̱nóꞌó kunoꞌo‑ó jie̱ꞌe̱ꞌ tu̱ꞌun váꞌa Cristo, sáni sáꞌá fuersáꞌ ííꞌ níso Ndiosíꞌ ya̱ kuiñɨ ni̱ꞌin‑ó.

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

1 Timoteo 2:15

Soo sáá xtaꞌvíꞌ ráña se̱ꞌya, jee natavaꞌ Cristo rá ñaꞌan nu̱u̱nꞌ rá kua̱chi ráña sikáku re̱ꞌ ráña, retú kuni̱ꞌin ráña kuneí iniꞌ ráña Cristo, jee kunu̱u̱nꞌ ráña ñɨvɨ, jee sasɨ́ɨ́n ráña maáráña nu̱u̱nꞌ ya̱ níváꞌa, jee kaka ñáꞌnú ráña.

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

1 Tesalonicenses 3:7

Saáva sáá íyó yɨ́ɨ́ tu̱nóꞌó si̱kɨ̱ꞌ ránuꞌuꞌ jee nóꞌo víꞌí ránꞌ, jee nnusɨ̱ɨ̱ꞌ iniꞌ ránꞌ jie̱ꞌe̱ꞌ ránoꞌó, ñanitáꞌán. Chi íñɨ́ ni̱ꞌin ránú kúneí iniꞌ rán Cristo.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

2 Corintios 11:23

¿Á sátíñú ráa nu̱u̱nꞌ Cristo? Soo saꞌ víꞌí káꞌ va̱ꞌa jiáꞌa ni̱ꞌ nu̱u̱nꞌ tiñu sáꞌá ráa. (Káꞌánꞌ ni̱ꞌ kuéntáꞌ ɨɨn ya̱ jíkó xíniꞌ.) Nnu̱nasɨ́ ni̱ꞌ nsa̱tíñú ni̱ꞌin ni̱ꞌ ka̱ꞌ nsú káꞌ suviráa. Nyɨ̱ꞌɨ víꞌí ni̱ꞌ ka̱ꞌ veka̱a nsú káꞌ maáráa. Ntu ñúkúꞌvá njia̱ꞌa ñɨvɨ nuꞌuꞌ. Yatin kuviꞌ ni̱ꞌ kue̱ꞌe̱ꞌ íchí.

2 Corintios 11:9

Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

2 Corintios 7:11

Chi tu̱nkuéká ni̱yo iniꞌ rán sáni kuíni Ndiosíꞌ, jee tɨɨn kuéntáꞌ ránú ná kúvi ya̱ nsa̱ꞌá‑a iniꞌ ánímaꞌ rán: ¡Na̱ ka̱ꞌ ntɨɨn ñáꞌnú rán tiñu yaꞌá! ¡Na̱ ka̱ꞌ nnakui̱ñɨ̱ꞌ rán jín ránuꞌuꞌ! ¡Na̱ ka̱ꞌ nki̱tɨ̱ꞌ iniꞌ maárán jie̱ꞌe̱ꞌ ya̱ nsa̱ꞌá rán! ¡Na̱ ka̱ꞌ nñu̱yúꞌví iniꞌ rán Ndiosíꞌ! ¡Na̱ ka̱ꞌ nñu̱ꞌun káñá iniꞌ rán kune̱ꞌyá tuku rán ránuꞌuꞌ! ¡Na̱ ka̱ꞌ nániꞌvɨꞌ iniꞌ rán jie̱ꞌe̱ꞌ ránuꞌuꞌ! ¡Na̱ ka̱ꞌ viiꞌ nsa̱náaꞌ rán si̱kɨ̱ꞌ ñɨvɨ vá ya̱ nsa̱ꞌá‑a kua̱chi yaꞌá! Jee ntáká nu̱u̱nꞌ nstúvi rán ya̱ íyó noo ninuꞌun rán jie̱ꞌe̱ꞌ tiñu níváꞌa yaꞌá.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

1 Corintios 9:11

Jee retú suni sukuán sáꞌá ránuꞌuꞌ nteñu ránoꞌó, kuéntáꞌ sáꞌá te̱e táji tataꞌ, suni kuéntáꞌ sukuán sáꞌá ráníꞌ ya̱ káchítu̱ꞌún ráníꞌ nu̱u̱nꞌ ránú Tu̱ꞌun Ndiosíꞌ ya̱ njia̱ꞌa Ta̱chi̱ꞌ Ííꞌ re̱ꞌ, sáva kuꞌun iniꞌ ánímaꞌ rán maa, jee, ¿á kue̱ꞌe̱ꞌ víꞌí ví retú nu̱u̱nꞌ ránú kene ya̱ jíniñúꞌún ráníꞌ sáva kutekuꞌ ránꞌ ya̱ sáꞌá ránꞌ tiñu I̱toꞌoꞌ‑ó résa?

Romanos 16:10

Jee ku̱ꞌva rán xá nu̱u̱nꞌ Apeles tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ, ya̱ túvi nijinꞌ nu̱u̱nꞌ nɨꞌɨ ñɨvɨ ya̱ íñɨ́ ni̱ꞌin re̱ꞌ nu̱u̱nꞌ Cristo. Jee ku̱ꞌva rán xá nu̱u̱nꞌ rá ñɨvɨ táꞌán veꞌi Aristóbulo tu̱ꞌun jíkátu̱ꞌún ni̱ꞌ jie̱ꞌe̱ꞌ ráa.

Romanos 14:18

Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.

Romanos 5:8

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

Hechos 20:34

Maáránoꞌó jíníꞌ ya̱ nsa̱tíñú ni̱ꞌ jín naꞌá maáníꞌ, sáva keꞌen ni̱ꞌ ya̱ jíniñúꞌún ni̱ꞌ jín ya̱ jíniñúꞌún rá kútáꞌán jín ni̱ꞌ.

Hechos 9:16

I̱ña̱jée nuꞌuꞌ, xinéꞌénꞌ ni̱ꞌ nu̱u̱nꞌ re̱ꞌ na̱sa íyó kunoꞌo re̱ꞌ jie̱ꞌe̱ꞌ nuꞌuꞌ ―nkachiꞌ I̱toꞌoꞌ‑ó nu̱u̱nꞌ Ananías.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Lucas 21:19

Jee jie̱ꞌe̱ꞌ kuiñɨ ni̱ꞌin rán kuni̱ꞌin kutú rán jín nuꞌuꞌ, jee ni̱ꞌi̱nꞌ rán maárán kutekuꞌ rán nɨ́ɨ́nkání jín ni̱ꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Romanos 3:5

Soo retú ya̱ niva̱ꞌa sáꞌá‑ó stúvi ya̱ na̱a̱ꞌ sáꞌá Ndiosíꞌ, ¿ná kúvi ya̱ kachiꞌ‑ó, résa? ¿Á ntu na̱a̱ꞌ kúvi Ndiosíꞌ xinóꞌo re̱ꞌ yó, résa? (Va̱ káꞌánꞌ ni̱ꞌ kuéntáꞌ káꞌánꞌ rá ñɨvɨ ñɨ̱vɨ́ yaꞌá.)