2 Corintios 6:11 - Mixteco del suroeste de Tlaxiaco Oaxaca

¹¹ Jee ránoꞌó ñanitáꞌán ya̱ nééꞌ ñuunꞌ Corinto, núne yuꞌú ráníꞌ kájí káchíꞌ ránꞌ nu̱u̱nꞌ ránoꞌó nɨꞌɨ ya̱ naáꞌ, jee nsine ránꞌ nɨꞌɨ ánímaꞌ ránꞌ nu̱u̱nꞌ ránoꞌó.

2 Corintios 6:11 Referans Kwoze

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 2:4

Chi ntee ni̱ꞌ tutuꞌ vá nu̱u̱nꞌ rán, jie̱ꞌe̱ꞌ nna̱niꞌvɨꞌ víꞌí iniꞌ ni̱ꞌ jee nnu̱kuíꞌyáꞌ nasɨ́kuitɨꞌ iniꞌ ánímaꞌ ni̱ꞌ jie̱ꞌe̱ꞌ rán, jee ne̱ nnaꞌyuꞌ ntenúúnꞌ ni̱ꞌ ntee ni̱ꞌ tutuꞌ vá. Soo nsáꞌ ntee ni̱ꞌ maa sáva nukuéká iniꞌ rán, chisaꞌ sáva kuniꞌ rán ya̱ ñúnúunꞌ nasɨ́kuitɨꞌ ni̱ꞌ ránoꞌó.

Apoclipsis 22:12

Saájee maá I̱toꞌoꞌ‑ó nkachiꞌ re̱ꞌ: ―¡Kune̱ꞌyá rán!, ñamani niji ni̱ꞌ. Jee kiji ni̱ꞌ jín ta̱ꞌvi̱ꞌ ya̱ naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ, jie̱ꞌe̱ꞌ na̱ja kua̱ꞌ íyó sáni rá tiñu ya̱ nsa̱ꞌá ráa.

Filipenses 4:15

Jee ránoꞌó ñɨvɨ ñuunꞌ Filipos, suni jíníꞌ rán, ya̱ sáá nste̱kútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús nu̱u̱nꞌ rán ya̱ xíꞌnañúꞌún, jee sáá nkene ni̱ꞌ kua̱ꞌa̱nꞌ ni̱ꞌ rá ñuunꞌ tɨ́ɨn Macedonia, nu̱u̱nꞌ nééꞌ rán, jee jíníꞌ rán ya̱ métúꞌún maárán ví ya̱ ntaji ya̱ niniñúꞌún ni̱ꞌ ña̱xi̱nꞌ ni̱ꞌ, jee ni ɨɨn inka grupo ñɨvɨ ya̱ kúneí iniꞌ ráa Jesús ntu nchi̱neí táꞌán ráa jín ni̱ꞌ suꞌva.

Gálatas 3:1

¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó.

Efesios 6:8

Chi ya̱ jíníꞌ rán ya̱ nu̱u̱nꞌ máá I̱toꞌoꞌ‑ó ni̱ꞌi̱nꞌ ta ɨɨn ɨɨn ñɨvɨ ta̱ꞌvi̱ꞌ jie̱ꞌe̱ꞌ néni ɨɨn tiñu váꞌa sáꞌá‑a, va̱ni musúꞌ, va̱ni ñɨvɨ xí tiñu.

Hechos 18:1

Sáá nkuvi rá yaꞌá, jee nkene Pablo ñuunꞌ Atenas, jee kua̱ꞌa̱nꞌ‑a ñuunꞌ Corinto.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Gálatas 4:12

Jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ, ya̱ koo rán kuéntáꞌ maáníꞌ ya̱ nxi̱nóo ni̱ꞌ rá costumbre ley Moisés. Chi maáníꞌ nkenta kúvi ni̱ꞌ kuéntáꞌ ránoꞌó ya̱ ntu yɨ́ꞌɨ́ rán chi̱ji ley. Ntu̱náꞌ nsáꞌá kini rán nuꞌuꞌ.

Efesios 6:19

Jee ka̱ka̱nꞌ táꞌvíꞌ rán jie̱ꞌe̱ꞌ nuꞌuꞌ, sáva taji ka̱ꞌ Ndiosíꞌ tu̱ꞌun nu̱u̱nꞌ ni̱ꞌ sáá kachiꞌ ni̱ꞌ, jee sáva nuneí ka̱ꞌ iniꞌ ni̱ꞌ kachitu̱ꞌún ni̱ꞌ nu̱u̱nꞌ rá ñɨvɨ tu̱ꞌun váꞌa jie̱ꞌe̱ꞌ Cristo ya̱ nyɨ̱yuꞌuꞌ nékúvi.