2 Corintios 6:10 - Mixteco del suroeste de Tlaxiaco Oaxaca

¹⁰ jín sáá kúkuéká iniꞌ ránꞌ, soo sukuáni íyó tu̱ꞌun kúsɨ́ɨꞌ iniꞌ ánímaꞌ ránꞌ, jín te̱e láꞌví kúvi ránꞌ, soo jiáꞌa ránꞌ nu̱u̱nꞌ kue̱ꞌe̱ꞌ ñɨvɨ ya̱ yɨ́yáꞌvi ka̱ꞌ ya̱ jiáꞌa Ndiosíꞌ, jín sáá ni ntu̱náꞌ kúmí ránꞌ, soo kúmí ránꞌ nɨꞌɨ ya̱ yɨ́yáꞌvi ka̱ꞌ ya̱ níꞌínꞌ ránꞌ nu̱u̱nꞌ Ndiosíꞌ.

2 Corintios 6:10 Referans Kwoze

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Apoclipsis 2:9

[Jee jíníꞌ ni̱ꞌ nta̱ká tiñu váꞌa sáꞌá rán] jee jíníꞌ ni̱ꞌ rá tu̱nóꞌó nóꞌo rán, jín suni jie̱ꞌe̱ꞌ tu̱nláꞌví nóꞌo rán. Soo súka̱ꞌ sukuán kúvi, soo kúká rán jín nɨꞌɨ ya̱ váꞌa níso tu̱ꞌun ni̱ꞌ, chi jínúꞌ iniꞌ rán maa. Jee suni jíníꞌ ni̱ꞌ ya̱ káꞌánꞌ niva̱ꞌa rá ñɨvɨ si̱kɨ̱ꞌ rán. Jee rá ñɨvɨ vá káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo nsú ñɨvɨ Ndiosíꞌ kúvi ráa, jee kútútú ráa veꞌi sinagoga nu̱u̱nꞌ kútútú rá ñɨvɨ Israel soo ñɨvɨ ya̱ yɨ́ꞌɨ́ xi̱ntíín kui̱ꞌna̱ꞌ kúñáꞌnú naní Satanás kúvi ráa.

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Hebreos 10:34

Chi nku̱náꞌví iniꞌ rán rá ñɨvɨ ya̱ yɨ́ꞌɨ́ iniꞌ veka̱a jie̱ꞌe̱ꞌ íñɨ́ ráa jín tu̱ꞌun váꞌa Cristo. Jee suni ne̱ sɨ̱ɨ̱ꞌ ni̱yo iniꞌ rán sáá nka̱neeꞌ rá ñɨvɨ rá nantíñú kúmí rán, chi jíníꞌ rán ya̱ ne̱ antivɨ́ nu̱u̱nꞌ nééꞌ Ndiosíꞌ yukuán ñúꞌún ta̱ꞌvi̱ꞌ váꞌa nasɨ́kuitɨꞌ rán ka̱ꞌ ya̱ koo nɨ́ɨ́nkání.

1 Timoteo 4:8

Chi sikújia‑ó yɨkɨkúñu‑ó jee íyótiñu yakuꞌ, soo retú kueꞌnu‑ó ichi na̱a̱ꞌ sáni kuíni Ndiosíꞌ íyótiñu nɨꞌɨ nu̱u̱nꞌ. Chi suꞌva ni̱ꞌi̱nꞌ‑ó ya̱ váꞌa ya̱ nchi̱sóyuꞌú Ndiosíꞌ taji re̱ꞌ ni ya̱ tékúꞌ‑ó tiempúꞌ vitan, jín tiempúꞌ kiji ichinúúnꞌ sáá kutekuꞌ‑ó nɨ́ɨ́nkání jín re̱ꞌ.

Filipenses 4:4

Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Filipenses 2:17

Retú kaꞌniꞌ rá ñɨvɨ Roma nuꞌuꞌ, suꞌva nasokoꞌ ni̱ꞌ maáníꞌ nu̱u̱nꞌ Ndiosíꞌ. Jee suꞌva sikétáꞌán ni̱ꞌ maáníꞌ jín ya̱ násokoꞌ rán maárán nu̱u̱nꞌ re̱ꞌ, ya̱ sáꞌá rán tiñu re̱ꞌ chi kúneí iniꞌ rán re̱ꞌ. Saáva sú kaꞌniꞌ ráa nuꞌuꞌ, jee sɨ̱ɨ̱ꞌ koo iniꞌ ánímaꞌ ni̱ꞌ, jee kúsɨ́ɨꞌ iniꞌ ni̱ꞌ jín nta̱ká rán.

Romanos 11:12

Soo jie̱ꞌe̱ꞌ njia̱ꞌa ráa nu̱u̱nꞌ tu̱ꞌun nkachiꞌ Ndiosíꞌ jee nkenta ya̱ níꞌinꞌ rá inka ka̱ꞌ ñɨvɨ ñɨ̱vɨ́ ta̱ꞌvi̱ꞌ yɨ́yáꞌvi, jee jie̱ꞌe̱ꞌ nstívɨ́ ráa maáráa nu̱u̱nꞌ re̱ꞌ jee nni̱ꞌi̱nꞌ inka ñɨvɨ ya̱ ntu kúvi Israel ta̱ꞌvi̱ꞌ yɨ́yáꞌvi. Jee ya̱ nkuvi sukuán, jee saꞌ víꞌí káꞌ ni̱ꞌi̱nꞌ ráa ta̱ꞌvi̱ꞌ yɨ́yáꞌvi sáá nanikó ntáká ráa nu̱u̱nꞌ Ndiosíꞌ.

1 Pedro 4:13

Chisaꞌ na̱ ka̱ꞌ íyó kusɨ̱ɨ̱ꞌ iniꞌ rán ya̱ jíꞌín rán nóꞌo tu̱nóꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo, sáva suni ntántúníꞌ nasɨ́kuitɨꞌ nusɨ̱ɨ̱ꞌ iniꞌ rán kaꞌanꞌ kuekuꞌ rán ki̱vɨ̱ꞌ nenta nijinꞌ Cristo stúvi re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nísotíñú re̱ꞌ.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

2 Corintios 2:4

Chi ntee ni̱ꞌ tutuꞌ vá nu̱u̱nꞌ rán, jie̱ꞌe̱ꞌ nna̱niꞌvɨꞌ víꞌí iniꞌ ni̱ꞌ jee nnu̱kuíꞌyáꞌ nasɨ́kuitɨꞌ iniꞌ ánímaꞌ ni̱ꞌ jie̱ꞌe̱ꞌ rán, jee ne̱ nnaꞌyuꞌ ntenúúnꞌ ni̱ꞌ ntee ni̱ꞌ tutuꞌ vá. Soo nsáꞌ ntee ni̱ꞌ maa sáva nukuéká iniꞌ rán, chisaꞌ sáva kuniꞌ rán ya̱ ñúnúunꞌ nasɨ́kuitɨꞌ ni̱ꞌ ránoꞌó.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Romanos 12:15

Jee kusɨ̱ɨ̱ꞌ iniꞌ rán jín rá ñɨvɨ ya̱ kúsɨ́ɨꞌ iniꞌ ya̱ va̱ꞌa kua̱ꞌa̱nꞌ jín‑i, jee jiaku iniꞌ rán jín rá ñɨvɨ jiáku iniꞌ.

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Lucas 6:21

’Na̱ ka̱ꞌ netuꞌ ka̱ꞌ kúvi ránoꞌó ñɨvɨ ya̱ vitan jíꞌíꞌ rán so̱ko, chi koo ya̱ kajiꞌ rán ne̱ kuvi iniꞌ rán. ’Na̱ ka̱ꞌ netuꞌ ka̱ꞌ kúvi ránoꞌó ya̱ vitan náꞌyúꞌ rán, chi kiji ya̱ ne̱ kue̱ku̱ꞌ rán.

Mateo 5:4

Na̱ ka̱ꞌ netuꞌ ka̱ꞌ kúvi rá ñɨvɨ ya̱ náꞌyúꞌ uúꞌ, chi nachuꞌun neí Ndiosíꞌ iniꞌ ráa.

1 Timoteo 6:18

Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.

1 Tesalonicenses 5:16

Sukuáni sɨ̱ɨ̱ꞌ koo iniꞌ ánímaꞌ rán.

Hechos 3:6

Soo nkachiꞌ Pedro nu̱u̱nꞌ re̱ꞌ: ―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

Efesios 3:16

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ nachituvi Ta̱chi̱ꞌ Ííꞌ re̱ꞌ iniꞌ ránoꞌó, jín fuersáꞌ ííꞌ Ndiosíꞌ sáni ntántúníꞌ kúñáꞌnú re̱ꞌ.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

1 Corintios 1:5

chi jie̱ꞌe̱ꞌ yɨ́ꞌɨ́ rán nu̱u̱nꞌ Jesús jee nta̱ká nu̱u̱nꞌ nku̱kúká rán jín nɨꞌɨ tu̱ꞌun káꞌánꞌ va̱ꞌa rán jín nɨꞌɨ ya̱ jíníꞌ rán jie̱ꞌe̱ꞌ Ndiosíꞌ.

Romanos 9:2

ya̱ íyó ni̱ꞌ jín tu̱nkuéká iniꞌ ni̱ꞌ jee yɨ́táꞌán ne̱ yájíꞌ iniꞌ ánímaꞌ ni̱ꞌ

Romanos 8:32

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.

Hechos 16:25

Soo yatin kuvi ñuún, Pablo jín Silas káꞌánꞌ ráa jín Ndiosíꞌ jee jíta ráa nákuetúꞌún ráa Ndiosíꞌ. Jee tésóꞌo rá inka ñɨvɨ násɨ́ꞌ iniꞌ veka̱a.

Mateo 5:12

Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

Apoclipsis 21:7

Jee ɨɨn ñɨvɨ ya̱ kuneí‑i si̱kɨ̱ꞌ ntáká tiñu níváꞌa, jee ni̱ꞌi̱nꞌ ñɨvɨ vá ntáká rá yaꞌá kuvi ta̱ꞌvi̱ꞌ‑i. Chi nuꞌuꞌ kuvi ni̱ꞌ Ndiosíꞌ ñɨvɨ vá, jee kuvi‑i se̱ꞌya ni̱ꞌ.