2 Corintios 5:16 - Mixteco del suroeste de Tlaxiaco Oaxaca

¹⁶ Jee saáva, ne̱ vitan ntu̱ví ka̱ꞌ jiáni iniꞌ ráníꞌ jie̱ꞌe̱ꞌ ni ɨɨn ñɨvɨ, sánikua̱ꞌ jiáni iniꞌ rá ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa xi̱ntíín Cristo. Sú ñani iniꞌ ránꞌ sukuán jie̱ꞌe̱ꞌ Cristo, soo ntu̱ví ka̱ꞌ jiáni iniꞌ ránꞌ sukuán jie̱ꞌe̱ꞌ re̱ꞌ.

2 Corintios 5:16 Referans Kwoze

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Juan 6:63

Chi Ta̱chi̱ꞌ Ííꞌ Ndiosíꞌ ví ya̱ sáꞌá ya̱ kutekuꞌ ñɨvɨ nɨ́ɨ́nkání jín Ndiosíꞌ. Soo máá yɨkɨkúñu ntu̱náꞌ íyótiñu‑u saꞌá‑a sukuán. Rá tu̱ꞌun nkachiꞌ ni̱ꞌ sáꞌá‑a kívɨ Ta̱chi̱ꞌ Ííꞌ Ndiosíꞌ iniꞌ ñɨvɨ jee jiáꞌa‑a ya̱ kutekuꞌ ñɨvɨ nɨ́ɨ́nkání jín Ndiosíꞌ.

Santiago 3:17

Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Juan 15:14

’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán.

Juan 2:4

Jee nkachiꞌ Jesús nu̱u̱nꞌ ña: ―¿Na̱kui chi nániꞌvɨꞌ iniꞌ nú nu̱u̱nꞌ tiñu ni̱ꞌ, kánánáa? Chi ni ntiáꞌan kenta tiempúꞌ ni̱ꞌ nka̱ji Ndiosíꞌ ―nkachiꞌ Jesús.

Mateo 10:37

Jee néni ɨɨn ñɨvɨ ya̱ ñúnúunꞌ‑u ka̱ꞌ tátáꞌ‑a áxí nánáꞌ‑a, nsú káꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ, jee néni ɨɨn ñɨvɨ ya̱ ñúnúunꞌ‑u ka̱ꞌ se̱ꞌya yɨ́ɨ́‑ɨ áxí se̱ꞌya sɨ́ꞌɨ́‑ɨ, nsú káꞌ ya̱ ñúnúunꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

2 Corintios 11:18

Íyó kue̱ꞌe̱ꞌ ñɨvɨ ya̱ káꞌánꞌ téyɨ́ɨ́ ráa jie̱ꞌe̱ꞌ maáráa sánikua̱ꞌ íyó ráa, jee suni sukuán kaꞌanꞌ téyɨ́ɨ́ ni̱ꞌ.

Juan 8:15

Ránoꞌó chi sánáaꞌ rán jie̱ꞌe̱ꞌ tu̱ꞌun káꞌánꞌ ni̱ꞌ sáni jiáni iniꞌ rá ñɨvɨ yɨkɨkúñu. Soo nuꞌuꞌ chi ntu sánáaꞌ ni̱ꞌ si̱kɨ̱ꞌ ni ɨɨn ñɨvɨ.

Filipenses 3:4

Sú ntu íyó suꞌva, soo nuꞌuꞌ kuvi kuneí iniꞌ ni̱ꞌ jie̱ꞌe̱ꞌ tiñu nsa̱ꞌá ni̱ꞌ nékúvi. Retú néni ɨɨn ñɨvɨ jiáni iniꞌ ya̱ kuvi kuneí iniꞌ‑i ya̱ sáꞌá‑a, jee maáníꞌ saꞌ víꞌí káꞌ kuvi kuneí iniꞌ ni̱ꞌ jie̱ꞌe̱ꞌ ya̱ nsa̱ꞌá ni̱ꞌ nékúvi, chi: