2 Corintios 4:4 - Mixteco del suroeste de Tlaxiaco Oaxaca

⁴ Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 4:4 Referans Kwoze

Juan 12:40

Chi nsa̱ꞌá Ndiosíꞌ ya̱ kuéntáꞌ kuáá rá nchinúún ráa, jee suni nsa̱ꞌá re̱ꞌ ya̱ kuni̱ꞌin iniꞌ ánímaꞌ ráa, sáva ni nku̱níꞌ ráa ya̱ naáꞌ jín nchinúún ráa, jee ni nkíku̱ꞌun iniꞌ ráa maa. Sáva nsáꞌ nákani iniꞌ ráa jee ni nkúnikɨnꞌ ráa Ndiosíꞌ, jee sáva ni nsáꞌ násaꞌá va̱ꞌa ni̱ꞌ iniꞌ ánímaꞌ ráa.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

1 Juan 5:19

Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Juan 14:30

Nka̱ꞌánꞌ kue̱ꞌe̱ꞌ ni̱ꞌ ka̱ꞌ jín rán, chi ya̱ va̱ji máá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá. Asúnika̱ꞌ ntu̱náꞌ fesáꞌ níso‑o tatúníꞌ‑i nu̱u̱nꞌ nuꞌuꞌ.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

Colosenses 1:15

Maá Se̱ꞌya Ndiosíꞌ ɨɨn ni kúvi re̱ꞌ jín Ndiosíꞌ, jee nkiji re̱ꞌ ñɨ̱vɨ́ yaꞌá sáva tu̱vi nijinꞌ sáá íyó Ndiosíꞌ ya̱ ntu̱ví túvi kuniꞌ nijinꞌ‑ó. Jee kúñáꞌnú Se̱ꞌya re̱ꞌ ka̱ꞌ nu̱u̱nꞌ nta̱ká ya̱ nsa̱ꞌá re̱ꞌ kuéntáꞌ ɨɨn se̱ꞌya xíꞌnañúꞌún.

1 Juan 2:8

Chisaꞌ tée ni̱ꞌ nu̱u̱nꞌ rán ɨɨn tu̱ꞌun ya̱ tátúníꞌ jiáá re̱ꞌ, ya̱ nstúvi re̱ꞌ ya̱ máá naáꞌ kúvi nijia tu̱ꞌun vá jie̱ꞌe̱ꞌ na̱sa ñaꞌnu re̱ꞌ, jee suni maárán, chi jíka‑ó ichi nu̱u̱nꞌ nijinꞌ sáꞌá re̱ꞌ, chi suꞌva kua̱nɨꞌɨ nu̱u̱nꞌ neenꞌ, jee kúvi re̱ꞌ ñuꞌunꞌ nijia ya̱ ya túúnꞌ.

Filipenses 2:6

Chi sú kúvi re̱ꞌ Ndiosíꞌ ya̱ ɨɨn nuún kúvi re̱ꞌ jín Ndiosíꞌ, soo ntu nñúꞌun iniꞌ re̱ꞌ ya̱ nuni̱ꞌin re̱ꞌ ya̱ kino̱o re̱ꞌ ya̱ ɨɨn nuún kúñáꞌnú re̱ꞌ jín Ndiosíꞌ.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Tito 2:13

Jee síkújia re̱ꞌ iniꞌ‑ó kueꞌnu‑ó suꞌva ni nétu‑ó ki̱vɨ̱ꞌ ya̱ nikó Jesucristo, ya̱ na̱ ka̱ꞌ netuꞌ ka̱ꞌ kúvi‑ó, ya̱ íyó tu̱neí iniꞌ‑ó. Jee ne̱ tu̱u̱nꞌ nasɨ́kuitɨꞌ tu̱vi re̱ꞌ sáá nikó re̱ꞌ, chi Ndiosíꞌ máá ñáꞌnú nu̱u̱nꞌ nɨꞌɨ ví re̱ꞌ, jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Juan 16:11

Jee stúvi kájí re̱ꞌ ya̱ keꞌneꞌ na̱a̱ꞌ re̱ꞌ kua̱chi si̱kɨ̱ꞌ rá ñɨvɨ ñɨ̱vɨ́, chi ya̱ nkuna̱a̱ꞌ kɨ̱naanꞌ ta̱chi̱ꞌ kíni kúñáꞌnú ya̱ tátúníꞌ iniꞌ ñɨ̱vɨ́ yaꞌá.

2 Pedro 1:19

Jee kúmí‑ó tu̱ꞌun ya̱ íyó kutú ka̱ꞌ nsú káꞌ ya̱ niniꞌ ránꞌ jínúunꞌ ránꞌ. Tu̱ꞌun vá kúvi tu̱ꞌun nkene yuꞌú Ndiosíꞌ ya̱ njia̱ꞌa re̱ꞌ nu̱u̱nꞌ rá te̱e ya̱ ntee ráa maa nu̱u̱nꞌ Tutuꞌ Ííꞌ, jee va̱ꞌa saꞌá ránú ya̱ tɨɨn kuéntáꞌ va̱ꞌa rán rá tu̱ꞌun vá, kuéntáꞌ kua̱ꞌ tɨ́ɨn kuéntáꞌ rán kantil ya̱ túúnꞌ xúꞌún nu̱u̱nꞌ neenꞌ, jee tɨɨn kuéntáꞌ va̱ꞌa rán rá tu̱ꞌun vá ne̱kua̱ꞌ kenta Cristo kuéntáꞌ va̱kunijinꞌ ki̱vɨ̱ꞌ jee xtuúnꞌ re̱ꞌ iniꞌ ánímaꞌ rán kuéntáꞌ túúnꞌ tiu̱u̱nꞌ xúꞌún ya̱neꞌenꞌ.

2 Corintios 3:11

Jee retú nkenta ru ley vá nku̱ñáꞌnú nasɨ́kuitɨꞌ‑ɨ ya̱ núun‑u vitan ne̱ jíta‑a, soo maá kúñáꞌnú nasɨ́kuitɨꞌ ka̱ꞌ ví tratúꞌ jiáá, ya̱ kínóo‑o nɨ́ɨ́nkání.

1 Corintios 10:20

¡Ntu̱ví!, chi káchíꞌ ni̱ꞌ ya̱ rá nantíñú ya̱ sókóꞌ ráa jee nu̱u̱nꞌ rá kui̱ꞌna̱ꞌ sókóꞌ ráa rává, jee nsú nu̱u̱nꞌ Ndiosíꞌ sókóꞌ ráa rává. Jee saáva ntu̱ví kuíni ni̱ꞌ ya̱ taꞌanꞌ ránoꞌó túví rán maárán nu̱u̱nꞌ rá kui̱ꞌna̱ꞌ.

Juan 12:45

Jee ñɨvɨ ya̱ néꞌyá‑a nuꞌuꞌ, jee suni néꞌyá‑a maáréꞌ ya̱ nchu̱ichí re̱ꞌ nuꞌuꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

1 Timoteo 1:11

sánikua̱ꞌ káchíꞌ tu̱ꞌun váꞌa Ndiosíꞌ jie̱ꞌe̱ꞌ Cristo, ya̱ kúvi tu̱ꞌun viiꞌ máá ñáꞌnú. Jee na̱ ka̱ꞌ netuꞌ ka̱ꞌ kúvi Ndiosíꞌ. Jee nte̱tíñú re̱ꞌ nuꞌuꞌ, ya̱ stekútu̱ꞌún ni̱ꞌ maa.

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Hechos 26:23

Nkachiꞌ ráa ya̱ Cristo kunoꞌo re̱ꞌ ne̱ kuviꞌ re̱ꞌ. Jee xíꞌnañúꞌún re̱ꞌ ka̱ꞌ vá natekuꞌ i̱i̱ꞌ re̱ꞌ nteñu rá níꞌiꞌ. Jee stekútu̱ꞌún re̱ꞌ nu̱u̱nꞌ rá ñɨvɨ Israel jín rá ñɨvɨ inka nación, ya̱ kúvi nanitáꞌvíꞌ ráa. Suꞌva kuvi re̱ꞌ kuéntáꞌ ñuꞌunꞌ nu̱u̱nꞌ ráa ―nkachiꞌ Pablo.

2 Corintios 2:11

sáva nkúneí kui̱ꞌna̱ꞌ maá ñáꞌnú naní Satanás kosoꞌ‑o nu̱u̱nꞌ‑ó, chi jíníꞌ‑ó rá máñáꞌ re̱ꞌ.

2 Corintios 2:12

Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

Gálatas 1:4

Nso̱ko̱ꞌ Jesús maáréꞌ ya̱ níꞌiꞌ re̱ꞌ jie̱ꞌe̱ꞌ kua̱chi‑ó, sáva sikáku re̱ꞌ yó, sáva ntu íyó kaka‑ó ichi tu̱ꞌun kánéꞌén, sáni sáꞌá rá ñɨvɨ nééꞌ ñɨ̱vɨ́ vitan ya̱ ntu yɨ́ꞌɨ́ ráa nu̱u̱nꞌ re̱ꞌ. Nsa̱ꞌá re̱ꞌ suꞌva sáni kuíni Tátáꞌ‑ó Ndiosíꞌ.

Hebreos 6:4

Chi íyó rá ñɨvɨ ya̱ ré nkuvi nstu̱únꞌ Ndiosíꞌ antúníꞌ ráa ya̱ ña̱ku̱ꞌun iniꞌ ráa tu̱ꞌun re̱ꞌ, jín ya̱ ñaꞌnu ráa nu̱u̱nꞌ ta̱ꞌvi̱ꞌ ya̱ jiáꞌa Ndiosíꞌ ya̱ nééꞌ antivɨ́, jín ya̱ ni̱ꞌi̱nꞌ ráa sátíñú Ta̱chi̱ꞌ Ííꞌ Ndiosíꞌ iniꞌ ráa,

1 Juan 2:11

Soo ñɨvɨ ya̱ táꞌvi iniꞌ‑i néꞌyá‑a ñanitáꞌán‑a, jee íñɨ́‑ɨ nu̱u̱nꞌ neenꞌ, chi íyó‑o jín ya̱ niváꞌa, jee jiáꞌnu‑u nu̱u̱nꞌ neenꞌ, chi ni ntu̱ví jíníꞌ‑i né ɨɨn ichi kua̱ꞌa̱nꞌ‑a chi ya̱ neenꞌ vá ñasɨꞌ nchinúún‑u kuéntáꞌ kuáá‑a.