2 Corintios 3:6 - Mixteco del suroeste de Tlaxiaco Oaxaca

⁶ Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

2 Corintios 3:6 Referans Kwoze

Juan 6:63

Chi Ta̱chi̱ꞌ Ííꞌ Ndiosíꞌ ví ya̱ sáꞌá ya̱ kutekuꞌ ñɨvɨ nɨ́ɨ́nkání jín Ndiosíꞌ. Soo máá yɨkɨkúñu ntu̱náꞌ íyótiñu‑u saꞌá‑a sukuán. Rá tu̱ꞌun nkachiꞌ ni̱ꞌ sáꞌá‑a kívɨ Ta̱chi̱ꞌ Ííꞌ Ndiosíꞌ iniꞌ ñɨvɨ jee jiáꞌa‑a ya̱ kutekuꞌ ñɨvɨ nɨ́ɨ́nkání jín Ndiosíꞌ.

Romanos 7:6

Jee nyɨ̱ꞌɨ‑ó xi̱ntíín ley vá nékúvi, soo kuéntáꞌ ya̱ ni̱ꞌi̱ꞌ‑ó nu̱u̱nꞌ ley vá saáva vitan nákuíñɨꞌ núne‑ó nu̱u̱nꞌ ley vá. Sáva kɨtíñú‑ó nu̱u̱nꞌ Ndiosíꞌ sáni sáꞌá Ta̱chi̱ꞌ Ííꞌ ya̱ nakueꞌnu‑ó ichi jiáá, jee nsú ichi túꞌú jiáꞌnu‑ó sáni ñaꞌnu‑ó chi̱ji xi̱ntíín ley sáni ntee Moisés nu̱u̱nꞌ tutuꞌ yanaꞌán.

Romanos 8:2

Chi nku̱neí Ta̱chi̱ꞌ Ííꞌ Ndiosíꞌ sáꞌá re̱ꞌ ya̱ kutekuꞌ‑ó jín Ndiosíꞌ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús, jee nákani núne re̱ꞌ ránoꞌó ya̱ nsáꞌ kɨꞌɨ‑ó ka̱ꞌ xi̱ntíín kua̱chi jín nsáꞌ kenta‑ó kuéntáꞌ kuviꞌ‑ó nu̱u̱nꞌ Ndiosíꞌ.

Hebreos 12:24

Jee nkikuyatin rán nu̱u̱nꞌ Jesús ya̱ níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ñakɨnꞌ re̱ꞌ, ya̱ yɨ́tuvi re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ, jín nu̱u̱nꞌ ni̱ñɨ̱ꞌ re̱ꞌ ya̱ ñatɨ‑ɨ ya̱ násaꞌá noo‑o yó nu̱u̱nꞌ kua̱chi‑ó. Jee nkakua̱chi ni̱ñɨ̱ꞌ re̱ꞌ nu̱u̱nꞌ Ndiosíꞌ tu̱ꞌun máá ñáꞌnú va̱ꞌa ka̱ꞌ nsú káꞌ ni̱ñɨ̱ꞌ Abel ya̱ ñatɨ sáá ni̱ꞌi̱ꞌ‑i.

Hebreos 7:22

Jee jie̱ꞌe̱ꞌ vá, jee nkenta kúvi Jesús ya̱ sáꞌá re̱ꞌ ya̱ kúkutú ɨɨn tratúꞌ váꞌa ka̱ꞌ nsú káꞌ tratúꞌ ley yanaꞌán.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

1 Corintios 15:45

Chi suni sukuán níso nu̱u̱nꞌ Tutuꞌ nééꞌ Tu̱ꞌun Ndiosíꞌ ya̱: “Adán nkuvi re̱ꞌ te̱e ya̱ nsa̱ꞌá xíꞌnañúꞌún Ndiosíꞌ maa, jee nkenta kuvi re̱ꞌ ɨɨn ya̱ tékúꞌ.” Soo maá Cristo ya̱ kúvi kuéntáꞌ Adán nu̱u̱nꞌ nɨ́ꞌɨ, jee nkene‑e ne̱ antivɨ́ súkún va̱ji‑i iniꞌ ñɨ̱vɨ́ yaꞌá jín tiñu níso re̱ꞌ ya̱ nastekúꞌ‑u rá ñɨvɨ níꞌi.

Romanos 3:20

Chi ni ɨɨn ñɨvɨ ntu kínóo na̱a̱ꞌ ráa nu̱u̱nꞌ Ndiosíꞌ jie̱ꞌe̱ꞌ ya̱ nánukú ráa sikúnkuvi ráa ya̱ tátúníꞌ ley re̱ꞌ. Chisaꞌ sáꞌá ley vá ya̱ kukáꞌnú iniꞌ‑ó ya̱ níso‑ó kua̱chi.

Hebreos 13:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa ñunkúún‑ó, jee maáréꞌ nxi̱nákóo re̱ꞌ nna̱xtekúꞌ re̱ꞌ I̱toꞌoꞌ‑ó Jesús ya̱ kúvi Cristo nene‑e nteñu rá ni̱yɨ, ɨɨn pasto kúñáꞌnú nu̱u̱nꞌ‑ó ya̱ náka‑a yó kuéntáꞌ lanchi. Chi jín ni̱ñɨ̱ꞌ maáa ya̱ ñatɨ sáá ni̱ꞌi̱ꞌ‑i yukuán kúvi ya̱ ñakɨnꞌ kutú‑u tratúꞌ‑u ya̱ koo nɨ́ɨ́nkání.

Lucas 22:20

Jee suni sukuán nsa̱ꞌá re̱ꞌ jín vasúꞌ ñúꞌún nixiꞌ nu̱xi uva, sáá nkuvi nku̱xíní re̱ꞌ jín ráa, jee ntɨɨn re̱ꞌ vasúꞌ, jee nkachiꞌ re̱ꞌ: ―Vasúꞌ yaꞌá ví tratúꞌ jiáá ya̱ kakɨnꞌ Ndiosíꞌ jín ni̱ñɨ̱ꞌ ni̱ꞌ ya̱ katɨ‑ɨ sáá kuviꞌ ni̱ꞌ sáva chunáán nkáꞌnú ni̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi rán.

1 Corintios 11:25

Jee suni sukuán nsa̱ꞌá re̱ꞌ sáá nkuvi nku̱xíní re̱ꞌ, jee ntɨɨn re̱ꞌ vasúꞌ ñúꞌún nixiꞌ nu̱xi uva, jee nkachiꞌ re̱ꞌ: “Vasúꞌ yaꞌá ví tratúꞌ jiáá ya̱ kakɨnꞌ Ndiosíꞌ jín ni̱ñɨ̱ꞌ ni̱ꞌ ya̱ katɨ‑ɨ sáá kuviꞌ ni̱ꞌ. Jee ntáká íchí ya̱ koꞌo rán maa, jee saꞌá rán maa sáva naku̱ꞌun iniꞌ rán nuꞌuꞌ”, nkachiꞌ Jesús.

Mateo 13:52

Saájee nkachiꞌ re̱ꞌ nu̱u̱nꞌ ráa: ―Saáva ntáká te̱e kúvi mestrúꞌ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee súkuáꞌa ráa tu̱ꞌun ni̱ꞌ, jee ki̱vɨ ráa xi̱ntíín Ndiosíꞌ nééꞌ antivɨ́ tátúníꞌ re̱ꞌ nu̱u̱nꞌ ráa, jee kúvi ráa kuéntáꞌ ɨɨn te̱e kúvi i̱toꞌoꞌ xí veꞌi, ya̱ nteñu rá nantíñú yɨ́yáꞌvi chúꞌun va̱ꞌa‑a nátavaꞌ‑a rá nantíñú jiáá jín rá nantíñú túꞌú.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Timoteo 4:6

Retú nakutíñú nú rá tu̱ꞌun yaꞌá nu̱u̱nꞌ rá ñaniꞌ jín rá ku̱ꞌva yɨ́ꞌɨ́ ichi Cristo, jee kuvi nú ɨɨn te̱e ya̱ sikúnkuvi va̱ꞌa nú nu̱u̱nꞌ Cristo Jesús. Jee kujia nú jín rá tu̱ꞌun, ya̱ kúneí iniꞌ‑ó jín ya̱ xínéꞌénꞌ‑ó ya̱ ya níkɨ́nꞌ nú.

Efesios 3:7

Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá. Jee jie̱ꞌe̱ꞌ ya̱ ma̱ni̱ꞌ iniꞌ re̱ꞌ, nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ, jee jín fesáꞌ ííꞌ níso re̱ꞌ nsa̱ꞌá re̱ꞌ suꞌva jín ni̱ꞌ.

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

2 Corintios 3:7

Jee ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ, jee ntee Ndiosíꞌ maa nu̱u̱nꞌ yu̱u̱ꞌ tiáxín jee njia̱ꞌa re̱ꞌ maa nu̱u̱nꞌ Moisés, jee viiꞌ kúñáꞌnú ley vá ya̱ nkenta nu̱u̱nꞌ Moisés ya̱ ñanu̱te̱ꞌ nasɨ́kuitɨꞌ nu̱u̱nꞌ re̱ꞌ, ya̱ ni ntu̱ví nkúvi kune̱ꞌyá va̱ꞌa rá ñɨvɨ Israel nu̱u̱nꞌ re̱ꞌ. Saájee kuééni kuééni na̱ꞌva̱ꞌ nuva vá nu̱u̱nꞌ re̱ꞌ. Jee retú maá ñáꞌnú nasɨ́kuitɨꞌ kúvi ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ,

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

Romanos 4:15

Chi tu̱ꞌun ley nta̱túníꞌ Ndiosíꞌ síkíji‑i ya̱ ni̱ꞌi̱nꞌ ñɨvɨ ya̱ ki̱tɨ̱ꞌ iniꞌ Ndiosíꞌ jee xinóꞌo re̱ꞌ ráa jie̱ꞌe̱ꞌ ntu kúneí ráa sikúnkuvi ráa nɨꞌɨ ya̱ káchíꞌ ley vá. Soo nu̱u̱nꞌ ntu íyó ni ɨɨn ley, jee suni ntu jiáꞌa ñɨvɨ nu̱u̱nꞌ ya̱ káchíꞌ ley.

Juan 5:21

’Chi kuéntáꞌ naxinákóo Tátáꞌ ni̱ꞌ rá níꞌiꞌ, jee saꞌá re̱ꞌ ya̱ natekuꞌ i̱i̱ꞌ tuku ráa, jee suni sukuán maáníꞌ, ya̱ kúvi ni̱ꞌ Se̱ꞌya re̱ꞌ, chi suni saꞌá ni̱ꞌ ya̱ natekuꞌ i̱i̱ꞌ néni ɨɨn ya̱ kuíni maáníꞌ.

Marcos 14:24

Jee nkachiꞌ re̱ꞌ nu̱u̱nꞌ ráa: ―Yaꞌá ví ni̱ñɨ̱ꞌ ni̱ꞌ ya̱ nasokoꞌ ni̱ꞌ nu̱u̱nꞌ Ndiosíꞌ sáva kakɨnꞌ re̱ꞌ tratúꞌ, chi katɨ‑ɨ sáá kuviꞌ ni̱ꞌ sáva chunáán nkáꞌnú ni̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi kue̱ꞌe̱ꞌ ñɨvɨ.

Mateo 26:28

Yaꞌá ví ni̱ñɨ̱ꞌ ni̱ꞌ ya̱ nasokoꞌ ni̱ꞌ nu̱u̱nꞌ Ndiosíꞌ sáva kuna̱a̱ꞌ tratúꞌ kakɨnꞌ re̱ꞌ, chi katɨ ni̱ñɨ̱ꞌ ni̱ꞌ sáá kuviꞌ ni̱ꞌ jie̱ꞌe̱ꞌ rá kua̱chi kue̱ꞌe̱ꞌ ñɨvɨ sáva kunekáꞌnú iniꞌ re̱ꞌ jie̱ꞌe̱ꞌ kua̱chi ráa.

2 Corintios 3:9

Chi retú viiꞌ kúñáꞌnú nasɨ́kuitɨꞌ tiñu ya̱ síjíta‑a rá ñɨvɨ, soo saꞌ víꞌí káꞌ viiꞌ kúñáꞌnú nasɨ́kuitɨꞌ ka̱ꞌ tiñu ya̱ sííyo re̱ꞌ kua̱chi‑ó sáva ku̱ꞌvayuꞌú re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ.

Romanos 4:17

Suꞌva káchíꞌ tu̱ꞌun níso nu̱u̱nꞌ Tutuꞌ Ííꞌ ya̱ nkachiꞌ Ndiosíꞌ nu̱u̱nꞌ Abraham: “Ñani ni̱ꞌ noꞌó sáva kuvi nú tátáꞌ rá ñɨvɨ kue̱ꞌe̱ꞌ nación.” Ni̱nu̱ꞌ iniꞌ Abraham re̱ꞌ, chi maáréꞌ ví ya̱ nástekúꞌ i̱i̱ꞌ re̱ꞌ rá níꞌiꞌ jín ya̱ tátúníꞌ re̱ꞌ sáꞌá re̱ꞌ ya̱ koo rá nantíñú ya̱ ni ntiáꞌan koo.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

Efesios 2:1

Jee ránoꞌó, ya̱ níꞌiꞌ rán nu̱u̱nꞌ Ndiosíꞌ nékúvi jie̱ꞌe̱ꞌ njiáꞌa rán nu̱u̱nꞌ ya̱ tátúníꞌ Ndiosíꞌ jín jie̱ꞌe̱ꞌ rá kua̱chi nsa̱ꞌá rán.

2 Corintios 3:3

Chi nijinꞌ túvi ya̱ kúvi ránú kuéntáꞌ ɨɨn tutuꞌ ya̱ ntee maá Cristo, jie̱ꞌe̱ꞌ tiñu re̱ꞌ ya̱ nsa̱ꞌá ráníꞌ nu̱u̱nꞌ ránoꞌó. Soo nsú jín ɨɨn tutuꞌ jín tinta lapíꞌ ntee re̱ꞌ maa, chisaꞌ jín Ta̱chi̱ꞌ Ííꞌ Ndiosíꞌ, ya̱ tékúꞌ re̱ꞌ. Jee ni ntu̱ví ntée re̱ꞌ maa nu̱u̱nꞌ yu̱u̱ꞌ tiáxín [kuéntáꞌ ntee Ndiosíꞌ rá tu̱ꞌun ya̱ nta̱túníꞌ re̱ꞌ jee njia̱ꞌa re̱ꞌ maa nu̱u̱nꞌ Moisés, tióꞌ chíji]. Chisaꞌ ntee re̱ꞌ maa iniꞌ ánímaꞌ ñɨvɨ.

2 Corintios 11:23

¿Á sátíñú ráa nu̱u̱nꞌ Cristo? Soo saꞌ víꞌí káꞌ va̱ꞌa jiáꞌa ni̱ꞌ nu̱u̱nꞌ tiñu sáꞌá ráa. (Káꞌánꞌ ni̱ꞌ kuéntáꞌ ɨɨn ya̱ jíkó xíniꞌ.) Nnu̱nasɨ́ ni̱ꞌ nsa̱tíñú ni̱ꞌin ni̱ꞌ ka̱ꞌ nsú káꞌ suviráa. Nyɨ̱ꞌɨ víꞌí ni̱ꞌ ka̱ꞌ veka̱a nsú káꞌ maáráa. Ntu ñúkúꞌvá njia̱ꞌa ñɨvɨ nuꞌuꞌ. Yatin kuviꞌ ni̱ꞌ kue̱ꞌe̱ꞌ íchí.

Hebreos 8:13

Jee sáá káꞌánꞌ Ndiosíꞌ jie̱ꞌe̱ꞌ ɨɨn tratúꞌ jiáá, jee yukuán kúvi ya̱ nkachiꞌ re̱ꞌ ya̱ tratúꞌ túꞌú ví tratúꞌ xíꞌnañúꞌún, jee ɨɨn ya̱ nku̱túꞌú jee kútúꞌú‑u ka̱ꞌ, chi sa̱néꞌ íyó kɨ̱naanꞌ‑a.