2 Corintios 3:5 - Mixteco del suroeste de Tlaxiaco Oaxaca

⁵ Jee nsú nu̱u̱nꞌ ránuꞌuꞌ kéne ya̱ tu̱ꞌva ráníꞌ, saáva ntu kúvi kani iniꞌ rán ya̱ váji ne̱ nu̱u̱nꞌ maáránꞌ ya̱ kee kuneí ránꞌ saꞌá ránꞌ na̱ni tiñu táji Ndiosíꞌ. Chisaꞌ ne̱ nu̱u̱nꞌ maá Ndiosíꞌ va̱ji ya̱ tu̱ꞌva ránꞌ kuneí ránꞌ sáꞌá ránꞌ maa.

2 Corintios 3:5 Referans Kwoze

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

Filipenses 2:13

Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.

Juan 15:5

’Chi nuꞌuꞌ, jee kúvi ni̱ꞌ kuéntáꞌ yokúꞌúꞌ káꞌnú yu̱ku̱ꞌ uva vá, jee ránoꞌó, chi kúvi rán kuéntáꞌ rá yokúꞌúꞌ kuáchí ya̱ kéne i̱ka̱ꞌ yokúꞌúꞌ káꞌnú vá. Chi néni ɨɨn ñɨvɨ ya̱ íñɨ́ ni̱ꞌin kino̱o kutú nu̱u̱nꞌ nuꞌuꞌ, jee suni kuiñɨ ni̱ꞌin ni̱ꞌ koo ni̱ꞌ jín ñɨvɨ vá, jee ñɨvɨ yaꞌá ví ya̱ sáꞌá tiñu váꞌa ya̱ kuíni Ndiosíꞌ. Chi retú ntu̱ví íñɨ́ ni̱ꞌin ñɨvɨ vá jín nuꞌuꞌ, jee kuéntáꞌ íyó sɨ́ɨ́n‑ɨ nu̱u̱nꞌ ni̱ꞌ, jee ni nkúvi na̱ saꞌá‑a ni ɨɨn tiñu váꞌa sáni kuíni Ndiosíꞌ.

Santiago 1:17

Chi nta̱ká ya̱ váꞌa kútaꞌviꞌ‑ó jín nta̱ká ta̱ꞌvi̱ꞌ máá viiꞌ níꞌínꞌ‑ó va̱kuun ne̱ antivɨ́ ne̱ nu̱u̱nꞌ Ndiosíꞌ máá Tátáꞌ‑ó, ya̱ nsa̱ꞌá re̱ꞌ rá jiáꞌa nuva ñuꞌunꞌ ya̱ íyó súkún. Maáréꞌ ntu̱náꞌ sáma iniꞌ re̱ꞌ jee ni ntu sáma re̱ꞌ kuéntáꞌ sáma nu̱u̱nꞌ kátɨ́.

1 Corintios 3:6

Chi núvíꞌ ráníꞌ nste̱kútu̱ꞌún ránꞌ Tu̱ꞌun Ndiosíꞌ, jee nuꞌuꞌ chi kuéntáꞌ ntaji ni̱ꞌ tataꞌ sáꞌá jee Apolos chi nxi̱náváꞌ re̱ꞌ nute nu̱u̱nꞌ rá nikɨn, soo Ndiosíꞌ ví ya̱ síkuéꞌnu ránoꞌó jín tu̱ꞌun re̱ꞌ.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

2 Corintios 2:16

Jee nu̱u̱nꞌ rá ñɨvɨ ya̱ jíta vá, jee kúvi ránꞌ kuéntáꞌ xikoꞌ ni̱yɨ nu̱u̱nꞌ ráa, ya̱ kúíchi iniꞌ ráa tu̱ꞌun stékútu̱ꞌún ránꞌ, jee tu̱ꞌun vá sáꞌá‑a ya̱ kuéntáꞌ níꞌiꞌ ráa nu̱u̱nꞌ Ndiosíꞌ. Soo nu̱u̱nꞌ rá ñɨvɨ ya̱ síkáku Jesús ráa, jee kúvi ránꞌ kuéntáꞌ ɨɨn xikoꞌ ya̱ sáꞌá‑a ya̱ kutekuꞌ, chi tu̱ꞌun vá sáꞌá‑a ya̱ kutekuꞌ ráa nɨ́ɨ́nkání nu̱u̱nꞌ re̱ꞌ. Jee, ¿né ɨɨn kee kuneí saꞌá tiñu yaꞌá ya̱ sikúténuun‑u tu̱ꞌun re̱ꞌ, résa?

Lucas 24:49

Jee kune̱ꞌyá rán, chi nuꞌuꞌ chúichí ni̱ꞌ Ta̱chi̱ꞌ Ííꞌ kiji‑i nu̱u̱nꞌ rán sánikua̱ꞌ ya̱ nchi̱sóyuꞌú Tátáꞌ ni̱ꞌ. Soo kino̱o rán kunetu rán nu̱u̱nꞌ ñuunꞌ Jerusalén, nekuaꞌ ni̱ꞌi̱nꞌ rán fuersáꞌ ííꞌ Ndiosíꞌ ya̱ kiji ne̱ antivɨ́ súkún ―nkachiꞌ Jesús nu̱u̱nꞌ ráa.

Génesis 41:16

Jee nna̱xiníkó José nu̱u̱nꞌ Faraón: ―Nsú nuꞌuꞌ ví ya̱ kuvi kachiꞌ. Chisaꞌ Ndiosíꞌ ví ya̱ naxiníkó nu̱u̱nꞌ nú tu̱ꞌun ya̱ kuvi ya̱ váꞌa jín noꞌó ―nkachiꞌ José.

Romanos 15:18

Chi ntu kíji iniꞌ ni̱ꞌ kaꞌanꞌ ni̱ꞌ jie̱ꞌe̱ꞌ ni ɨɨn tiñu jie̱ꞌe̱ꞌ nuꞌuꞌ, chisaꞌ kua̱chi káꞌánꞌ ni̱ꞌ jie̱ꞌe̱ꞌ ya̱ nsa̱ꞌá Cristo jín nuꞌuꞌ, ya̱ ña̱tíñú re̱ꞌ nuꞌuꞌ sáva kaníjiá rá ñɨvɨ ya̱ ntu kúvi ñɨvɨ Israel tɨɨn ráa tu̱ꞌun re̱ꞌ, jie̱ꞌe̱ꞌ ya̱ káꞌánꞌ ni̱ꞌ jie̱ꞌe̱ꞌ rá tu̱ꞌun ntaji re̱ꞌ sákachiꞌ ni̱ꞌ jín jie̱ꞌe̱ꞌ rá tiñu ntaji re̱ꞌ saꞌá ni̱ꞌ,

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.