2 Corintios 3:1 - Mixteco del suroeste de Tlaxiaco Oaxaca

¹ ¿Á jiáni iniꞌ ránú ya̱ nákijiéꞌé tuku ráníꞌ ya̱ nákutíñú va̱ꞌa ránꞌ jie̱ꞌe̱ꞌ maáránꞌ rúja? Áxí, ¿á íyó taji ránꞌ nu̱u̱nꞌ ránoꞌó tutuꞌ ya̱ nákutíñú va̱ꞌa‑a jie̱ꞌe̱ꞌ ránuꞌuꞌ rúja?, áxí, ¿á íyó taji ránú tutuꞌ sukuán nu̱u̱nꞌ ránuꞌuꞌ, sáni jíniñúꞌún sava inka ñɨvɨ rúja?

2 Corintios 3:1 Referans Kwoze

2 Corintios 12:11

Te̱e naanꞌ nkuvi ni̱ꞌ, jie̱ꞌe̱ꞌ nkaꞌanꞌ téyɨ́ɨ́ ni̱ꞌ, soo jie̱ꞌe̱ꞌ ya̱ sáꞌá ránoꞌó jee nchi̱naꞌá‑a nuꞌuꞌ nkuvi suꞌva. Chi ránoꞌó ví ya̱ íyó nakutíñú va̱ꞌa rán jie̱ꞌe̱ꞌ nuꞌuꞌ. Chi ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ kátúꞌún ráa nika̱ꞌ ya̱ apóstol kúñáꞌnú ka̱ꞌ ví ráa, sú ntu̱náꞌ kúvi ni̱ꞌ.

2 Corintios 10:12

Chi ntu kíji iniꞌ ráníꞌ kachiꞌ ránꞌ ya̱ ɨɨn ni kúvi ránꞌ jín ráa jee ni ntu nuún íyó ránꞌ jín rá ñɨvɨ vá ya̱ nákutíñú va̱ꞌa ráa jie̱ꞌe̱ꞌ maáráa. Chúkúꞌva ráa sáá sáꞌá maáráa jín maáráa sáva kene ya̱ jiáni iniꞌ ráa ya̱ kúñáꞌnú ráa, jee tɨ́ɨn kuéntáꞌ ráa sáá íyó maáráa jín táꞌán maáráa. Ntu̱náꞌ jiáku̱ꞌun iniꞌ ráa.

2 Corintios 5:12

Jee nsáꞌ nákutíñú va̱ꞌa tuku ránꞌ jie̱ꞌe̱ꞌ maáránꞌ nu̱u̱nꞌ ránoꞌó. Chisaꞌ táji ránꞌ ichi sáva kúvi kaꞌanꞌ téyɨ́ɨ́ ránú jie̱ꞌe̱ꞌ ránuꞌuꞌ sáva kúvi naxiníkó ránú nu̱u̱nꞌ rá ñɨvɨ ya̱ káꞌánꞌ téyɨ́ɨ́ ráa jie̱ꞌe̱ꞌ sáá túvi ráa nu̱u̱nꞌ inka ñɨvɨ, jee nsú jie̱ꞌe̱ꞌ sáá íyó ánímaꞌ ráa.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

1 Corintios 16:3

Jee sáá kenta ni̱ꞌ, jee tee ni̱ꞌ tutuꞌ ya̱ nákutíñú jie̱ꞌe̱ꞌ néni ɨɨn rá te̱e ya̱ nkáji rán, jee maáráa tají ni̱ꞌ ráa kɨ̱ꞌɨ̱nꞌ ráa ñuunꞌ Jerusalén jín xu̱ꞌún vá ya̱ nsi̱kútaꞌviꞌ rán.

2 Corintios 12:19

¿Á sa̱naanꞌ jiáni iniꞌ rán ya̱ náma ráníꞌ maáráníꞌ nu̱u̱nꞌ ránú rúja? Soo ntu̱ví. Chisaꞌ nu̱u̱nꞌ súví Cristo káꞌánꞌ ráníꞌ jee ne̱ maá Ndiosíꞌ jíníꞌ, ya̱ káchíꞌ ránꞌ nta̱ká tu̱ꞌun nu̱u̱nꞌ ránú, sáva sikújia ráníꞌ iniꞌ ránoꞌó nu̱u̱nꞌ Cristo, ya̱ ñúnúunꞌ ráníꞌ ránoꞌó.

2 Corintios 10:8

Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

1 Corintios 10:33

Kuéntáꞌ sáꞌá ni̱ꞌ, chi núkú ni̱ꞌ sáꞌá ni̱ꞌ ntáká tiñu sáva kuva̱ꞌa iniꞌ ntáká rá ñɨvɨ kune̱ꞌyá ráa maa. Chi ntu̱ví núkú ni̱ꞌ ya̱ kuvi ya̱ váꞌa maáníꞌ, chisaꞌ núkú ni̱ꞌ ya̱ saꞌá ni̱ꞌ ya̱ kuvi ya̱ váꞌa kue̱ꞌe̱ꞌ rá ñɨvɨ, sáva ni̱ꞌi̱nꞌ ráa ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa.

1 Corintios 4:15

Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

Romanos 16:1

Jee nákutíñú ni̱ꞌ jie̱ꞌe̱ꞌ ku̱ꞌva‑ó Febe nu̱u̱nꞌ rán. Suviña suni kúvi ña ñaꞌan ya̱ chíneí ña rá ñɨvɨ kúneí iniꞌ ráa Cristo ya̱ nééꞌ ráa ñuunꞌ Cencrea jee yukuán kútútú ráa.

2 Corintios 10:18

Chi nsú ñɨvɨ ya̱ nákutíñú va̱ꞌa ráa maáráa ví ya̱ kene na̱a̱ꞌ, chisaꞌ ñɨvɨ ya̱ maá I̱toꞌoꞌ‑ó ví ya̱ nákutíñú va̱ꞌa re̱ꞌ maa ví ya̱ kene na̱a̱ꞌ.