2 Corintios 2:12 - Mixteco del suroeste de Tlaxiaco Oaxaca

¹² Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

2 Corintios 2:12 Referans Kwoze

Hechos 16:8

Saáva njia̱ꞌa ráa sánitɨ́ɨn Misia jee nkenta ráa ñuunꞌ Troas.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Colosenses 4:3

Jee suni ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ, sáva kune re̱ꞌ ichi sáva stekútu̱ꞌún ránꞌ tu̱ꞌun váꞌa jie̱ꞌe̱ꞌ Cristo, ya̱ nyɨse̱ꞌí‑i tiempúꞌ ya̱ta̱ꞌ. Jee jie̱ꞌe̱ꞌ nste̱kútu̱ꞌún ni̱ꞌ maa yɨ́ꞌɨ́ ni̱ꞌ veka̱a.

1 Corintios 16:9

Chi nine ɨɨn ichi máá káꞌnú nu̱u̱nꞌ tiñu ya̱ kuvi saꞌá ni̱ꞌ ya̱ kéne ya̱ váꞌa, asúnika̱ꞌ íyó kue̱ꞌe̱ꞌ víꞌí rá ñɨvɨ kénta síkɨꞌ ni̱ꞌ.

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

Hechos 20:8

Yɨ́ꞌɨ́ víꞌí kantil iniꞌ veꞌi súkún nu̱u̱nꞌ kútútú ránꞌ.

Hechos 16:11

Nkene ránꞌ ñuunꞌ Troas kua̱ꞌa̱nꞌ ránꞌ jín barkúꞌ. Jee kua̱ꞌa̱nꞌ na̱a̱ꞌ ránꞌ nu̱u̱nꞌ ñuꞌun naní Samotracia káá ma̱ꞌñú. Jee ne̱ ki̱vɨ̱ꞌ steñu̱ꞌún nkenta ránꞌ ñuunꞌ Neápolis.

1 Corintios 9:12

Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Corintios 9:14

Jee suni sukuán nta̱túníꞌ maá I̱toꞌoꞌ‑ó ya̱ rá te̱e ya̱ nákani tu̱ꞌun váꞌa jie̱ꞌe̱ꞌ Cristo, jee íyó ni̱ꞌi̱nꞌ ráa rá kutekuꞌ ráa nu̱u̱nꞌ tiñu sáꞌá ráa vá.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

2 Corintios 4:3

Chi retú tu̱ꞌun yɨ́séꞌí ví tu̱ꞌun va̱ꞌa jie̱ꞌe̱ꞌ Cristo ya̱ stékútu̱ꞌún ráníꞌ ya̱ ntu jiáku̱ꞌun iniꞌ ñɨvɨ maa, soo kua̱chi yɨ́séꞌí tu̱ꞌun vá nu̱u̱nꞌ rá ñɨvɨ ya̱ kuánaanꞌ nu̱u̱nꞌ Ndiosíꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 8:18

Jee chúichí ráníꞌ ɨɨn ñanitáꞌán‑ó jín Tito. Jee jie̱ꞌe̱ꞌ ñaniꞌ vá, nta̱ká rá grupo ñɨvɨ kútútú ráa ya̱ kúneí iniꞌ ráa Cristo nákuetúꞌún ráa maa jie̱ꞌe̱ꞌ sátíñú va̱ꞌa‑a nu̱u̱nꞌ tu̱ꞌun váꞌa jie̱ꞌe̱ꞌ Cristo.

2 Corintios 9:13

Jee nakuetúꞌún rá ñanitáꞌán Ndiosíꞌ jie̱ꞌe̱ꞌ tiñu ya̱ chíneí rán ya̱ stúvi‑i ya̱ chíꞌi nijia rán maárán nu̱u̱nꞌ tu̱ꞌun váꞌa jie̱ꞌe̱ꞌ Cristo, sáni jiáꞌayuꞌú rán yɨ́tíñú rán nu̱u̱nꞌ tu̱ꞌun vá. Jee nakuetúꞌún ráa Ndiosíꞌ jie̱ꞌe̱ꞌ íyó mániꞌ iniꞌ rán ku̱ꞌva víꞌí rán nu̱u̱nꞌ ráa jín nu̱u̱nꞌ ntáká ñɨvɨ.

2 Corintios 10:14

Chi ntu síkáa ráníꞌ si̱kɨ̱ꞌ ka̱ꞌ káꞌánꞌ téyɨ́ɨ́ ránꞌ, kuéntáꞌ retánꞌ ntu kénta ránꞌ nu̱u̱nꞌ ránoꞌó. Chi nkenta nijia ránꞌ nu̱u̱nꞌ ránoꞌó ranika̱ꞌ stékútu̱ꞌún ránꞌ tu̱ꞌun va̱ꞌa jie̱ꞌe̱ꞌ Cristo.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

2 Corintios 11:7

Áxí, ¿á nsa̱ꞌá ni̱ꞌ kua̱chi ya̱ nsa̱ꞌá láꞌví ni̱ꞌ maáníꞌ sáva xináa Ndiosíꞌ ránoꞌó kúñáꞌnú rán, jie̱ꞌe̱ꞌ ya̱ ntu kéꞌen ni̱ꞌ ya̱ꞌvi ni̱ꞌ nu̱u̱nꞌ ránoꞌó sáva stekútu̱ꞌún saɨn ni̱ꞌ tu̱ꞌun váꞌa Ndiosíꞌ jie̱ꞌe̱ꞌ Jesús nu̱u̱nꞌ rán rúja?

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.