2 Corintios 13:11 - Mixteco del suroeste de Tlaxiaco Oaxaca

¹¹ Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

2 Corintios 13:11 Referans Kwoze

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

1 Corintios 1:10

Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

Romanos 12:16

Jee nuún koo iniꞌ ɨɨn inka rán jín táꞌán rán, jee koto sáꞌá téyɨ́ɨ́ rán maárán, chisaꞌ ɨɨn nuún saꞌá rán maárán jín rá ñɨvɨ láꞌví jee ɨɨn nuún nutútú rán jín ráa. Jee koto kúkaꞌvi iniꞌ rán ya̱ tu̱ꞌva víꞌí rán ka̱ꞌ nsú káꞌ rá ñanitáꞌán rán.

Romanos 15:33

Jee maá Ndiosíꞌ ya̱ sáꞌá ya̱ kuneeꞌ va̱ꞌa‑ó, na̱ ka̱ꞌ koo re̱ꞌ jín ntáká rán. Sukuán koo. Amén.

Romanos 12:18

Retú kúvi, na̱sa kua̱ꞌ kenta kúneí rán, kuniꞌvɨꞌ iniꞌ rán kuneeꞌ ñunkúún rán jín ntáká rá ñɨvɨ.

Marcos 9:50

Ya̱ váꞌa kúvi ñɨ̱ɨ̱nꞌ, soo retú nukatɨ́ ya̱ uꞌváꞌ ñɨ̱ɨ̱nꞌ, ¿ná kúvi ya̱ saꞌá‑ó sáva kuꞌu̱ꞌva̱ꞌ tuku‑u rúja? [Ntu̱náꞌ íyó kuvi sáꞌá‑ó ka̱ꞌ]. Kuvi ránú ñɨvɨ va̱ꞌa kuéntáꞌ íyó ñɨ̱ɨ̱nꞌ va̱ꞌa. Jee kuneeꞌ ñunkúún rán jín ɨɨn inka táꞌán rán ―nkachiꞌ Jesús.

1 Pedro 3:11

Jee kuiyo‑o nu̱u̱nꞌ rá tiñu níváꞌa, jee saꞌá‑a rá tiñu váꞌa, nukú‑u kuneeꞌ ñunkúún váꞌa‑a jín ɨɨn inka táꞌán‑a, jee kunikɨnꞌ‑ɨ vá.

2 Corintios 13:14

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ya̱ kúvi Cristo kune̱ꞌyá re̱ꞌ nta̱ká ránoꞌó, jín ya̱ kunu̱u̱nꞌ Ndiosíꞌ nta̱ká rán, jín ya̱ koo nkáꞌnú Ta̱chi̱ꞌ Ííꞌ Ndiosíꞌ jín rán. Sukuán koo. Amén.

2 Corintios 13:9

Chi kúsɨ́ɨꞌ iniꞌ ánímaꞌ ránꞌ sáá táyáꞌ iniꞌ ráníꞌ jee ránoꞌó íyó fuersáꞌ ránú ya̱ kúneí iniꞌ rán Cristo. Jee suni sukuán jíkánꞌ táꞌvíꞌ ránꞌ yaꞌá nu̱u̱nꞌ Ndiosíꞌ sáva kenta kujia ránú kuneí noo iniꞌ rán Cristo.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

Santiago 1:4

Jee sáá kúníꞌin rán íñɨ́ ni̱ꞌin rán jee suꞌva chúchítú tiñu sáꞌá‑a iniꞌ rán, sáva kujia iniꞌ rán, jee kuna̱a̱ꞌ rán kueꞌnu rán ichi Ndiosíꞌ, jee ni ntu̱náꞌ kúmániꞌ nu̱u̱nꞌ rán, sáva sikúnkuvi va̱ꞌa rán nu̱u̱nꞌ re̱ꞌ.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.

Filipenses 4:9

Saꞌá rán ya̱ nku̱tu̱ꞌva rán ya̱ nxi̱néꞌénꞌ ni̱ꞌ ránoꞌó, jín tu̱ꞌun ya̱ nníꞌinꞌ rán ya̱ ntaji ni̱ꞌ nu̱u̱nꞌ rán, jín ya̱ nteso̱ꞌo rán ya̱ nkachiꞌ ni̱ꞌ, jín ya̱ niniꞌ rán ya̱ nsa̱ꞌá ni̱ꞌ. Jee saꞌá rán maa, jee máá Ndiosíꞌ vá táji ya̱ kuneeꞌ va̱ꞌa rán, jee koo re̱ꞌ jín rán.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Apoclipsis 22:21

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ntáká ránoꞌó. Amén. Sukuán koo.

Hebreos 13:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa ñunkúún‑ó, jee maáréꞌ nxi̱nákóo re̱ꞌ nna̱xtekúꞌ re̱ꞌ I̱toꞌoꞌ‑ó Jesús ya̱ kúvi Cristo nene‑e nteñu rá ni̱yɨ, ɨɨn pasto kúñáꞌnú nu̱u̱nꞌ‑ó ya̱ náka‑a yó kuéntáꞌ lanchi. Chi jín ni̱ñɨ̱ꞌ maáa ya̱ ñatɨ sáá ni̱ꞌi̱ꞌ‑i yukuán kúvi ya̱ ñakɨnꞌ kutú‑u tratúꞌ‑u ya̱ koo nɨ́ɨ́nkání.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

2 Tesalonicenses 3:16

Saájee máá maá I̱toꞌoꞌ‑ó ví ya̱ sáꞌá ya̱ kuneeꞌ ñunkúún ñɨvɨ. Jee na̱ ka̱ꞌ saꞌá re̱ꞌ ka̱ꞌ ya̱ ñunkúún kuneeꞌ rán nɨꞌɨ tiempúꞌ jín nta̱ká íchí. Jee kuneeꞌ I̱toꞌoꞌ‑ó jín nta̱ká ránoꞌó.

1 Tesalonicenses 5:23

Ndiosíꞌ ví ya̱ sáꞌá‑a ya̱ kuneeꞌ ñunkúún ñɨvɨ. Jee ñúꞌún iniꞌ ni̱ꞌ ya̱ na̱ ka̱ꞌ sasɨ́ɨ́n re̱ꞌ ka̱ꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ níváꞌa, ya̱ kɨtíñú noo rán nu̱u̱nꞌ re̱ꞌ. Jee ñúꞌún iniꞌ ni̱ꞌ ya̱ na̱ ka̱ꞌ kumí re̱ꞌ ka̱ꞌ kávii kuitɨꞌ sáá íyó rán, va̱ni ánímaꞌ rán, va̱ni antúníꞌ rán, va̱ni yɨkɨkúñu rán, sáva ntu̱náꞌ kua̱chi koo si̱kɨ̱ꞌ ránoꞌó, sáá kiji tuku I̱toꞌoꞌ‑ó Jesús ya̱ kúvi Cristo.

1 Tesalonicenses 5:16

Sukuáni sɨ̱ɨ̱ꞌ koo iniꞌ ánímaꞌ rán.

1 Tesalonicenses 5:13

Jee íyó saꞌá ñáꞌnú víꞌí rán nu̱u̱nꞌ ráa jee íyó kunu̱u̱nꞌ rán ráa jie̱ꞌe̱ꞌ tiñu sáꞌá ráa. Jee ñunkúún kuneeꞌ ɨɨn inka rán.

1 Tesalonicenses 4:18

Saáva nasáneí rán iniꞌ ɨɨn inka rán jín rá tu̱ꞌun yaꞌá.

Filipenses 4:4

Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.

Filipenses 4:2

Jíkánꞌ táꞌvíꞌ ni̱ꞌ nu̱u̱nꞌ Evodia jín Síntique, ya̱ nuún kuꞌun iniꞌ ráa chi ni núvíꞌ ráa yɨ́ꞌɨ́ nu̱u̱nꞌ I̱toꞌoꞌ‑ó.

Filipenses 3:16

Soo kani iniꞌ‑ó jee kaka na̱a̱ꞌ‑ó sánikua̱ꞌ ya̱ nijia iniꞌ‑o.

Efesios 6:23

Jee na̱ ka̱ꞌ saꞌá ka̱ꞌ Tátáꞌ‑ó Ndiosíꞌ jín I̱toꞌoꞌ‑ó Jesús ya̱ kúvi Cristo ya̱ kino̱o va̱ꞌa iniꞌ rá ñanitáꞌán‑ó, jín ya̱ kunu̱u̱nꞌ ráa Ndiosíꞌ jín ɨɨn inka ráa, jín ya̱ kuneí iniꞌ ráa Ndiosíꞌ.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

Hechos 23:30

Soo sáá nni̱ꞌi̱nꞌ ni̱ꞌ tu̱ꞌun ya̱ nátúꞌún ráa, ya̱ kaꞌniꞌ ráa maa, jee kuíntañúꞌún nta̱jí ni̱ꞌ maa nu̱u̱nꞌ nú. Jee suni nta̱túníꞌ ni̱ꞌ nu̱u̱nꞌ rá ñɨvɨ chíkuáchi maa, ya̱ kua̱jiaaꞌ nakani ráa nu̱u̱nꞌ nú, na̱ kua̱chi ví ya̱ nsa̱ꞌá re̱ꞌ”, sukuán ntee re̱ꞌ nu̱u̱nꞌ tutuꞌ ña̱ꞌa̱nꞌ nu̱u̱nꞌ Félix.

Hechos 18:21

I̱ña̱jée nkaꞌanꞌ re̱ꞌ ka̱ꞌ jín ráa, jee nkachiꞌ re̱ꞌ: ―Tukuni nikó ni̱ꞌ nu̱u̱nꞌ nééꞌ rán, ré Ndiosíꞌ kuíni ―nkachiꞌ‑i. Jee ntɨɨn‑ɨ barkúꞌ ñuunꞌ Éfeso jee kua̱ꞌa̱nꞌ‑a.

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Lucas 9:61

Jee nkachiꞌ inka ka̱ꞌ: ―I̱toꞌoꞌ ni̱ꞌ, kunikɨnꞌ ni̱ꞌ noꞌó, soo xíꞌna ka̱ꞌ taji nú kɨ̱kaꞌanꞌ ni̱ꞌ ntíꞌ ka̱ꞌ jín rá táꞌán veꞌi ni̱ꞌ ―nkachiꞌ‑i.

Marcos 10:49

Saájee ña̱kui̱ñɨ̱ꞌ Jesús jee nkachiꞌ‑i: ―Kana rán maa. Jee nkana ráa te̱e kuáá vá, jee nkachiꞌ ráa nu̱u̱nꞌ‑u: ―¡Neí koo iniꞌ nú! ¡Nakuiñɨꞌ! Chi kána re̱ꞌ noꞌó.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Mateo 1:23

Kune̱ꞌyá rán, ɨɨn ñaꞌan súchí núún, nanise̱ꞌya ña, jee sikáku ña ɨɨn su̱chí yɨ́ɨ́, jee sikúnání ráa maa Emanuel káchíꞌ nu̱u̱nꞌ Tutuꞌ Ííꞌ. Emanuel kuíni kachiꞌ: Ndiosíꞌ íyó re̱ꞌ jín‑ó.

Génesis 45:24

Jee nna̱chuichí re̱ꞌ rá ñaniꞌ re̱ꞌ, jee kua̱noꞌonꞌ ráa, jee nkachiꞌ re̱ꞌ nu̱u̱nꞌ ráa: ―Koto kántáꞌán túꞌun rán ichi nu̱u̱nꞌ kua̱noꞌonꞌ rán.

Génesis 37:4

Soo sáá niniꞌ rá ñaniꞌ keín José ya̱ ñúnúunꞌ ka̱ꞌ tátáꞌ ráa maa nsú káꞌ ntáká maáráa, jee nkenta ntaꞌvi iniꞌ ráa nne̱ꞌyá ráa maa jee ni ntu nkúvi kaꞌanꞌ va̱ꞌa ráa jín‑i.

Efesios 4:3

Jee kuniꞌvɨꞌ iniꞌ rán ya̱ nuún koo iniꞌ rán, sáni sáꞌá Ta̱chi̱ꞌ Ííꞌ Ndiosíꞌ jín rán, jie̱ꞌe̱ꞌ ya̱ kuneeꞌ ñunkúún va̱ꞌa rán jín ɨɨn inka rán ví ya̱ nasánuún‑u iniꞌ yó.

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

1 Tesalonicenses 3:10

Nuví jín yakuááꞌ jíkánꞌ táꞌvíꞌ nasɨ́kuitɨꞌ ráníꞌ nu̱u̱nꞌ Ndiosíꞌ ya̱ kua̱jiane̱ꞌyá ránꞌ ránoꞌó. Sáva xinéꞌénꞌ ráníꞌ ka̱ꞌ tu̱ꞌun kúmániꞌ rán, jie̱ꞌe̱ꞌ tu̱ꞌun váꞌa Jesús ya̱ jínúꞌ iniꞌ rán.

2 Tesalonicenses 3:1

Jee íyó inka tu̱ꞌun kachiꞌ ráníꞌ nu̱u̱nꞌ ránoꞌó, ñanitáꞌán, ya̱ ka̱ka̱nꞌ táꞌvíꞌ ránú nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Sáva kutenuun ya̱chi̱ꞌ tu̱ꞌun jie̱ꞌe̱ꞌ I̱toꞌoꞌ‑ó, jee sáva koo ñáꞌnú tu̱ꞌun vá nu̱u̱nꞌ rá ñɨvɨ, sáni nkuvi nteñu ránoꞌó.