2 Corintios 12:12 - Mixteco del suroeste de Tlaxiaco Oaxaca

¹² Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

2 Corintios 12:12 Referans Kwoze

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

2 Corintios 11:6

Chi retú ntu túꞌva ni̱ꞌ kaꞌanꞌ va̱ꞌa ni̱ꞌ, soo nsú sukuán kúvi jie̱ꞌe̱ꞌ ya̱ jíníꞌ va̱ꞌa ni̱ꞌ tu̱ꞌun váꞌa jie̱ꞌe̱ꞌ Jesús, chi nstúvi kájí ni̱ꞌ yaꞌá nu̱u̱nꞌ ránoꞌó, ntáká nu̱u̱nꞌ, ntáká íchí.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

1 Corintios 14:18

Jee nuꞌuꞌ chi, jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ya̱ káꞌánꞌ ni̱ꞌ inka nu̱u̱nꞌ tu̱ꞌun ntu jiáku̱ꞌun iniꞌ ni̱ꞌ kue̱ꞌe̱ꞌ ka̱ꞌ nsú ka̱ꞌ ránoꞌó.

Juan 4:48

Saájee nkachiꞌ Jesús nu̱u̱nꞌ re̱ꞌ: ―Retánꞌ ntu néꞌyá rán rá seña jín tiñu a̱nasɨ́, jee nsáꞌ kúneí kuitɨꞌ iniꞌ rán nuꞌuꞌ ―nkachiꞌ Jesús.