2 Corintios 12:10 - Mixteco del suroeste de Tlaxiaco Oaxaca

¹⁰ Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.

2 Corintios 12:10 Referans Kwoze

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

Efesios 6:10

Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ.

Romanos 5:3

Jee nsáꞌ kua̱chi kuitɨꞌ yaꞌá, chi suni kúsɨ́ɨꞌ iniꞌ‑ó nu̱u̱nꞌ tu̱nóꞌó nóꞌo‑ó, chi jíníꞌ‑ó ya̱ nu̱u̱nꞌ tu̱nóꞌó nóꞌo‑ó vá sáꞌá ya̱ jíjia iniꞌ‑ó káꞌnú koo iniꞌ‑ó keꞌneꞌ iniꞌ‑ó ya̱ kuiñɨ kutú‑ó nu̱u̱nꞌ Jesús.

2 Corintios 13:4

Chi máá naáꞌ nijia ya̱ níꞌiꞌ re̱ꞌ nu̱u̱nꞌ kurúsiꞌ jie̱ꞌe̱ꞌ ña̱netuꞌ re̱ꞌ ya̱ ntayaꞌ iniꞌ re̱ꞌ. Soo vitan fuersáꞌ ííꞌ níꞌin níso Ndiosíꞌ sáꞌá‑a ya̱ tékúꞌ re̱ꞌ. Jee suni sukuán táyáꞌ iniꞌ ráníꞌ kuéntáꞌ Cristo jie̱ꞌe̱ꞌ yɨ́ꞌɨ́ ránꞌ nu̱u̱nꞌ re̱ꞌ, soo suni kutekuꞌ ránꞌ jín re̱ꞌ sáꞌá fuersáꞌ ííꞌ níso Ndiosíꞌ ya̱ táji re̱ꞌ nu̱u̱nꞌ ránꞌ sáva saꞌá ránꞌ tiñu re̱ꞌ nu̱u̱nꞌ ránú.

Santiago 1:2

Ránoꞌó ya̱ kúvi ñaniꞌ maáníꞌ jín ku̱ꞌva ni̱ꞌ, íyó tɨɨn rán ya̱ kusɨ̱ɨ̱ꞌ víꞌí iniꞌ ánímaꞌ rán, sáá kototúníꞌ kéꞌín nu̱u̱nꞌ tu̱nóꞌó táꞌánꞌ si̱kɨ̱ꞌ rán.

2 Corintios 6:4

Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

2 Corintios 13:9

Chi kúsɨ́ɨꞌ iniꞌ ánímaꞌ ránꞌ sáá táyáꞌ iniꞌ ráníꞌ jee ránoꞌó íyó fuersáꞌ ránú ya̱ kúneí iniꞌ rán Cristo. Jee suni sukuán jíkánꞌ táꞌvíꞌ ránꞌ yaꞌá nu̱u̱nꞌ Ndiosíꞌ sáva kenta kujia ránú kuneí noo iniꞌ rán Cristo.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

2 Corintios 5:15

Jee ni̱ꞌi̱ꞌ re̱ꞌ jie̱ꞌe̱ꞌ ntáká ñɨvɨ, sáva rá ñɨvɨ ya̱ tékúꞌ ráa ntu̱ví ka̱ꞌ jiáꞌnu ráa yɨ́tíñú ráa nu̱u̱nꞌ maáráa, chisaꞌ kueꞌnu ráa kɨtíñú ráa nu̱u̱nꞌ maáréꞌ ya̱ ni̱ꞌi̱ꞌ re̱ꞌ jee nna̱tekuꞌ i̱i̱ꞌ re̱ꞌ nnako̱o yɨkɨkúñu re̱ꞌ nkene re̱ꞌ nteñu rá níyɨ sáva kuvi ya̱ váꞌa ráa.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

2 Corintios 10:18

Chi nsú ñɨvɨ ya̱ nákutíñú va̱ꞌa ráa maáráa ví ya̱ kene na̱a̱ꞌ, chisaꞌ ñɨvɨ ya̱ maá I̱toꞌoꞌ‑ó ví ya̱ nákutíñú va̱ꞌa re̱ꞌ maa ví ya̱ kene na̱a̱ꞌ.

2 Tesalonicenses 1:4

Saáva ránuꞌuꞌ kúsɨ́ɨꞌ téyɨ́ɨ́ iniꞌ ráníꞌ káꞌánꞌ téyɨ́ɨ́ ránꞌ jie̱ꞌe̱ꞌ ránoꞌó nu̱u̱nꞌ rá grupo ñɨvɨ ya̱ kúneí iniꞌ ráa Ndiosíꞌ, chi kúníꞌin rán íñɨ́ ni̱ꞌin rán jee kúneí iniꞌ rán Jesús, sú jíto u̱ꞌvi̱ꞌ ñɨvɨ ránoꞌó jee nóꞌo rán tu̱nóꞌó ya̱ jiéꞌnéꞌ iniꞌ rán ya̱ nóꞌo rán.

Filipenses 1:29

Chi jie̱ꞌe̱ꞌ Cristo, ntaji Ndiosíꞌ u̱vi̱ꞌ tiñu váꞌa nu̱u̱nꞌ rán: nsáꞌ kua̱chi ntaji re̱ꞌ ya̱ ínúꞌ iniꞌ rán Cristo, chi suni ntaji re̱ꞌ ya̱ kunoꞌo rán jie̱ꞌe̱ꞌ Cristo.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

2 Corintios 7:4

Jee káꞌánꞌ neí iniꞌ ni̱ꞌ jín ránoꞌó. Jee káꞌánꞌ téyɨ́ɨ́ ni̱ꞌ jie̱ꞌe̱ꞌ ránoꞌó. Chi núváꞌa iniꞌ ni̱ꞌ jee kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ sú na̱sa ka̱ꞌ nta̱ká tu̱nóꞌó nóꞌo ráníꞌ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.