2 Corintios 11:8 - Mixteco del suroeste de Tlaxiaco Oaxaca

⁸ Chi ntɨɨn ni̱ꞌ xu̱ꞌún rá inka grupo ñɨvɨ kúneí iniꞌ ráa Jesús, kuéntáꞌ nsa̱kuíꞌná ni̱ꞌ, chi ntɨɨn ni̱ꞌ ya̱ꞌvi ni̱ꞌ ya̱ ntaji ráa nu̱u̱nꞌ ni̱ꞌ, sáva saꞌá ni̱ꞌ tiñu Ndiosíꞌ nteñu ránoꞌó.

2 Corintios 11:8 Referans Kwoze

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

2 Corintios 11:9

Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

1 Corintios 4:12

Jee suni jiáví ráníꞌ sátíñú yɨ́ɨ́ ránꞌ jín naꞌá maáránꞌ, jee chísónínu rá ñɨvɨ ránuꞌuꞌ jín tu̱ꞌun níváꞌa néꞌyá ráa ránuꞌuꞌ, soo káꞌánꞌ ránꞌ tu̱ꞌun váꞌa jie̱ꞌe̱ꞌ ráa, jee jíto u̱ꞌvi̱ꞌ ráa ránuꞌuꞌ, jee jiéꞌnéꞌ iniꞌ ráníꞌ ya̱ sukuán nóꞌo ránꞌ,

1 Corintios 9:6

Áxí, ¿á kua̱chi nuꞌuꞌ jín Bernabé ví rá apóstol ya̱ íyó satíñú ráníꞌ sáva ni̱ꞌi̱nꞌ ránꞌ kutekuꞌ ránꞌ [sáva kuvi kɨtíñú ránꞌ stékútu̱ꞌún ránꞌ tu̱ꞌun váꞌa I̱toꞌoꞌ‑ó] rúja?