2 Corintios 11:2 - Mixteco del suroeste de Tlaxiaco Oaxaca

² Chi ñúꞌún kuíñɨ́ iniꞌ ni̱ꞌ néꞌyá ni̱ꞌ ránoꞌó, sáni kuíñɨ́ iniꞌ maá Ndiosíꞌ néꞌyá re̱ꞌ ránoꞌó. Chi nsa̱ꞌá ni̱ꞌ kuéntáꞌ te̱e jíka na̱ꞌvi̱ꞌ, chi njia̱ꞌayuꞌú ni̱ꞌ ku̱ꞌva ni̱ꞌ ránoꞌó nu̱u̱nꞌ métúꞌún Cristo, kuéntáꞌ kúvi re̱ꞌ yɨɨ́ rán, ku̱ꞌva ni̱ꞌ ránoꞌó nu̱u̱nꞌ re̱ꞌ kuéntáꞌ jiáꞌa ráa ɨɨn ñaꞌan núún íyó ninuꞌun nu̱u̱nꞌ yɨɨ́ ña.

2 Corintios 11:2 Referans Kwoze

Juan 3:29

Chi te̱e tánáꞌá ví ya̱ íyó re̱ꞌ jín ñaꞌan tánáꞌá jín re̱ꞌ. Soo te̱e ya̱ ma̱ni̱ꞌ jín te̱e tánáꞌá vá jee íñɨ́ re̱ꞌ jín te̱e tánáꞌá vá jee tésóꞌo re̱ꞌ rá tu̱ꞌun káꞌánꞌ‑a. Jee kúsɨ́ɨꞌ nasɨ́kuitɨꞌ iniꞌ re̱ꞌ tésóꞌo re̱ꞌ ya̱ káchíꞌ te̱e tánáꞌá vá. Saájee suni sukuán chítú ya̱ kúsɨ́ɨꞌ iniꞌ ni̱ꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Romanos 7:4

Jee suni sukuán vá, ránoꞌó ñaniꞌ ni̱ꞌ jín ku̱ꞌva ni̱ꞌ, nkɨ́ꞌɨ rán ka̱ꞌ xi̱ntíín tu̱ꞌun ley nta̱túníꞌ Ndiosíꞌ yanaꞌán chi kuéntáꞌ ni̱ꞌi̱ꞌ rán nu̱u̱nꞌ ley vá chi jíꞌín rán ni̱ꞌi̱ꞌ rán jín Cristo sáá ni̱ꞌi̱ꞌ re̱ꞌ jín yɨkɨkúñu re̱ꞌ, sáva kɨꞌɨ rán nu̱u̱nꞌ inka ka̱ꞌ. Chi yɨ́ꞌɨ́ rán nu̱u̱nꞌ Cristo ya̱ nnako̱o re̱ꞌ jee nna̱tekuꞌ i̱i̱ꞌ re̱ꞌ nkene re̱ꞌ nteñu rá ni̱yɨ. Yɨ́ꞌɨ́ rán nu̱u̱nꞌ re̱ꞌ sáva kueꞌnu na̱a̱ꞌ‑ó kɨtíñú‑ó nu̱u̱nꞌ Ndiosíꞌ.

2 Corintios 4:14

Chi jíníꞌ ránꞌ ya̱ maá Ndiosíꞌ ya̱ nna̱stekúꞌ i̱i̱ꞌ re̱ꞌ I̱toꞌoꞌ‑ó Jesús jee nxi̱nákóo re̱ꞌ yɨkɨkúñu‑u, jee suni sukuán ne̱ jíꞌín‑ó nastekúꞌ i̱i̱ꞌ re̱ꞌ yó jie̱ꞌe̱ꞌ yɨ́ꞌɨ́‑ó nu̱u̱nꞌ Jesús jee xinákóo re̱ꞌ yɨkɨkúñu‑ó, jee kɨ̱na̱ka nkáá re̱ꞌ ránuꞌuꞌ jín ránoꞌó naku̱ꞌva re̱ꞌ yó nu̱u̱nꞌ Jesús.

1 Corintios 4:15

Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.

Gálatas 4:11

Yúꞌví ni̱ꞌ ya̱ sa̱naanꞌ re̱ꞌ nsa̱tíñú ka̱ꞌá ni̱ꞌ ya̱ nxi̱néꞌénꞌ ni̱ꞌ tu̱ꞌun Jesús nu̱u̱nꞌ rán.

1 Tesalonicenses 2:11

Jee suni jíníꞌ ránú ya̱ nsa̱ꞌá ráníꞌ jín ta ɨɨn ránoꞌó kuéntáꞌ sáꞌá ɨɨn tátáꞌ jín rá se̱ꞌya re̱ꞌ, chi nna̱sáneí ránꞌ iniꞌ ránoꞌó jee nna̱saꞌá sɨ́ɨꞌ ránꞌ iniꞌ ránoꞌó,

Apoclipsis 14:4

Jee suviráa kúvi ñɨvɨ ya̱ ntu nkúkuáchi ráa jín ñaꞌan, chi íyó noo ninuꞌun ánímaꞌ ráa. Jee suviráa ví ya̱ níkɨ́nꞌ ráa maáréꞌ ya̱ kúvi re̱ꞌ Lanchi Lúlí Ndiosíꞌ né ni ví nkuvi nu̱u̱nꞌ kuáꞌánꞌ re̱ꞌ. Jee suviráa kúvi ñɨvɨ ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ. Jee nso̱ko̱ꞌ ráa maáráa nu̱u̱nꞌ Ndiosíꞌ, jín nu̱u̱nꞌ maáréꞌ ya̱ kúvi Lanchi Lúlí vá kuéntáꞌ kúvi ráa parte xíꞌnañúꞌún tataꞌ sáꞌá jee va̱ji kue̱ꞌe̱ꞌ ka̱ꞌ.